1 Korɛnt 1:9 - Kálar Nzyɛ̌m : Ejwán é Sáá9 Nzyɛ̌m, nye ó mʉr jálá le ebúʼlɔɔ nyá. Nye ó b'á jébe bɨ̌n ó, bɨ̌n tôʼ, tó pûhla e Mwân wé, Yésʉs-Krîst, Tî gá wɨ́ná. အခန်းကိုကြည့်ပါ။Kálara Zyɛ̌m Edwán é mpʉ̌n9 Zyɛm, nye ó mʉr ebuʼla. Nye ó b'a jebe bɨn ó, bɨn diʼe é zyɛŋa win boo Mwan we, Tî ga wina Yesʉs-Krɨst. အခန်းကိုကြည့်ပါ။ |
1 Korɛnt 1:9
43 ပူးပေါင်းရင်းမြစ်များ
Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.
Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.
Misolá mílɔ̌b myaá míɛ, myé ó mî: Mbɨambɨa Lɔ́ɔ mɨ́ná dí etúno gá wɨ́, wé sá ó, bɨ̌n, bʉr o bíkûl, bíʼee ntémé mepwaʼ mé Nzyɛ̌m, jala e nkɔb líʼe nyɨ́n, jwɨʼ gwár e gwár le oYúden. Bɨ̌n le onɔ́ɔ́ ó dí bitíl bí nyʉ̂l mpwár. Bɨ̌n le onɔ́ɔ́ ntémé bé óbeě mpʉ̌ Nzyɛ̌m ngá dira ménkɛ̌ʼ mé yɨ́.
Yé e bisá bíbá bi dí abe e nkul ecénɔɔ bí: bisâ byaá, byé ó nkɛ̌ʼ ti e minkál mé Nzyɛ̌m. Mɨná nʉa gá pîm ɨ́ búʼó ó, duho tɨ̂. Nzyɛ̌m, nyé abe e nkul elɛ́ɛ bíbɛr ɨ́ sí, tɔʼ e bá tîtííǎ. Mɨná gá bé ó bʉr o mû sí bîr sá yɨ́yɛ̂h, lɨ́ esú lé édi e mpûʼla ɨ́ milémé gá míná bá. Mpûʼla nyaá, nye ó kwahaá ɨ́ ponó ɨ́ míh gá mɨ́ná.
Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.
Nye á si tíʼ mɨná, ntɔ̂ʼ jébe mɨ́ná ó, mɨná díʼee bʉr o dí egúmo e né bá. Nye á bé ajébe mɨ́ná ɨ́ lɔ̌b bísyɛ́ɛla bimpâ bíná. Nye á jébe mɨná gá ó, ɨ́ lɔ̌b bíjwɨʼ byé nye mʉr tɨ̂, le mpam nyé á be e né, nyaá nyé á be ó, nye ólɛ̂ʼle mɨ́ná nyɨ́. Nye á boo cwɨ́a e mɨná ó, kʉ́ e sí apǎ bě kuhá. Jɔʼ yaá ó nyé á nyɛɛ cwɨ́a e mɨná ɨ́ nzɨ̌ mé Yésʉs-Krîst yɨ́.
Sâ gwár, Nzyɛ̌m á ka bee embɨa ɨ́ páʼ wé ó, nye sâʼ me mpam. Nó ó nyé á jébe me, me dína ɨ́ mo mé áyo, lɨ́ esú lé éséa nyé syɛ́ɛ́ yé yɨ́. Nye á bee embɨa ɨ́ páʼ wé ntémé ó, nye lɛ̂ʼlaa me Mwân wé, le elómo mé ó, me túnaa Mbɨambɨa Lɔ́ɔ́ wé ɨ́ bikúl bíswîh. Le nyé á lɛ̂ʼle me Mwân wé, le mé ntɔ̂ʼ á nkɛ́ɛ, tô. Me á bé adî mʉ̂r ó, nye dwêʼ me metwɨ́ɨ́.
Bélé ményoʼ gá yɨ́ná, yê nyá? Yê mɨná gá ó nzɨ̌ Nzyɛ̌m dí esʉ mɨ́ná gá metyɛʼ me mpóm mé e tɨ̂ʼ nyɨ́. Mɨná bé lɨ́ edwe gá nye nzyǒo ɨ́ lɔ̌b béle yaá. Ɨ́ jɔʼ mɨ́ná dí ede gá menyoʼ me tɨ̂ʼ yɨ́, mɨná bé lɨ́ esyɛŋa gá lɨ́ enʉa nkɔ̂b ɨ́ metié mé Krîst. Blêr mɨ́ná dí epɛ̂ʼla gá ɨ́ jɔʼ mɨ́ná dí ede gá yɨ́, tɨ̂ʼ ó mɨ́ná dí esyɛŋa gá lɨ́ enʉa nkɔ̂b ɨ́ nyʉ̂l mé Krîst yɨ́.
Kúl bʉ̂r o b'Ɨ́zraɛ̂l, yé ó mpʉ̌ lɨ́ ólivier, yé á be e milɔ́ɔ́ myé á be agúmo mpumó mí yɨ́. Bê nzě syɛ̂h mílɔ́ɔ myaá, ntɔ̂ʼ nʉa myúú mílɔ́ɔ́ mí lɨ́ ólivier yé á pâh ɨ́ dwǐʼ yɨ́, ntɔ̂ʼ nɛr myé tɨ̂ʼ ɨ́ kuó lɨ́ yaá. Jwɨʼ gwár e gwár yaá ó bɨ́n á nɛrɔɔ ɨ́ kúl óYúden yɨ́. Bɨ̌n ntɔ̂ʼ pûhla e bé lɨ́ edirǎ nyɔm ɨ́ bitûl bi dí eduho ɨ́ mikaalé bí. Bitûl byaá, byé ó dí edwe mépwaʼ ɨ́ milɔ́ɔ mi dí minɛrá ɨ́ kuó lɨ́ mí.
ကြော်ငြာတွေ