1 Korɛnt 1:6 - Kálar Nzyɛ̌m : Ejwán é Sáá

⁶ Ebě, bɨ̌n bé á si bûʼla sá bɨ́h á boʼlo, dumo e Yésʉs-Krîst yɨ́.

Kálara Zyɛ̌m Edwán é mpʉ̌n

⁶ Ebe, bɨn bé a si buʼla sa bɨh bé a boʼlo, tiibe e Yesʉs-Krɨst ɨ.

1 Korɛnt 1:6 ပူးပေါင်းရင်းမြစ်များ

Mɨngwiha 1:2

Yʉánɛs waá, nye ó mboʼlo lɨ́ esú é sá yɨ́yɛ̂h nyé á bee yɨ́. Nyě boʼló ó, dumo e lɔ́ɔ́ mé Nzyɛ̌m, ti e twiʼ mé Yésʉs-Krîst.

2 Timotɛ 1:8

Nó, ajóʼo bá sôn ɨ́ lɔ̌b mboʼlá mɨ́ná dí eboʼlo, dumo e Tî gá wɨ́ná wɨ́. Ajéʼe mɛ̂m. Ajóʼo sôn ɨ́ lɔ̌b ménkara mé mû kɛ́ʼá e mé má. Go e dúhwó mítúú mi dí edweŋɔɔ mɨ́ná ɨ́ lɔ̌b Mbɨambɨa Lɔ́ɔ mí. Go e dúhwó e nkǔl Nzyɛ̌m dí edwe nyɨ́.

1 Timotɛ 2:6

mʉr á pa dwe twiʼ yé lɨ́ etáǎ góo, le edwih bʉ̂r bɨ́bɛ̂h ɨ́ mpila ébébe nyá. Nó ó, lɔ́ɔ waá, wé á ka lɛ́ɔɔ ó, ɨ́ jɔʼ wé á jala le elɛ́ɔɔ yɨ́.

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

2 Korɛnt 12:12

Bijwɨʼ bi dí elɛ̂ʼle ó, me ó mʉr milʉ́mlʉ́ mé Yésʉs bí, me á si kʉ lɛ̂ʼle bɨ̌n byǎ ɨ́ ponó. Me á si séa e bíhwó, e nzɨ̌ mesimá, e bisá bí ékâm ti e bisyɛ́ɛla bi nkûl nɨ́nɨ́ɨ́.

Rôm 15:19

Me á sɨséa ntémé ó e mesimá, le bisá bí ékâm, ti e bisyɛ́ɛla bi nkûl Sísǐm mé Nzyɛ̌m wé á sâ bí. Me á nze túno Mbɨambɨa Lɔ́ɔ dí edumo e Yésʉs-Krîst wɨ́ ó, bigúmó bíbyɛ̂h, táare ɨ́ Yerʉ́zalɛm, tó kumǒ Ilirikɔ̂m.

Mɨlʉmlʉ 20:24

Mɛm bee yɨ́ɛ ó, twiʼ yâm, yé abe mé dimé sɔ̂ʼ. Nyɔm wâm, wê njɨ ó, me swímɨɨ ɨ́ duo bíjʉ́ʉ́, tó pyâl lɨ́ odumo, le eswâhlě syɛ́ɛ́ Tî Yésʉs á líʼe me e yǎ yɨ́: yé ó, etúnǒ Mbɨambɨa Lɔ́ɔ́ mé Nzyɛ̌m.

Mɨngwiha 12:17

Jɔ̌ʼ myɔ́ɔ́ á bee nó yɨ́, wé ntɔ̂ʼ lɛ̂ʼle mʉ́má waá nkpaa nyé ɨ́ buo buo. Nó ó, wé ntɔ̂ʼ búla, tó sâ dɔ̂m e bwán mé mʉmá waá. Bwán bé baá, bé lɨ́ elóŋlo métié mé Nzyɛ̌m, le ebaʼle mílɔ́ɔ́ mé Yésʉs.

2 Tesalonika 1:10

Nye ónzě sâ bé nó ɨ́ móhó bʉ̂r bé, bé ódwe nyé kûm wɨ́. Bʉr bɨ́bɛ̂h o dí egúmo e né bá, bé ókâm nyê. Bɨ̌n ntémé bé óbe ó tɨ̂ʼ ɨ́ sɔ́má yaá, ebě, bɨ̌n bé á si bûʼla mboʼlá wɨ́h.

Galásia 3:5

Ɨ́ jɔ̌ʼ Nzyɛ̌m dí entɨh bɨ́n Sísǐm wé, le esâ mésimá ménɨ́nɨ́ɨ́ páʼ nyɨ́n yɨ́, nzê nyě sá nó ó ebe bɨ́n dí elóŋlo métié ɛ́? Nzê yé ó ebe bɨ́n dí ebúʼla Mbɨambɨa Lɔ́ɔ bɨ́n á jóʼo wɨ́ ɛ́?

Mɨlʉmlʉ 28:23

Bê nzě tyêl móhó, bé e boo nɔ́ɔ́, bé á be ó, bé óbɔma wɨ́. Jɔ̌ʼ móhó waá, wé á pyâl yɨ́, bé ntɔ̂ʼ nze e bʉr ɨ́ buo buo, nzě kœb nyé ɨ́ gúmó nyé á didi yɨ́. Táare ɨ́ mɛ́n, tó pyâl ɨ́ bíí kʉ̌ʼ, Pɔ̂l nzě túnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le esáa ó, nye dúlaa bê, ó bé bûʼlaa lɛ́ʼlá dí edumo e Yésʉs wɨ́. Nye á nʉnʉa milɛ́ʼlá myaá ó, ɨ́ metié mé Moyɨ̂z le mekaná mé ógwíha o mílɔ̌b.

Mɨlʉmlʉ 23:11

Ɨ́ pum wé á ka bɔma wɨ́, Tî Yésʉs nzě pyâl nyê, ntɔ̂ʼ lɛ́ɛ e né ó: «Mɛ́rɨ́ɨ́ léme. Ɨ́ mpʉ gó á nyɛɛ túno lɔ́ɔ́ wâm ɨ́ Yerʉ́zalɛm yɨ́, yé jala ntémé ó, go tôʼ túno wé Rôm.»

Mɨlʉmlʉ 22:18

Me á bee ó Tî Yésʉs. Nó nyé á lɛ́ɛ e me ó: “Sáʼ kám e kám, go kpâhwa pʉʼa ɨ́ Yerʉ́zalɛm, ebě, bʉr o tɨ̂, bé ákǎm sá gó ngá lɛ́ɛ bé, dumo e me yɨ́.”

Mɨlʉmlʉ 20:21

Me á si boʼlo kwá oYúden, ndu e baá o dí abe óYúden bá ó, yé jɨ ó, bé túmaa mikoo e mebébe mɔ́ɔ́, le edwira míléme. Bé e dyɛ́ʼwó e Tî gá wɨ́ná Yésʉs.

Mɨlʉmlʉ 18:5

Jɔ̌ʼ Silâs bé e Timotɛ̂, bé á ka pyâl, duhǒ sí Masedónia yɨ́, Pɔ̂l ntɔ̂ʼ lɛ̌ŋ jɔʼ yɨ́yɛ̂h njɨ lɨ́ elɛ̂ʼle mílɔ̌b mé Nzyɛ̌m, lɨ́ eboʼlo kwá oYúden ó, Yésʉs ó dí kwahaá Mʉ̌r Nzyɛ̌m á lœm múló mé jwɨ́ɨ nyá.

Markus 16:20

Nó ó ómpʉ́n bé, bé á to le etúno Mbɨambɨa Lɔ́ɔ ɨ́ gúmó yɨ́yɛ̂h yɨ́. Píe lɔ́ɔ́ bé á túno wɨ́, Tî Yésʉs á ntɨntɨh mesimá ó, maá me dí eboʼlo ó, lɔ́ɔ́ wɔ́ɔ́, wé á kʉ be ó tyeetye má.]

Mɨngwiha 12:11

Bɨ́ɔɔ́ gá bɨ́ná ntémé, bɨ́ ntaa nyé ɨ́ nkul ɨ́ nzɨ̌ metié mé Mâ Nteme, ti e mboʼlá bé á boʼlo, dumo e Yésʉs wɨ́. Bé á bé alíʼa lɨ́ ebîr bícwiʼ byɔ́ɔ́. Bé á si jʉ́ŋɔɔ ɨ́ lɔ̌b mboʼlá wɔ́ɔ́ waá.

Mɨngwiha 6:9

Jɔʼ Mâ Nteme á gbɛ́ɛ sitâm tɛ̂n yɨ́, me ntɔ̂ʼ dwɛ̂ʼ lɨ́ empah lé alatâr, nzě bee tɨ̂ʼ ó, misísǐm mi bʉ̂r. Bé á jʉ́ŋɔɔ ó, ɨ́ lɔ̌b lɔ́ɔ́ mé Nzyɛ̌m, ti e mboʼlá bé á boʼlo wɨ́.

Mɨngwiha 1:9

Yé ó mɛm Yʉánɛs, mɨ́ɔɔ́ wɨ́n. Mɨná gá bé ɨ́ mpúhlá e Yésʉs ó, lɨ́ esia e mitúú mímpwár. Mɨná gá óbɛ̂h bé ɨ́ mpóʼo Yésʉs dí ejwɨ́ɨ yɨ́. Mɨná gá óbɛ̂h ó dí e bíhwó nyé dí egbâ bʉ̂r ɨ́ miléme nyɨ́. Bé á mɛ̂r me, pɨrɔɔ mé wâʼ ɨ́ tíhé dí ejébɔɔ «Pátmos» wɨ́ ó, ebě, lɔ́ɔ́ mé Nzyɛ̌m le milɔ̌b mé Yésʉs mé dí eboʼlo mí.

Mɨlʉmlʉ 11:21

Nkul mé Tî Yésʉs á be ó e bê. Bʉr, bé á si bu dwira miléme, dyɛ̂ʼwɔɔ e né.

Mɨlʉmlʉ 11:17

Tó kœb ó, Nzyɛ̌m á si dwe bé ntémé sâ gwár nyé á nyɛɛ dwe mɨná gá ɨ́ jɔʼ mɨ́ná bé á dyɛ̂ʼwo gá e Tî Yésʉs-Krîst yɨ́. Nó mɛm, me á be wáǎ mbi mʉ̂r lɨ́ ebeně gwɨ́má mé Nzyɛ̌m?»