ROMANOS 3:7 - Otomi

⁷ Xi bbʉ pé di ndo zɛh car cja̱hni‑ca̱, pé di da̱jtjo: “Guehca̱ xtá jøxcö ca Ocja̱ jin gui cumpli ca i ma̱, xí ttøhtibi ʉr prueba cja̱ guegue xí nda̱gui. Ncjapʉ, más xcá fa̱di, göhtjo cierto ca i ma̱. Tzʉdi, xtú föxcö ca Ocja̱ pa más da ndo tte̱me̱bi. ¿Dyoca̱ i tsjijqui dí ndu̱jpite bbʉ́?”

ROMANOS 3:7 ပူးပေါင်းရင်းမြစ်များ

SAN MATEO 26:34

Nu car Jesús bi xifi: ―Cierto dí xihqui, rá nxu̱nya, ante que da mah car ndøxca, nuquiguɛ, xquí ma̱, jin guí meyagui. Jñu̱ vez xquí ma̱ ncjapʉ.―

HECHOS 2:23

Nu car Jesús, bi ndö jer dyɛjʉ, ncja ngu̱ gá mbe̱n car Tzi Ta ji̱tzi, como ya má yabbʉ, ya xquí mbe̱ni guegue‑ca̱ ja di ncja göhtjo. Nuquɛjʉ, guí hñøjøjʉ, guí mandadobijʉ yʉ cja̱hni israelita, guehquɛjʉ gú tzʉdijʉ car Jesús cja̱ gú döjtijʉ jáy dyɛ cʉ cja̱hni cʉ jin gui tzu̱ ca Ocja̱, pa bi ddøti pʉ jar ponti, bi bböhti.

ROMANOS 3:4

Ca Ocja̱ tiene que da cumpli ncja ngu xcá ma̱. Masque jin di bbʉh hnar cja̱hni ca di e̱me̱, ¿cja da ttøti ca xí ma̱n ca Ocja̱?, masque göhtjo di cønijʉ, di ma̱jmʉ jin te i ntjumʉy quí promesa, pe nu ca Ocja̱ nde̱jma̱ di cumpli ca xí ma̱. Bbʉ di jogui di ttzojni ca Ocja̱ pa di ttøhtibi ʉr prueba, di zʉdi ncja ngu ga ma̱m pʉ jar salmo. I ma̱ ncjahua: Nuquiguɛ, ʉm Tzi Jmu̱quije, bbʉ da tja̱nqui ʉr huɛnda, xta fa̱di, guí ma̱nguɛ ca ncjua̱ni, Cja̱ bbʉ xta ttøhtibi ʉr prueba cʉ palabra cʉ xcú ma̱, xta ni̱gui, göhtjo cierto cja̱ göhtjo rá zö.