1 Korɛnt 11:3 - Kálar Nzyɛ̌m : Ejwán é Sáá

³ Mě gwɨ́m ó, bɨ̌n gʉ́ŋaa ó, Krîst, nye ó njwɨ́ɨ mʉrʉ̂m nyɨnyɛ̂h. Njʉ̂m, nye ó njwɨ́ɨ me mʉ́má wé. Nzyɛ̌m Sɔ́ŋ, nye ó Njwɨ́ɨ mé Krîst.

Kálara Zyɛ̌m Edwán é mpʉ̌n

³ Me egwɨm ó, bɨn gʉŋa ó, Krɨst, nye ó njwɨʼa mo mʉrʉm nyiwɛh. Njʉm, nye ó njwɨʼa mo myɛl. Zyɛm Sɔŋ, nye ó Njwɨʼa mo Krɨst.

1 Korɛnt 11:3 ပူးပေါင်းရင်းမြစ်များ

Kolosi 3:18

Bɨ̌n bʉbá, sáʼ gá ojʉ́m bɨ́n mejóʼo, ebě, mpʉ́nʉ̌ ó bʉ̂r o mû sí pûhla e Tî Yésʉs bá, jálá le esâ yɨ́.

Kolosi 1:18

Mɨ́ná jwɨ́ʼ gá Mbɛ̌r-Nzyɛ̌m e nyʉ̂l mʉr nó, lɛ́ɛ́, Krîst ó dí lʉ̂. Twiʼ dwân, yé á táare ó e nye. Nye ó mʉr esôʼ á pah, duho lɨ́ odwe nyá. Mpʉ nyé dí nó yɨ́, nye ó dí elaǎ sá yɨ́yɛ̂h ɨ́ medile.

1 Korɛnt 3:23

Nó ó, bɨ̌n bɨɛ gúmó ó e Krîst. Krîst nyɨɛ gúmo e Nzyɛ̌m.

Éfɛsɔs 4:15

Tó kœb ó, mɨ́ná lɛ́ɛ́ gá otyeetye tʉ́ŋlʉ̌ kpɛ̌l nó, mɨná bé ógwɨ́e le ebwaʼ gâ, tótôʼ, tó pyâl ɨ́ jɔʼ mɨ́ná ngá di gá mbɨmá ɨ́ Krîst tʉ́ŋlʉ̌, mʉr pá dǐ lʉ̂ gá wɨ́ná nyá.

1 Pyɛr 3:1

Ɨ́ jwɨʼ gwár yaá, bɨ̌n bʉbá, sáʼ gá ojʉ́m bɨ́n mejóʼo. Nyʉ́ʉ́ mʉ̂r ngwár ɨ́ sɔ́má ójʉ́m bɨ́n béné ébûʼla mílɔ̌b mé Nzyɛ̌m nó, nye óbɛ̌m kǎ bûʼla yɨ́ɛ ó, ɨ́ lɔ̌b kʉ̌ tyen mʉ́má wé dí edû wɨ́. Yé ajɨ ɨ́ páʼ mʉ́má ó, nye lɛ́yɨɨ njʉ̂m lʉ́ʉ́ ékǎn eswîh.

Kolosi 2:19

Bé akǎ mɛ̂r Yésʉs-Krîst ɨ́ kpɨ́ɨ́ɨ́, nyɨɛ mʉr dí yɨ́ɛ lʉ̂, tíl nyʉ̂l dí ekab nkûl nyé ɨ́ bitíl bí nyʉ̂l biswîh yɨ́. Nye ó dí esyɛŋ byé, le elɛ̂ʼle byé mpʉ byé jálá le edira ɨ́ mebɨ̌l ndu e misihé yɨ́. Nye ntémé ó dí esâ ó, nyʉ̂l nyaá tôʼ le egwɨ́ě mpʉ̌ Nzyɛ̌m dí ekpɛl yɨ́.

Kolosi 2:10

Bɨ̌n bé á be ó sí dira mínyɔm mímyɛ̂h ɨ́ mpúhlá nyɨ́n e Krîst. Nye ó dí lʉ̂ kʉ́ misísǐm mí édúrʉ́ʉ́ mímyɛ̂h: le myaá mi dí milʉ̂ mí, le myaá mi dí e nkul jwɨ́ɨ mí.

Yʉanes 14:28

Bɨ̌n bé á be ɨ́ jóʼǒ mpʉ mé á lɛ́ɛ e bɨ̌n ó: “Me múo nzě swîʼ. Me óbáʼǎ nze, pyâl nko bɨ́n dí yɨ́.” Yé bé bɨ̌n bé ɨ́ kpɛl mé nó, lɛ́ɛ́, bɨ̌n mû ó lɨ́ esoho le egʉ́a ó, mě swíʼ ó, tô kwá Sɔ́ŋ wǎm, ebě, Sɔ́ŋ wǎm ó láá mê.

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.