ROMANOS 4:5 - Otomi

⁵ Nugöjʉ, jin gui nesta gu mpɛguijʉ ncja hnar mɛfi, ncjahmʉ di jogui gri ta̱tsjɛjʉ car nzajqui ca jin da tjegue. I nesta gu e̱me̱bijʉ cár pöjö ca Ocja̱, pa da nu̱guigöjʉ ncjahmʉ jin te gri tu̱jʉ hne̱je̱. Cʉ cja̱hni cʉ i ndu̱jpite pe i öjpijʉ ca Ocja̱ da perdonabitjo co cár tzi pöjö, guegue‑ca̱ i recibi ncjahmʉ jin te xtrú dyøtijʉ ca rá nttzo.

ROMANOS 4:5 ပူးပေါင်းရင်းမြစ်များ

SAN MARCOS 9:23

Cja̱ bi da̱j ya car Jesús: ―Ja̱a̱, dí pa̱di gu jojqui, pe guehquɛ, i nesta gui hñeme göhtjo mbo ir mʉy. Ca to i e̱me̱ ca Ocja̱, ca te da dyödi, da ttøhtibi.―

SAN JUAN 5:24

Cierto na̱r palabra na̱ dí xihquijʉ, cʉ cja̱hni cʉ i ju̱hpi ndu̱mʉy yʉ palabra dí ma̱, guejtjo i e̱me̱, gue car Tzi Ta ji̱tzi xpá mɛnquigö. Guegue‑cʉ ya xqui pɛhtzi car nzajqui ca jin da tjegue, cja̱ jin da cju̱h pʉ jabʉ da gu̱tijʉ ca rá nttzo ca xí dyøtijʉ. Má̱hmɛto, ya xi mír ma di bbɛdijʉ, pe nuya, ya xí ndöti car nzajqui ca jin da tjegue.

SAN JUAN 6:29

Bi da̱j ya car Jesús, bi hñi̱na̱: ―I ne ca Ocja̱ gui hñemeguijʉ, guejquigö, xpá mɛnquigö.―

ROMANOS 10:3

Gueguejʉ xí mbe̱ni, da zøjti ca i ma̱m pʉ jar ley ca bi ma̱n car Moisés, pa ncjapʉ drí da̱pijʉ cár favor ca Ocja̱. Pe jin gui pa̱dijʉ ja i ncja cár mfe̱ni ca Ocja̱. Como xí ma̱n ca Ocja̱, gue cʉ cja̱hni cʉ da hñe̱me̱bi cár tzi tti̱jqui da ttundi car nzajqui ca jin da tjegue.

ROMANOS 3:22

Nuya, ya xtí pa̱dijʉ, göhtjo yʉ to da guatijʉ car Jesucristo pa da ccʉhtzibijʉ ca i tu̱jʉ, da jogui drí guatijʉ car Tzi Ta ji̱tzi. Guegue‑ca̱ da nu̱guijʉ parejo, dí göhtjojʉ, yʉ judio cja̱ co guejti yʉ cja̱hni yʉ jin gui judio.

ROMANOS 4:3

Gui mbe̱nijʉ te i ma̱m pʉ jar Escritura: “Car Abraham bi hñeme, göhtjo mbo ʉ́r mʉy, ca Ocja̱ di dyøte como ngu̱ gá ma̱. Por eso, ca Ocja̱ bi nu̱ car Abraham ncjahmʉ jin te di tu̱.”

ROMANOS 4:6

Guejti ca ndor David, i ma̱ntjo ncjapʉ hne̱je̱, i̱na̱: “Da ndo mpöh car cja̱hni ca da nú̱ ca Ocja̱ ncjahmʉ jin te di tu̱, masque nde̱jma̱ xí dyøti ca rá nttzo.”

FILIPENSES 3:9

Nuya, dí ne segue gu hmʉbbe car Cristo. Xtú e̱me̱bitjo cár tzi tti̱jqui pa da cuajtigui car Tzi Ta ji̱tzi, ncjahmʉ jin te gri tu̱gö. Como ya xtí pa̱di, bbʉ ndí tɛngö car ley, jí̱ mí tzö cam vida, cja̱ jin di recibigui car Tzi Ta ji̱tzi.