1 Korɛnt 10:4 - Kálar Nzyɛ̌m : Ejwán é Sáá

⁴ Bɨ́bɛ̂h bɛble médíbé mémpwár Sísǐm mé Nzyɛ̌m wé á ntɨh bé má. Bé á bɨbɛble medíbé ó, maá mé á gʉgʉ̂ lɨ́ ekóʼ Nzyɛ̌m á ntɨh bé lɨ́ má. Ekóʼ laá, lé á titye ó e bê. Nó ó, ekóʼ laá, lé á be ó Krîst.

Kálara Zyɛ̌m Edwán é mpʉ̌n

⁴ bɨbɛh nyʉlɔ modibe mompwar Mbɨambɨa Sisim a dwe be e. Bé a nyʉl-nyʉl modibe ó, maa mé a gʉ-gʉ é l'ekoʼ Zyɛm a ntɨh be e. Ekoʼ laa, lé a be ó lé edu be zi e zi. No ó, ekoʼ laa, lé a be ó Krɨst.

1 Korɛnt 10:4 ပူးပေါင်းရင်းမြစ်များ

Yʉanes 7:37

Ɨ́ móhó ésíé é nzɔ́ɔ, móhó nzɔ́ɔ dí eleʼwo wɨ́, Yésʉs nzě tó tyɛ̂b témé bʉr, nzě túno ó: «Mʉr dí ejóʼǒ dwéh médíbé nyá, nye ntâʼ kwá nyǎm, nzě de!

Yʉanes 4:14

Sâ gwár, mʉr nyɨnyɛ̂h óde médíbé mé ódwe nyé má, nye ákǎ jóʼǒ dwéh médíbé, ebě, medíbé mé ódwe nyé má, mé óliŋa énó ɨ́ nyʉ̂l nyé, gúmó twǐʼ njʉ̌m dǐ óduduho yɨ́.»

Yʉanes 4:10

Yésʉs ntɔ̂ʼ lɛ́ɛ e né ó: «Yé bé go bé ɨ́ gʉ́a étʉ́m mé Nzyɛ̌m ti e mʉr gwám gó medíbé nyá nó, lɛ́ɛ́, go ô gwám nyé medíbé mé twiʼ, nye ntɔ̂ʼ gwá dwe gó mǎ.»

Kolosi 2:17

Milɔ̌b mínɨ̌ mímyɛ̂h, myé ó sisîm, dí elɛ̂ʼlě sâ mpâ dí enze yɨ́. Nó ó, otyeetye o tɨ̂ʼ wɨ́ɛ, wé ó Krîst.

Mɨngwiha 22:17

Nó ó Sísǐm mé Nzyɛ̌m, bé e mʉmá mé Mâ Nteme, bé lɨ́ elɛ́ɛ ó: «Ntáʼ!» Nó ntémé ó, mʉr dí ejóʼo nyá, nye lɛ́yɨɨ ntémé ó: «Ntáʼ!» Mʉr dí ejóʼǒ dwéh médíbé nyá, nye ntâʼ. Waá kpɛ́l nyá, nye dáalaa medíbé mé twiʼ, abwâm.

Ebrœ̂ 10:1

Metié, mé ó sisîm dí elɛ̂ʼlě mpʉ bísá bí émbɨa, byé ójala le ebe ɨ́ jɔʼ byé ngá pyâl yɨ́ wɨ́. Metié maá, mé adila míkuó bísâ byaá. Opara, bé dwídwé míndwéá mimpwár ó, ɨ́ mbú wɨ́wɛ̂h lɨ́ esú é bʉ̂r o dí egwɨ̂m ó, bé díʼee mbɨ̂mbɨá bá. Sâ gwár, mindwéá myɔ́ɔ́, myé ákóʼó sâ ó, bʉr baá díʼee mbɨ̂mbɨá ɨ́ mipáʼ mímyɛ̂h.

Galásia 4:25

Agâr, nye ó mveʼle écwɨ̂ʼ é Sináyɨ̂, dí ɨ́ sí Arabî lɨ́. Nye ntémé, nye ó mveʼlě nkanǎ Yerʉ́zalɛm, yaá ɨ́ jɔʼ yɨ̂, ebě, bʉr bɨ́bɛ̂h o dí edi tɨ̂ʼ bá, bé ó bitúʼǎ.