ROMANOS 3:1 - Otomi

¹ Nuya bbʉ, ¿ter bɛh ca̱ i pɛhtzi cʉ judio ca jin gui pɛhtzi cʉ hnahño cja̱hni cʉ jin gui judio? Car Tzi Ta ji̱tzi bi juajni cʉ judio pa di cjajʉ í cja̱hni guegue‑ca̱, cja̱ bi dyøtihui acuerdo hne̱je̱. I bbʉh cʉ to di hñöni ncjahua: ¿Te bi provechabi cʉ judio car acuerdo‑ca̱?

ROMANOS 3:1 ပူးပေါင်းရင်းမြစ်များ

SAN JUAN 4:22

Nuquiguɛjʉ, guí mi̱ngu̱jʉ Samaria, jin guí pa̱dijʉ ter fɛh ca̱ guí nda̱nejʉ. Nugöje, dí judioje, dí pa̱dije toca̱ dí nda̱neje. I ma̱m pʉ jar Escritura, dur judio ca hnar hñøjø ca da gʉhtzibi ca rá nttzo ca xí dyøti yʉ cja̱hni hua jar mundo.

ROMANOS 3:2

Xí provechabi rá ngu̱. Hnar cosa rá ndo zö ca xí ttun cʉ judio, bi tsjijmʉ te i ma̱n cár palabra ca Ocja̱, cja̱ bi ndöjti ʉ́r dyɛjʉ cʉ Escritura. Gue cʉ Escritura i xijquijʉ ja i ncja ca Ocja̱.

ROMANOS 3:9

Cierto, xí ndöjtiguijʉ ʉm dyɛjʉ, dí judiojʉ, yʉ Escritura yʉ i xijquijʉ ja i ncja ca Ocja̱. ¿Xi ya bbʉ? ¿Cja más rá zöguijʉ, dí judiojʉ, ni digue yʉ pé dda cja̱hni? Ji̱na̱. Ya xtí pa̱dijʉ, dí göhtjo dí cja̱hnijʉ, dí ndu̱jpitejʉ. Göhtjo dí øtijʉ ca rá nttzo, tanto yʉ judio, cja̱ co hne̱h cʉ jin gui judio.

1 CORINTIOS 15:32

Guejcua Efeso, xí ndo tsjeyagui cʉ dda cja̱hni, por rá ngue nʉ́r palabra car Cristo, ncjahmʉ xcrú ntujnibbe zu̱we̱ rá nttzo. Xí bbʉ jin di cierto gu ja̱ ʉm jña̱ bbʉ xcrú tu̱gö, ¿te gri ta̱cö bbʉ́? u̱jtjo. Bbʉ jin di cierto da nantzi cʉ ánima, gua ma̱jmʉ ncja ngu̱ ga ma̱n cʉ cja̱hni cʉ jin gui mbe̱n ca Ocja̱, i̱na̱jʉ: “Gu ñunijʉ rá zö cja̱ gu tzijʉ göhtjo ca dí nejʉ, porque ʉr xu̱di gu tu̱jʉ, cja̱ göhtjo xta nttzɛdi pʉ.”

HEBREOS 13:9

Gui jña̱jʉ ʉr huɛnda pa jin to da jiöhquijʉ grí tɛnijʉ hnahño mfe̱ni cʉ jin gui cierto. Nuquɛjʉ, gui mbe̱nijʉ car palabra ca i xijquijʉ, tzʉdi, por rá ngue cár tzi pöjötjo, ca Ocja̱ i un car nzajqui ca ntju̱mʉy göhtjo yʉ to i e̱me̱. Nu cʉ pé dda mandamiento cʉ i xijquijʉ tema jñu̱ni i tjɛgui da ttzi, co tema jñu̱ni i nccahtzi, jin te i sirve cja̱ jin tema nzajqui i un cʉ to i tɛn‑cʉ́.