1 Korɛnt 1:5 - Kálar Nzyɛ̌m : Ejwán é Sáá

⁵ Ɨ́ mpúhlá nyɨ́n e nɔ́ɔ́, bɨ̌n bé á si tiʼe ɨ́ mepwaʼ, mimbi mímyɛ̂h. Medihre e medihre me tɨ̂ʼ, mé á be ó gúmó nyé á dwe bɨ̌n ngwɨ́á ɨ́ páʼ mélab ndu e ngwɨ́á bísɔ̂ʼ yɨ́.

Kálara Zyɛ̌m Edwán é mpʉ̌n

⁵ É zyɛŋa win boo nɔɔ, bɨn bé a si tiʼe é mopoʼ, mɨmbi mimyɛh, é laŋle laŋle gumo bɨn bé a dweŋɔ ngwɨa é nko paʼ ocyoo o lwib ndwe e ngwɨa bɨsɔʼɔ ɛ.

1 Korɛnt 1:5 ပူးပေါင်းရင်းမြစ်များ

2 Korɛnt 9:11

Jɔʼ yaá ó bɨ́n ódi ókúmá ɨ́ menzɨ̌ mɨ́mɛ̂h, lɨ́ esú ó, bɨ̌n díʼee odwɛ́na lɨ́ esú é bʉ́ʉ́ bʉ̂r yɨ́, ɨ́ mbi dí ó, bʉr ɨ́ buo buo, bé dwêʼ Nzyɛ̌m nzyǒo, duho ɨ́ mindwéá mín, bɨ́h ngá tó kala bé mí.

2 Korɛnt 8:7

Bɨ̌n bé ó okúmá ó bʉ̂r ɨ́ míh mé Nzyɛ̌m, laa bʉ́ʉ́ bʉ̂r. Bɨ̌n buú laa bʉ́ʉ́ bʉ̂r ó: ɨ́ mpwaʼ búʼó yɨ́n, ɨ́ lɛ́á bɨ́n bé lɨ́ elɛ́ɛ̌ lɔ́ɔ́ mé Nzyɛ̌m wɨ́, ɨ́ ngwɨ́á ótyeetye wɨ́n, ɨ́ bím bɨ́n dí egbâ ményʉ́l mɨ́n ɨ́ syɛ́ɛ́ mé Nzyɛ̌m yɨ́, le ɨ́ bím bɨ́n dí ekpɛl bɨ́h yɨ́. Mpʉ yé dí nó yɨ́, sɨ́sáʼ gá mbɨambɨa syɛ́ɛ́ yaá e milémé mín mímyɛ̂h, ntémé ntaa bʉ́ʉ́ bʉ̂r.

Kolosi 2:3

Ocwóó le ngwɨ́á wɨ́wɛ̂h, bɨ̌n bé ɨ́ jala le esáa byé ó ɨ́ Krîst tʉ́ŋlʉ̌. Byé ó Nzyɛ̌m á sol ɨ́ nye bí.

Filipi 1:9

Minjɨʼla mé dí ejɨʼla lɨ́ esú lɨ́n mí, myé ó: ó kpɛ̌l yɨ́n, yé bwáʼaa bwaʼáa. Kpɛ̌l yɨ́n, yé gwɨ́aa lɨ́ ocwóó le pɨʼ.

Rôm 15:14

Bɨ́ɔɔ́ bâm! Okɛ́l bâm! Mɛm mʉr tɨ̂, me lɨ́ egʉ́a mbɨ̂mbɨá ó, bɨ̌n bé ó lwɨ́ŋlá e mpam. Bɨ̌n bé lɨ́ egʉ́a bísá bíbyɛ̂h. Le ntémé ó, bɨ̌n bé e nkul edwidweela métwɨ́ɨ́ páʼ nyɨ́n.

Jacques 3:13

Wáa mʉ̂r ɨ́ sɔ́má yɨ́n dí le ocwóó? Wáa mʉ̂r dí egʉ́a mékaná, sâ bínzololo? Yé jala ó, mʉr waá gʉ́ŋaa elɛ̂ʼle ócwóó wé ɨ́ nzɨ̌ mbɨambɨa kʉ̌ tyen nyé dí edû yɨ́. Nye sâʼ bisyɛ́ɛla bimpâ. Nye díʼee le njwɨr dí ɨ́ tala tala wɨ́. Mpaŋ ócwóó ó tɨ̂ʼ wɨ́.

Kolosi 3:10

Bɨ̌n bɨ́ bwâr métum medwân. Bɨ̌n mû ó medwán mé bʉ̂r ó Nzyɛ̌m Kwihbʉr. Nye lɨ́ etô le eliŋ bɨ́n medwán, abe e léné mpʉ nyé mʉr tɨ̂. Nyě sá nó ó, bɨ̌n gwâ gʉ́a nyé mbɨ̂mbɨá.

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

Éfɛsɔs 1:17

Me lɨ́ ejɨʼla e Nzyɛ̌m dí e kûm, waá dí Sɔ́ŋ mé Tî gá wɨ́ná, Yésʉs-Krîst nyá, ó nye tyɛ́bɨɨ bɨ̌n ɨ́ miléme, ó bɨ̌n twólwaa, le ntémé ó, nye gwíhɨɨ bɨ̌n misolá mílɔ̌b myé. Myé óbe bɨ́n e nyɔm, lɨ́ esú ó, bɨ̌n gʉ́ŋaa nye.

1 Korɛnt 12:8

Sísǐm ntɨh nyâʼ mʉ̂r ndwéá ó, nye díʼee le ocwóó ɨ́ melab mé. Sísǐm ngwár waá, wé lɨ́ edwe nyʉ́ʉ́ mʉ̂r ngwɨ́á ɨ́ bisá nyé dí elwib bí.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Éfɛsɔs 2:7

Nye á cwɨ́a e mɨná gá nó ó, lɨ́ esú lé élɛ̂ʼle mímyǎ mímyɛ̂h mi dí ebyɛ̂l mí, kpɛ̌l yé dí ápurapúra, dí elaa byúú bíkpɛ̌l bíbyɛ̂h yɨ́. Nye á sâ mɨná gá embɨa laá ó, ɨ́ mpúhlá gá nyɨ́ná e Yésʉs-Krîst.

1 Korɛnt 13:2

Me óbɛ̌m be e ndwéá égwîh bísyɛ́ɛla ngá syɛ́ɛ bí, le egʉ́a épâʼlǎ lwǐb ódîm yɨ́yɛ̂h, le egʉ́ǎ sá yɨ́yɛ̂h, sâ bínzololo. Me óbɛ̌m be e búʼó mbi dí ó, me pɛ́ʼɛɛ mecwɨ̂ʼ yɨ́. Sâ gwár, mé bé abe e kpɛ̌l nó, lɛ́ɛ́, mé abě sɔ̂ʼ.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

1 Korɛnt 14:26

Bɨ́ɔɔ́ bâm! Okɛ́l bâm! Mɨná bé ókǎ lɛ́ɛ gá nyá? Jɔʼ bɨ́n dí egwɨ̂hla yɨ́, nyâʼ mʉ̂r, nye ó e jɨ́m nyé ódyɛɛ yɨ́. Nyʉ́ʉ́, e lɛ́ʼlá nyé ódwe wɨ́. Nyʉ́ʉ́, e gúú solá sɔ̂ʼ nyé ógwîh wɨ́. Nyʉ́ʉ́, nyě e lɔ́ɔ ɨ́ lwǐb ayogoyogo. Nyʉ́ʉ́, nyě e nkul epâʼlǎ sá lwǐb ayogoyogo yaá dí elɛ́ɛ yɨ́. Yé jala ó, syɛ́ɛla yaá yɨ́yɛ̂h gbâʼ Mbɛ̌r-Nzyɛ̌m pîm ɨ́ búʼó.

1 Korɛnt 13:8

Kpɛ̌l, yé ásíe. Mingwíhá mílɔ̌b míɛ, myé ósíe. Bʉr o dí elwib báayogoyogo bá, bé ógwâʼ ésâ nó. Ngwɨ́á bʉ̂r, bé á nyɛɛ be e wé wɨ́, wé ósíe.

1 Korɛnt 12:10

Sísǐm mé Nzyɛ̌m, nye lɨ́ edwe nyâʼ mʉ̂r nkul esâ mésimá; dwe nyʉ́ʉ́ mʉ̂r nkul egwîh mílɔ̌b mé Nzyɛ̌m. Nye lɨ́ edwe nyʉ́ʉ́ mʉ̂r nkul egbâ mímbɔ́ʼ páʼ wɨ̂ʼ mbǐ sísǐm, bé e gúú mbǐ sísǐm. Nye lɨ́ edwe nyʉ́ʉ́ mʉ̂r nkul elwib báayogoyogo. Nyě dwé nyʉ́ʉ́ mʉ̂r pɨʼ ó, nye pâʼlaa sá mʉ̂r waá lɛ́ɛ́ ɨ́ lwǐb ayogoyogo yaá yɨ́.

1 Korɛnt 8:11

Mʉr dí e mipahlá ɨ́ léme ɨ́ tɨ́ŋ nyá, nye ó mɨ́ɔɔ́ gá wɨ́ná Krîst á dwe lɨ́ esú lé nyá. Nyé ajala le edwe ɨ́ lɔ̌b sá gó dí ejébě «mpǎŋ ngwɨ́á» yɨ́.

Rôm 15:4

Yé á cɛmɔɔ nó ó, lɨ́ esú lé écɨ̂l mɨ́ná gâ, jwɨʼ gwár e gwár e mpʉ̌ sá yɨ́yɛ̂h, yé á cɛmɔɔ ɨ́ Mekaná mé Nzyɛ̌m yɨ́. Mekaná mé, mé lɨ́ ecɨ̂l mɨ́ná gâ, ó milémé gá míná nkʉ̂ lóno ɨ́ mpûʼla. Myé lʉ́lónó ɨ́ mpûʼla ó, ɨ́ lɔ̌b nkûl mékaná mé dí egbâ mɨ́ná gá ɨ́ miléme nyɨ́, le bíhwó mɨ́ná dí esâ gá nyɨ́.

Rôm 11:12

Jɔʼ bʉ̂r o b'Ɨ́zraɛ̂l, bé á gbah metié yɨ́, Nzyɛ̌m ntɔ̂ʼ nzě liŋ ébébe laá okúm le ogbaa lɨ́ esú é bʉ̂r ó sí bɨ́bɛ̂h. Nzyɛ̌m pǎ nyɛɛ́ kaale bʉ̂r o bíkúl bíbyɛ̂h okúm wé ɨ́ jɔʼ óYúden, bé á sâ nye ebɨ̌h yɨ́, á dwɛʼra e mpam nyé ólɛ̂ʼle mɨ́ná gá le onɔ́ɔ́ nyɨ́, ɨ́ jɔʼ óYúden baá bɨ́bɛ̂h ngá báʼǎ nze kwá nyé yɨ́! Nye ólɛ̂ʼle mɨ́ná gá le onɔ́ɔ́ mpam ɨ́ ntʉʉʉ́.

Mɨlʉmlʉ 2:4

Bɨ́bɛ̂h, bé á be ó, bé mû lwɨ́ŋlá e Sísǐm mé Nzyɛ̌m. Bé ntɔ̂ʼ táare élwib bílwǐb biswîh, byaá Sísǐm mé Nzyɛ̌m wé á dwe bé nkul ó, bé lwíbɨɨ bí.

2 Korɛnt 6:10

ɨ́ jɔʼ bé dí egbâ bɨ́h ebúʼ ɨ́ miléme, bɨ̌h bɨɛ yɨ́ɛ bʉr o dí esoho ɨ́ jɔʼ yɨ́yɛ̂h bá yɨ́, ɨ́ jɔʼ bɨ́h dí lɨ́ edyêb, bɨ̌h bɨɛ lɨ́ edwe bʉ̂r ɨ́ buo buo okúm le ogbaa yɨ́, ɨ́ jɔʼ bɨ́h dí abe e sɔ̂ʼ, bɨ̌h bɨɛ yɨ́ɛ e sá yɨ́yɛ̂h yɨ́.