1 Korɛnt 1:2 - Kálar Nzyɛ̌m : Ejwán é Sáá

² Yésʉs-Krîst á si pubo bɨ̌n. Nzyɛ̌m á jébe bɨ̌n ó, bɨ̌n díʼee bʉr o dí egúmo e né bá, bɨ̌n e bʉr bɨ́bɛ̂h o dí ekɛn díé mé Tî gá wɨ́ná, Yésʉs-Krîst bigúmo bigúmo bá. Nye ó njwɨ́ɨ gá wɨ́ná le onɔ́ɔ́.

Kálara Zyɛ̌m Edwán é mpʉ̌n

² Bɨh bé etile ó, bʉr o mbɛr Zyɛm ndɨ ɨ Korɛnt ɨ. Yesʉs-Krɨst a si pubo bɨn. Zyɛm a jebe bɨn ó, bɨn diʼe mɨsaŋ mɨ bʉr be, bɨn e bʉr bɨbɛh ndɨ esa Tî ga wina Yesʉs-Krɨst mɨnjwɨʼla bɨgumo bɨgumo e. Nye ó Tî ga wina boo nɔɔ.

1 Korɛnt 1:2 ပူးပေါင်းရင်းမြစ်များ

Rôm 1:7

Mě cɛmá ó, bʉr bɨ́bɛ̂h o dí Rôm, baá Nzyɛ̌m á kpɛl, le etwâr ó, bé díʼee mitwárá mí bʉ̂r myé bá. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Ebrœ̂ 13:12

Yésʉs á kʉ be ntémé ó nó. Nye á to sia e mitúú ó, ɨ́ nkanǎ kʉ̌l. Nye á sâ nó ó, nye púbaa kúl bʉ̂r yé e metié mé nye mʉr tɨ̂.

1 Tesalonika 4:7

Ebě, Nzyɛ̌m á jébe mɨná gá ó, mɨná díʼee gá bʉr o dí gúmo e né bá. Nye á bé abáŋle mɨ́ná gâ lɨ́ esú ó, mɨná sâʼ gá bisyɛ́ɛla bi mpîr.

Ebrœ̂ 10:10

Ɨ́ gwɨ́má yé yaá ó mɨ́ná bé á pubɔɔ gá jɔʼ gwár lɨ́ esú é bíjɔʼ bíbyɛ̂h yɨ́. Mɨná mû pubɔɔ gá ó, ɨ́ lɔ̌b ndwéá Yésʉs-Krîst á dwe Nzyɛ̌m nyʉ̂l nyé tâŋ ndwéá wɨ́.

2 Korɛnt 4:5

Ebě, bɨ̌h bé atúnǒ lɔ́ɔ́ wɨ́h, bɨ̌h bʉr o tɨ̂. Lɔ́ɔ́ bɨ́h dí etúno wɨ́, wé dumo ó e Yésʉs-Krîst, dí Tî gá wɨ́ná nyá. Nó, bɨ̌h bɨɛ ó dí osyɛ̂l o mésá bɨ́n lɨ́ esú mé Yésʉs.

Mɨlʉmlʉ 9:14

Nye nzé wâʼ ó e nkul duho lɨ́ ojwɨ́ɨ o mpáh Nzyɛ̌m ó, nye mɛ́rɨɨ bʉr bɨ́bɛ̂h o dí ekɛn díé lô bá.»

Mɨngwiha 19:16

Bé á si cɛma díé lé ɨ́ kán wé, le kʉ̌ wé. Bé á cɛma ó: Njwɨ́ɨ ojwɨ́ɨ, le Tî otî.

Yʉ̂d 1:1

Yé ó mɛm Yʉ̂d, syɛ̂l mesâ mé Yésʉs-Krîst, mɨ́ɔɔ́ mé Jacques ó dí ecɛma bɨ́n mekaná mâ. Mě cɛmá ó, bɨ̌n bʉr ó Nzyɛ̌m Sɔ́ŋ á kpɛl, baá nyé á jébe le ebaʼle mbɨ̂mbɨá ɨ́ nzɨ̌ mé Yésʉs-Krîst bá.

Ebrœ̂ 2:11

Yésʉs, mʉr dí epubo bʉ̂r nyá, bé e bʉr nyé dí epubo bá, bé e boo nɔ́ɔ́ bɨ́bɛ̂h, bé mû ó bʉr o b'á duhǒ gúmo gwár bá. Sá tɨ̂ʼ ó Yésʉs dí ajóʼo sôn lɨ́ ejébe bé «bɨ́ɔɔ́ bâm» yɨ́.

2 Timotɛ 1:9

Nye á si tíʼ mɨná, ntɔ̂ʼ jébe mɨ́ná ó, mɨná díʼee bʉr o dí egúmo e né bá. Nye á bé ajébe mɨ́ná ɨ́ lɔ̌b bísyɛ́ɛla bimpâ bíná. Nye á jébe mɨná gá ó, ɨ́ lɔ̌b bíjwɨʼ byé nye mʉr tɨ̂, le mpam nyé á be e né, nyaá nyé á be ó, nye ólɛ̂ʼle mɨ́ná nyɨ́. Nye á boo cwɨ́a e mɨná ó, kʉ́ e sí apǎ bě kuhá. Jɔʼ yaá ó nyé á nyɛɛ cwɨ́a e mɨná ɨ́ nzɨ̌ mé Yésʉs-Krîst yɨ́.

1 Timotɛ 3:15

lɨ́ esú ó, mé bé alɨ̌ nzě kœb gó gʉ̂ʼ nó, go gʉ́ŋaa kʉ̌ tyen dí ejala e mʉr Mbɛ̌r-Nzyɛ̌m wɨ́. Go ógʉ́a wé ó, lɨ́ eláa mékaná mâ. Mbɛ̌r-Nzyɛ̌m waá, wé ó dí sɔ́má bʉ̂r o dí egúmo e Nzyɛ̌m dí kublakúbla nyá. Otyeetye mé Nzyɛ̌m, wé tyɛ́b ɨ́ lyahwó ó, ebě, Mbɛ̌r-Nzyɛ̌m dí mpʉ édwii e sɔ́ŋ ndu e nkan dí ɨ́ lele nyɨ́.

2 Tesalonika 1:1

Yé ó mɛm Pɔ̂l ó dí ecɛma bɨ́n mekaná mâ, bɨ̌h e Silâs ti e Timotɛ̂. Bɨ̌h cɛmá ó, bʉr ó Mbɛ̌r-Nzyɛ̌m o dí Tesaloníka, baá o dí egúmo e Nzyɛ̌m Sɔ́ŋ ndu e Tî Yésʉs-Krîst bá.

1 Tesalonika 1:1

Yé ó mɛm Pɔ̂l ó dí ecɛma bɨ́n mekaná mâ, bɨ̌h e Silâs ndu e Timotɛ̂. Bɨ̌h cɛmá ó, bʉr ó Mbɛ̌r-Nzyɛ̌m o dí Tesaloníka, baá o dí egúmo e Nzyɛ̌m Sɔ́ŋ ndu e Tî Yésʉs-Krîst bá. Metyɛʼ me mpóm le mepyɛbla, mé díʼee e bɨ̌n.

Éfɛsɔs 5:26

Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

2 Korɛnt 1:1

Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ, bɨ̌h e Timotɛ̂, mɨ́ɔɔ́ gá wɨ́ná. Bɨ̌h cɛmá ó, Mbɛ̌r-Nzyɛ̌m dí Kórɨnt wɨ́, ti e bʉr o mé Nzyɛ̌m bɨ́bɛ̂h o dí ɨ́ sí Akayɨ̂ bá.

1 Korɛnt 8:6

ɨ́ páʼ gá wɨ́ná, mɨná gá bé ó, njɨ e Nzyɛ̌m ngwár, waá dí Sɔ́ŋ gá wɨ́ná nyá. Nye ó b'á komlo sá yɨ́yɛ̂h. Bicwiʼ gá bíná, byé dwɛ́ʼ ó nye. Yé ntémé, yé ó njɨ Njwɨ́ɨ ngwár: Yésʉs-Krîst. Sá yɨ́yɛ̂h, yé á kwɨmlɨ ó, ɨ́ nzɨ̌ nyé. Mɨná titiʼe gá ó, ɨ́ nzɨ̌ nyé nyaá.

Rôm 10:12

Ebě, mbɔ́ʼ, wé abe páʼ oYúden, bé e bʉr o dí abe óYúden bá. Bɨ́bɛ̂h, bé e Njwɨ́ɨ ngwár. Baá dí ekɛn díé lé bá, nye lɨ́ elɛ̂ʼle bé bɨ́bɛ̂h mpam nyé.

Rôm 3:22

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Mɨlʉmlʉ 22:16

Nó ó, gǒ kǎ bóno yé ɨ́ báánâ? Gbɔlwaa sí. Go e dúŋɔɔ, jwɨɔɔ ɨ́ páʼ bísyɛ́ɛla bí ébébe byô, lɨ́ ekɛn díé mé Yésʉs.”»

Mɨlʉmlʉ 18:1

Píe tɨ̂, Pɔ̂l nzě duhǒ Atɛ̂n, tô Kórɨnt.

Mɨlʉmlʉ 15:9

Nyé agbâ tɔʼ e mbɔ́ʼ ngwár páʼ gá nyɨ́ná le onɔ́ɔ́. Nye á be ó sí pubo mílémé myɔ́ɔ́ ɨ́ lɔ̌b búʼó yɔ́ɔ́.

Mɨlʉmlʉ 10:36

Bɨ̌n bé lɨ́ egʉ́ǎ lɔ́ɔ́ Nzyɛ̌m á lɛ́ɛ bʉr o b'Ɨ́zraɛ̂l wɨ́. Mbɨambɨa Lɔ́ɔ waá, wé ó waá mépyɛbla bʉ̂r dí ebi ɨ́ nzɨ̌ mé Yésʉs-Krîst, dí Njwɨ́ɨbʉr bɨ́bɛ̂h nyá wɨ́.

Mɨlʉmlʉ 9:21

Baá bɨ́bɛ̂h bé á jôʼlo nye bá, bé á si bu kâm, nzě díila páʼ nyɔ́ɔ́ ó: «Ááʼ! Ntʉ mʉ̂r nyâʼ á tîtible bʉr o dí ekɛn díé mé Yésʉs ɨ́ Yerʉ́zalɛm bá? Nye á bé anze wâʼ lɨ́ enzě mɛ̂r bʉ̂r baá, ó nyě tó e bé ó, Yerʉ́zalɛm kwá ojwɨ́ɨ o mpáh Nzyɛ̌m ɛ̌?»

2 Timotɛ 2:22

Diʼeě e mpaŋ ncɛ́rá e bigwɨ́má bí óntwǒm. Dúʼóó njɨ bisâ bi dí tîtyěl bí. Dyɛ́ʼwáá e Nzyɛ̌m. Sáʼ bʉ̂r mpam. Sáʼ ó, bʉr bíʼee mepyɛbla. Sɨ́sáʼ nó, bɨ̌n e bʉr bɨ́bɛ̂h o dí ejɨʼla e Nzyɛ̌m e miléme ɨ́ sɔ́ɔ́ɔ́ bá.

Galásia 1:2

Bɨ̌h e bʉ́ʉ́ óbûʼla o dí wâʼ bá, bé lɨ́ esoho bɨ́n, bʉr ó Mbɛ̌r-Nzyɛ̌m dí ɨ́ sí Galásia bá.

Mɨlʉmlʉ 9:13

Ananías ntɔ̂ʼ lɛ́ɛ ó: «Dâ ɛ̌, bʉr ɨ́ buo buo, bé á si lɛ́ɛ me lɔ̌b wé. Bé sá ó lɛ́ɛ ébébe lɨ́lɛ̂h nyé á sâ bʉr o dí egúmo e go, baá o dí ɨ́ Yerʉ́zalɛm bá lɨ́.

Rôm 8:28

Mɨná bé lɨ́ egʉ́a gá ó, Nzyɛ̌m, nye lɨ́ eboó komlo bísá bíbyɛ̂h ó, byé díʼee e nyɔm lɨ́ esú é bʉ̂r o dí ekpɛl nyé, baá nyé á jébe ɨ́ mitíʼá mí lémé wé bá.

1 Korɛnt 10:32

Tiʼaa gá, mbi dí ó, bɨ̌n bé ákǎ sâ syɛ́ɛla ngá be ébɔ̌ʼ lé óbɨma óYúden le bʉr o bíkûl biswîh, nkʉ̂ ntɔ̂ʼ bʉr ó Mbɛ̌r-Nzyɛ̌m lɨ́!

1 Korɛnt 12:27

Bɨ̌n bɨ́bɛ̂h, bé ó nyʉ̂l mé Krîst. Mʉr nyɨnyɛ̂h dí ɨ́ sɔ́má yɨ́n nyá, nye ó tíl nyʉ̂l nyaá.

1 Timotɛ 2:8

Sá tɨ̂ʼ ó mé dí ekpɛl ó, ɨ́ gúmó yɨ́yɛ̂h, bʉrʉ̂m díʼee tí yɨ́. Bé jɨ̂ʼlaa e Nzyɛ̌m, lɨ́ ebɨ̂r mébó mé tí kʉ́, abe e nkpaa nkʉ̂ mesónó ɨ́ miléme.

2 Timotɛ 2:19

Damá jóʼo nó, nkǎn Nzyɛ̌m á tyêl nyɨ́, nye dína ó, lɨ́ etyɛ̂b ɨ́ sɨŋ. Mekǎn nyé á cɛma, dumo e nkan nyaá má ó mâ: Nzyɛ̌m, nye lɨ́ egʉ́ǎ baá o dí egúmo e né bá. Mʉ́ʉ́ mé tɨ̂, mé ó: Mʉr dí ekɛn díé mé Tî gá wɨ́ná nyá, nye ɨ́ jala le esyɛ̂hle ébébe!