1 Korɛnt 10:6 - Kálar Nzyɛ̌m : Ejwán é Sáá

⁶ Bisyɛ́ɛla byaá, byê mɨná gá ó, sá dí ecɨ̂l mɨ́ná gá yɨ́, ó mɨná ayɨ́ be gá e bibébebébe bígwɨ́má mpʉ bé á be e byé yɨ́.

Kálara Zyɛ̌m Edwán é mpʉ̌n

⁶ Bɨsyɛɛla byaa, byé ó bɨna ga dweʼle, sa lé elɛʼle bɨna ga ó, bɨna l'ayi be ga e bɨbebebebe bɨgwɨma mpʉ bé a be e bye e.

1 Korɛnt 10:6 ပူးပေါင်းရင်းမြစ်များ

Yʉ̂d 1:7

Símsáá gá ntémé bʉr ó Sodôm, e Gómɔr ti e bʉr o b'á di ɨ́ bwá bínkana byé á be ɨ́ mepʉ́la mɔ́ɔ́ bá. Bʉr baá, bé á si bɛ́ma bé bʉr o tɨ̂ʼ lɨ́ esâ bímolá. Bé á si syɛŋa bijoó e mbi mʉ̂r bé dí abe lɨ́ ekœb ɨ́ joó wɨ́. Nó ó, bé á si ka bi bintɨ́ʼá ɨ́ siʼe dí edúǒ kɔ́m ti e kɔ́m yɨ́. Nzyɛ̌m á sâ bé syɛ́ɛla yaá ó, lɨ́ elɛ̂ʼle bʉ̂r bɨ́bɛ̂h mveʼle.

1 Korɛnt 10:11

Bé á bɔma e bisyɛ́ɛla byaá ó, lɨ́ ecɨ̂l bʉ̂r. Bʉ́ʉ́ bʉ̂r nzě cɛma byé ɨ́ Mekaná mé Nzyɛ̌m ó, mɨná líʼɨɨ gá le epahle byê. Yé ó lɨ́ esú ó, mɨná gʉ́ŋaa gá sá mɨ́ná jálá le esyɛ̂hle gá yɨ́, mɨná gá bɨɛ, bʉr o dí ebeě mpʉ sí yɨ̂ʼ mû lɨ́ ekumo lɨ́ eswéhlɨ́ yɨ́ bá.

Ebrœ̂ 4:11

Nó mɨná gbâʼ gá nkul lɨ́ esú lé énî ɨ́ gúmó bʉ̂r dí egbala yɨ́. Gwá di gá le ocwóó, ó mʉ̌r sá asâ ébɨ̌h e Nzyɛ̌m, nkʉ̂ duma sí mpʉ bímpám gá bíná byé á duma yɨ́.

2 Pyɛr 2:6

Nzyɛ̌m á si dwe binkana bí Sodôm e Gómɔr bintɨ́ʼá, nye nzě dîʼ byé, dwir byé meswií. Nó, nye á sâ mpʉ́nʉ̌ ó, lɨ́ edwe mɨ́ná gá mveʼle édû. Minjéʼe-Nzyɛ̌m, myé ósûʼla ntémé ó njɨ jwɨʼ gwár yaá.

1 Pyɛr 3:21

Medíbé maá, mé mveʼle ó, ndubó dí etíʼ bɨ́n ɨ́ báánâʼ wɨ́. Ndubó gá wɨ́ná, wé atíʼ mɨ́ná gâ ɨ́ lɔ̌b wé dí epɛʼ mɨ́ná gá mebomo. Wé tíʼ mɨ́ná gá ó, ebe wé dí gwɨ́má yɨ́ná ó, Nzyɛ̌m púbaa mɨná gâ, tó kumo ɨ́ milémé gá míná tʉ́ŋlʉ̌, ó mipahlá mi tɨ̂ʼ nkʉ̂ di ɨ́ pyɛɛɛ. Wé pubo mɨ́ná gá miléme myaá ó, ɨ́ nzɨ̌ pahá sóo mé Yésʉs-Krîst.

Rôm 5:14

Damá jóʼo nó, táare ɨ́ jɔʼ mé Ádam, nzě pyâl ɨ́ jɔʼ mé Moyɨ̂z, eswie, lé á be lɨ́ ejwɨ́ɨ mʉ̂r nyɨnyɛ̂h. Yê tyeetye ó, ntʉ bʉ̂r bɨ́bɛ̂h bé á sâ syóm mpʉ̌ Ádam. Damá jóʼo nó, eswie, lé á be lɨ́ ejwɨ́ɨ bé ntémé. Ádam, nyě mveʼlé ó mʉ̌r Nzyɛ̌m á tíʼe ɨ́ lémé wé ó, nyě ntɨ̌h ó nye nyá.

Ebrœ̂ 9:24

Ebě, Krîst á bé anî mbɛ̌r kán bʉ̂r, bé á sumo Nzyɛ̌m wɨ́, waá dí enwɨɨla e mpǎŋ mpáh Nzyɛ̌m wɨ́. Mbɛ̌r waá, wé ó njɨ mveʼle, lɨ́ enwɨɨla e mpáh mpâ. Nye á nî ó, ɨ́ jʉ́o kʉ́. Nye mû ó lɨ́ etyɛ̂b ɨ́ jʉ́o kʉ́ ɨ́ míh mé Nzyɛ̌m lɨ́ elwib ɨ́ nkɔ̌m gá nyɨ́ná.