1 Korɛnt 1:1 - Kálar Nzyɛ̌m : Ejwán é Sáá

¹ Yé ó mɛm Pɔ̂l, mʉ̌r Nzyɛ̌m á twâr ɨ́ lɔ̌b gwɨ́má yé ó, me díʼee mʉr milʉ́mlʉ́ mé Yésʉs-Krîst, bɨ̌h e mɨ́ɔɔ́ gá wɨ́ná Sostɛ̂n ó dí ecɛma bɨ́n mekaná mâ. Bɨ̌h cɛmá ó, bʉr ó Mbɛ̌r-Nzyɛ̌m dí Kórɨnt bá.

Kálara Zyɛ̌m Edwán é mpʉ̌n

¹ Mɛm Pol, mʉr Zyɛm a jebe é gwɨma ye ó, me diʼe lʉmlʉ mo Yesʉs-Krɨst ɨ, bɨh e mɨɔ ga wina Sostɛn, ó lé etile bɨn kalara nwa.

1 Korɛnt 1:1 ပူးပေါင်းရင်းမြစ်များ

Rôm 1:1

Yé ó mɛm Pɔ̂l, syɛ̂l mesâ mé Yésʉs-Krîst ó dí ecɛma bɨ́n mekaná mâ. Nzyɛ̌m á twâr me ó, me díʼee mʉr milʉ́mlʉ́ wé. Nye á tyêl me lɨ́ empah ó, me tôʼ le etúnǒ Mbɨambɨa Lɔ́ɔ́ wé.

Éfɛsɔs 1:1

Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ. Mě cɛmá ó, bɨ̌n, bʉr o dí egúmo e Yésʉs-Krîst, baá o dí bʉr o bé ébûʼlɔɔ, o dí [Éfɛsɔs] bá.

2 Korɛnt 1:1

Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ, bɨ̌h e Timotɛ̂, mɨ́ɔɔ́ gá wɨ́ná. Bɨ̌h cɛmá ó, Mbɛ̌r-Nzyɛ̌m dí Kórɨnt wɨ́, ti e bʉr o mé Nzyɛ̌m bɨ́bɛ̂h o dí ɨ́ sí Akayɨ̂ bá.

Kolosi 1:1

Yé ó mɛm Pɔ̂l, mʉ̌r Nzyɛ̌m á jébe ɨ́ lɔ̌b gwɨ́má yé ó, me díʼee mʉr milʉ́mlʉ́ mé Yésʉs-Krîst nyá. Bɨ̌h e mɨ́ɔɔ́ gá wɨ́ná Timotɛ̂ ó dí ecɛma bɨ́n mekaná mâ. Bɨ̌h cɛmá ó,

Mɨlʉmlʉ 18:17

Bʉr o nkɔ́m nyé bɨ́bɛ̂h ntɔ̂ʼ mɛ̂r Sostɛ̂n, njwɨ́ɨ mpáh minjɨʼla oYúden, bíŋɔɔ nyé gúmó tîʼ milɔ̌b á be ndîndǐl yɨ́. Galíɔŋ nyɨɛ á bé anʉǎ syɛ́ɛla yaá, gbâ yé ɨ́ nkɔb.

2 Timotɛ 1:1

Yé ó mɛm, Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma gó mekaná mâ. Lʉ́mlʉ́ wâm, wé ó, me lɛ̂ʼlaa twiʼ nyé á kɛʼ mɨná gá yɨ́. Mɨná bé óbi gá twiʼ yaá ó, ɨ́ mpúhlá gá nyɨ́ná e Yésʉs-Krîst.

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

1 Timotɛ 1:1

Pɔ̂l ó dí ecɛma gó mekaná mâ. Me ó mʉr milʉ́mlʉ́ mé Yésʉs-Krîst ɨ́ mitíʼá mé Nzyɛ̌m Sɔ́ŋ, Tiʼbʉr gá wɨ́ná, ti e Yésʉs-Krîst, waá dí egbâ mpûʼla ɨ́ miléme gá míná nyá.

Éfɛsɔs 4:11

Nye á be ɨ́ dwe bʉ̂r mindwéá mimbi mimbi. Nye nzě sâ ó, bâʼ bʉ̂r, bé díʼee bʉr o mílʉ́mlʉ́ mé Yésʉs; bâʼ bɨ́ɛ, ogwíha o mílɔ̌b; bʉ́ʉ́ bɨ́ɛ, otúna ó Mbɨambɨa Lɔ́ɔ; bʉ́ʉ́ bʉ̂r ntémé, otyɛ̂b bé ésôʼ ó Mbɛ̌r-Nzyɛ̌m; bʉ́ʉ́, olɛ̂ʼla o mílɔ̌b mé Nzyɛ̌m.

Galásia 1:1

Yé ó mɛm Pɔ̂l, mʉr milʉ́mlʉ́, ó dí ecɛma bɨ́n mekaná mâ. Mé abe ɨ́ milʉ́mlʉ́ mé nyʉ́ʉ́ mʉ̂r. Twárá mé á twárɔɔ wɨ́, wé á bé acɨɨ e nzɨ̌ mʉr. Yésʉs-Krîst, bé e Nzyɛ̌m Sɔ́ŋ, mʉr á pɛh nye, dwih nyé lɨ́ odwe nyá, bé ó b'á lómo me.

Mɨlʉmlʉ 22:21

Nó ó Tî Yésʉs á ka lɛ́ɛ e me ó: “Tóʼ, ebě, me múo nzě tyen gó lɨ́ ejaa, ɨ́ nko bʉ̂r o dí abe óYúden bá di yɨ́.”»

Yʉanes 15:16

Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

2 Korɛnt 12:12

Bijwɨʼ bi dí elɛ̂ʼle ó, me ó mʉr milʉ́mlʉ́ mé Yésʉs bí, me á si kʉ lɛ̂ʼle bɨ̌n byǎ ɨ́ ponó. Me á si séa e bíhwó, e nzɨ̌ mesimá, e bisá bí ékâm ti e bisyɛ́ɛla bi nkûl nɨ́nɨ́ɨ́.

2 Korɛnt 11:5

Mbeá wâm, wé yɨ́ɛ ó wɨ̂: bʉr o dí epǎ nkʉ́na le elɛ́ɛ ó, bé ó dí bʉr o mílʉ́mlʉ́ ómpâ bá, sá bé dí e yé yɨ́, me ntémé, mě e yê.

1 Korɛnt 15:9

Ɨ́ sɔ́má bʉ̂r o mílʉ́mlʉ́ tʉ́ŋlʉ̌, mɛm ó dí mʉr epíhe. Lɨ́ otyeetye, mé ajala le ejébɔɔ «mʉ̂r milʉ́mlʉ́,» ebě, me á si tíble Mbɛ̌r-Nzyɛ̌m.

1 Korɛnt 3:9

Ebě, bɨ̌h séá ó, ɨ́ mpúhlá nyɨ́h, ɨ́ syɛ́ɛ́ mé Nzyɛ̌m. Nó ó, bɨ̌n bɨɛ ó dí pemé mé Nzyɛ̌m. Bɨ̌n ntémé bé ó mpáh Nzyɛ̌m.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

Mɨlʉmlʉ 1:2

tó pyâl pyáláa ɨ́ móhó nyé á bɨ́nɔɔ ɨ́ jʉ́o kʉ́ wɨ́. Nye dína apǎ bɨ́nɔɔ ɨ́ jʉ́o kʉ́, nye á si líʼe bʉr o mílʉ́mlʉ́ bé, nyé á twâr bá, etié e nzɨ̌ Sísǐm mé Nzyɛ̌m.

Yʉanes 20:21

Yésʉs ntɔ̂ʼ báʼǎ lɛ́ɛ e bé ó: «Mepyɛbla, mé díʼee e bɨ̌n. Mpʉ Sɔ́ŋ wǎm á lómo me yɨ́, jwɨʼ gwár e gwár yaá ntémé ó mɛ̂m dí elómo bɨ́n yɨ́.»

Lʉkas 6:13

Nó ɨ́ jɔ̌ʼ mɛ́n wé á lɔ́ma yɨ́, nye ntɔ̂ʼ jébe ómpʉ́n bé, ntɔ̂ʼ twâr bʉ́ʉ́. Bím nyé á twâr yɨ́, bʉr kám le obá. Nye ntɔ̂ʼ jɨ̂jebe bé ó, bʉr o mílʉ́mlʉ́ bé.

Mɨlʉmlʉ 1:15

Ɨ́ tíl mélû yaá mpʉ óbûʼla nter e mekám mébá, bé á syɛŋa yɨ́, Pétrus nzě mɔa sí, tyɛ̂b témé entumo e bʉ̂r énɨ̌ memɛ̌n. Nye ó:

Rôm 1:10

Mě jɨʼlá e né ɨ́ jɔʼ yɨ́yɛ̂h ó, nye sʉ́ʼoo me metyɛʼ me mpóm mé, ó me kœ́bɨɨ jɔʼ énzě bee bɨ́n, ɨ́ mitíʼá mí lémé wé tʉ́ŋlʉ̌.

2 Korɛnt 8:5

Bé á sâ syɛ́ɛlǎ nɨ̌ ó, laǎ mpʉ bɨ́h á gwa bûʼla ó, bé e nkul esâ yɨ́. Sá ésôʼ bé á sâ yɨ́, yé á be ó, etímle bé bʉr o tɨ̂ʼ ɨ́ mebó mé Tî Yésʉs. Píe tɨ̂ʼ ó bé á ka tímle bé bʉr o tɨ̂ʼ bɨ̌h, lɨ́ esú lé édû mítíʼá mé Nzyɛ̌m yɨ́.