SANTIAGO 4:10 - Otomi

¹⁰ Gui dyöjpijʉ ca Ocja̱ da gʉzquijʉ ca xcú dyøhtibijʉ, cja̱ guegue da perdonaquijʉ cja̱ da jñu̱jtiqui ir tzi mʉyjʉ.

SANTIAGO 4:10 ပူးပေါင်းရင်းမြစ်များ

SAN MATEO 23:12

Porque car cja̱hni ca i ma̱ntsjɛ, rí ntzöhui da tti̱htzibi, guegue‑cá̱ da go jöy. Nu car cja̱hni ca jin gui hñi̱xtsjɛ, pe i cja jmandado, guehcá̱ da tti̱htzibi‑cá̱.― Ncjapʉ gá xih quí möxte.

SAN LUCAS 1:52

Cʉ cja̱hni rá nzɛdi cʉ mí mandado, ca Ocja̱ xí jña̱jquibi cár cargo‑cʉ́, pa ya jin da mandado. Nu cʉ cja̱hni cʉ jí̱ mí hñi̱xtjsɛjʉ, guegue‑cʉ ca Ocja̱ xí un cár cargo pa xí mandadojʉ.

SAN LUCAS 14:11

Ca to da hñi̱xtsjɛ, da hmɛtibi ʉ́r tzö, cja̱ nu ca to jin da hñi̱xtsjɛ, da nrespetabi‑cá̱.―

SAN LUCAS 18:14

Cja̱ bi ma̱n car Jesús: ―Dí xihquijʉ ya, bi mperdonabi car tesorero, porque már zö cár mfe̱ni gá nzoh ca Ocja̱. Pe nu car fariseo ya, jin gá mperdonabi‑ca̱, como mí ndo hñi̱xtsjɛ. Car cja̱hni ca da hñi̱xtsjɛ, ca Ocja̱ da bbɛtibi ʉ́r tzö, cja̱ nu ca to da ncja ʉ́r tzö, ca Ocja̱ da recibi‑cá̱.― Ncjapʉ gá ma̱n car Jesús.

1 PEDRO 5:6

Eso, bbʉ ba pɛnquijʉ prueba ca Ocja̱, gui jñɛguijʉ pa da cjahquijʉ ca te i ne, cja̱ gui mbe̱nijʉ, guegue i mandado. Cja̱ bbʉ xta zøh car pa ca xí ma̱n cam Tzi Tajʉ, nubbʉ, xta gʉzquijʉ car prueba cja̱ da pöjpiquijʉ quir tzi mʉyjʉ.