1 Korɛnt 13:2 - Kálar Nzyɛ̌m : Ejwán é Sáá

² Me óbɛ̌m be e ndwéá égwîh bísyɛ́ɛla ngá syɛ́ɛ bí, le egʉ́a épâʼlǎ lwǐb ódîm yɨ́yɛ̂h, le egʉ́ǎ sá yɨ́yɛ̂h, sâ bínzololo. Me óbɛ̌m be e búʼó mbi dí ó, me pɛ́ʼɛɛ mecwɨ̂ʼ yɨ́. Sâ gwár, mé bé abe e kpɛ̌l nó, lɛ́ɛ́, mé abě sɔ̂ʼ.

Kálara Zyɛ̌m Edwán é mpʉ̌n

² Me óbɛm nolɔ bɨntɔɔ bɨ egwih mɨlɔb myé ósyɛɛlɨ ɨ, le byaa bɨ epɛʼle lwib odim yiyɛh, le byaa bɨ egʉa sa yiyɛh. Me óbɛm be e buʼo é mbi ndɨ ó, me pɛʼɛ mocwɨʼ é bɨcye byɔɔ ɛ. Sa gwar, ǃme baabe e kpɛl nɛʼɛ, gʉa ó, me abe sɔʼɔ.

1 Korɛnt 13:2 ပူးပေါင်းရင်းမြစ်များ

1 Yʉanes 4:8

Mʉr dí akpɛl nyá, nyé apǎ gʉ́ǎ Nzyɛ̌m, ebě, Nzyɛ̌m, nye ó kpɛ̌l.

1 Korɛnt 13:3

Me óbɛ̌m kab mébi mâm mɨ́mɛ̂h, nkʉ̂ bɛ́ma nyʉ̂l nyǎm ó, me díʼee e sá énkʉ́na ɨ́ lɔ̌b wé yɨ́. Mé bé abe e kpɛ̌l nó, me l'agúm dirǎ nyɔm e bisyɛ́ɛla bínɨ̌.

Mataos 17:20

Nye nzě yala e bé ó: «Yé ó ɨ́ lɔ̌b búʼó yɨ́n dí ɨ́ twâʼwo yɨ́. Mě lɛ́ɛ́ bɨ́n lɨ́ otyeetye ó, bɨ́n óbe e mâ búʼó mpʉ díh é nyʉ́ó nó, bɨ̌n bé óbe e nkul elɛ́ɛ le ecwɨ́ʼ lɨ̂ʼ ó: “Nkɛ́yɨ́ɨ́ gó mʉr tɨ̂ʼ wâ. Tó tyɛ̂b kâ,” yé óbánǎ sâ nó. Abe e sá yé ógbâ bɨ́n mekɔbla tɨ̂.»

1 Korɛnt 16:22

Mʉ̂r bé akpɛl Tî Yésʉs nó, Nzyɛ̌m sʉ́ʼoo nye meswomlʉ. Maranáta: Dâ ɛ̌, ntáʼ!

Mataos 21:21

Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ́n dyɛ́ʼwó e Nzyɛ̌m, asóŋlo ɨ́ bɨ̌n bʉr o tɨ̂ʼ nó, sá bɨ́n ngá sâ yɨ́, yé ólaǎ sâ sáŋɔ́ɔ́ figyê yɨ́. Bɨ́n ólɛ́ɛ le ecwɨ́ʼ lɨ̂ʼ ó: “Mɔaa náǎ. Tó nkaŋa ɨ́ mâŋ” nɛ́ɛ: lé óbánǎ sâ ntémé nó!

Éfɛsɔs 3:4

Bɨ́n láá mékaná mâʼ nó, bɨ̌n bé ojʉ̂ʼrǎ sá mé mû sí gʉ́a ɨ́ pébébé, dumo e Krîst yɨ́. Sâ yaá, yé á nyɛɛ be ó lwǐb ódîm.

1 Korɛnt 13:1

Me óbɛ̌m lwib bílwǐb bi bʉ̂r, nkʉ̂ byaá bééngeles. Mé bé abe e kpɛ̌l nó, lɛ́ɛ́, me mû ó mpʉ̌ kpʉ́ŋlʉ́ tonô dí eduo yɨ́, nkʉ̂ mpʉ éntyɛ́ɛ́lé dí elwáŋla lɨ́.

Galásia 5:16

Sá tɨ̂ʼ ó mé dí elɛ́ɛ bɨ́n ó, dúʼóó gá nzɨ̌ Sísǐm mé Nzyɛ̌m dí etɨ́e bɨ́n nyɨ́ yɨ́. Bɨ́n sí sâ nó nɛ́ɛ: bɨ̌n bé ákǎ lóŋlo bígwɨ́má bí njwɨr myâ gá wɨ́ná.

Kolosi 1:26

Wé á nyɛɛ bɨbe ó, ɨ́ lwǐb ódîm, sá Nzyɛ̌m á sol ɨ́ mimyǎ mi bʉ̂r, duho myâ yɨ́. Tó kœb ó, nyɨ́ kǎ lɛ̂ʼle wé ɨ́ kpɛŋlɛm kwá bʉr o dí egúmo e né bá.

Galásia 6:3

Ebě, nɛ́ɛ: nyʉ́ʉ́ mʉ̂r bé lɨ́ ejwɨʼ ó, nye ó mpǎŋ sɔ̂ʼ, nyɨɛ yɨ́ɛ abě mpaŋ mʉ̂r nó, mʉr waá, nyě dímlé ó, nye mʉr tɨ̂.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

1 Korɛnt 12:28

Nó ó, Nzyɛ̌m á tyêl bʉr ɨ́ Mbɛ̌r-Nzyɛ̌m ó, mbi wɨ̂: ɨ́ tyé ésôʼ, bʉr o mílʉ́mlʉ́ mé Yésʉs; ɨ́ tyé mbá, ogwíha o mílɔ̌b; ɨ́ tyé lɛ̂l, olɛ̂ʼla. Píe tɨ̂, nye á tyêl ó: osyɛ̂l o mésimá, ojomo o bʉ̂r, osúʼa, ojwɨ́ɨ ó Mbɛ̌r-Nzyɛ̌m, le baá o dí elwib báayogoyogo bá.

1 Korɛnt 7:19

Etíʼɔɔ mpʉ́n nkʉ̂ di, l'atíʼɔɔ mpʉ́n, yé alɛ́ɛ̌ sɔ̂ʼ. Sá dí e nyɔm yɨ́, yé ó, go bâʼlaa metié mé Nzyɛ̌m.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

1 Korɛnt 4:1

Bɨ̌n bé ɨ́ jala le eláa bɨ́h bɨɛ mpʉ ósyɛ̂l o mésâ mé Krîst, bʉr o dí egʉ́a ébaʼlě lwǐb ódîm mé Nzyɛ̌m bá.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.

Mataos 21:19

Nye nzě beě lɨ́ figyê lɨ́ empah é nkpǎʼ. Nye ntɔ̂ʼ dyɛ̂l lɨ́ etó sáa mpúmó, akœ̌b bumó gwár tɨ̂. Nye á jaa kœb ó, njɨ biká e biká. Nye nzě lɛ́ɛ e lɨ́ figyê ó: «Abe e lʉ́ʉ́ dʉ́o bumó, yé ókǎ tyel ɨ́ go!» Tyé e tyé yaá nɛ́ɛ: lɨ́ figyê yaá, yé ntɔ̂ʼ dwɛ̂hla.

Mataos 13:11

Nye ntɔ̂ʼ yala e bé ó: «Bɨ̌n ó Nzyɛ̌m á gwîh bisá mésǒ bi Mpóʼo nyé. Nó bɨ́ɛ á bé agwíhɔɔ byê.

2 Korɛnt 12:11

Me mû ó gʉʼlʉgʉ́, lɨ́ esí bánǎ lwǐb mbi bílwǐb bínɨ̌. Bɨ̌n ó b'á sâ ó, me díʼee yê, ebě, bɨ̌n ó b'á tíne me lɨ́ esâ nó. Yé bé sá jála nó, lɛ́ɛ́, bɨ̌n ó b'á dwe me dúu, ebě, mé abe píhe bʉr o mílʉ́mlʉ́ o dí enkʉ́na ó, bé ó me dóló bá, damá be ó, mé abě sɔ̂ʼ.

1 Korɛnt 14:39

Bɨ́ɔɔ́ bâm! Okɛ́l bâm! Gwɨ́má yɨ́n, yé díʼee njɨ ó, bɨ̌n gwíhɨɨ milɔ̌b mé Nzyɛ̌m. Sá akamle gá bʉr lɨ́ elwib bílwǐb báayogoyogo.

1 Korɛnt 8:4

Nó ó, ɨ́ nkǒ páʼ ndéá tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, mɨná bé lɨ́ egʉ́a gá ó, sɔ̂ʼ, yé abe ɨ́ bikpɛʼkpɛ̂ʼ bí ónzyɛ̌m. Nzyɛ̌m, nye ó njɨ ngwár.

Mɨlʉmlʉ 13:1

Ɨ́ sɔ́má bʉ̂r ó Mbɛ̌r-Nzyɛ̌m Antiôs, yé á be ó, le ogwíha o mílɔ̌b le ompʉ́n. Bé á be ó Banabâs, ndu e Siméon, mʉr Nígɛr, Lʉ́siʉs, mʉr Sirénia, ti e Manaɛ̂n. (Bé e ngóvina Erôd ó b'á gbɔlwa sɔ́má.) Saʉ̂l á be ntémé ó tɨ̂.

Rôm 15:14

Bɨ́ɔɔ́ bâm! Okɛ́l bâm! Mɛm mʉr tɨ̂, me lɨ́ egʉ́a mbɨ̂mbɨá ó, bɨ̌n bé ó lwɨ́ŋlá e mpam. Bɨ̌n bé lɨ́ egʉ́a bísá bíbyɛ̂h. Le ntémé ó, bɨ̌n bé e nkul edwidweela métwɨ́ɨ́ páʼ nyɨ́n.

1 Korɛnt 11:4

Mʉ́rʉ̂m dyɛ́l ntʉ̂m ɨ́ lʉ̂ ɨ́ jɔʼ nyé dí ejɨʼla, nkʉ̂ gwîh mílɔ̌b mé Nzyɛ̌m ɨ́ gwɨ́hlá óbûʼla yɨ́ nó, nyě sámlé ó njwɨ́ɨ wé, Krîst.

1 Korɛnt 13:8

Kpɛ̌l, yé ásíe. Mingwíhá mílɔ̌b míɛ, myé ósíe. Bʉr o dí elwib báayogoyogo bá, bé ógwâʼ ésâ nó. Ngwɨ́á bʉ̂r, bé á nyɛɛ be e wé wɨ́, wé ósíe.

1 Korɛnt 14:4

Mʉr dí elwib báayogoyogo nyá, nye lɨ́ enʉa pîm ɨ́ búʼó yé nye mʉr tɨ̂. Tó kœb ó, mʉr dí egwîh mílɔ̌b mé Nzyɛ̌m nyá, nye lɨ́ egbâ pîm ɨ́ búʼó bʉ̂r ó Mbɛ̌r-Nzyɛ̌m.

1 Korɛnt 14:29

Ogwíha o mílɔ̌b, bé lwíbɨɨ obá, nkʉ̂ olɛ̂l. Bʉ́ʉ́ bʉ̂r oswîh, bé okǎ pahle mílɛ́á myɔ́ɔ́ myaá, bé nkʉ̂ gʉ́ǎ nyɔm dí tɨ̂ʼ wɨ́.

1 Korɛnt 15:51

Me múo nzě pâʼla bɨ́n lwǐb ódîm: ntʉ bʉ̂r bɨ́bɛ̂h ngá dwe! Sâ gwár, mɨná gá óbɛ̂h, bé ódwira gá menyʉ̂l.