SAN MATEO 5:35 - Otomi

³⁵ Hne̱j nʉr jöy, jin gui hñi̱jmʉ gá testigo, porque guejtjo ʉ́r mɛjti ca Ocja̱. Guejti nʉr jñi̱ni Jerusalén, jin gui hñi̱jmʉ gá testigo hne̱je̱, porque guejnʉ́ rá bbʉjnʉ cár templo ca Ocja̱.

SAN MATEO 5:35 ပူးပေါင်းရင်းမြစ်များ

SAN MATEO 5:36

Jin gui hñi̱jmʉ nir ña̱ gá testigo, porque jin tema cargo guí pɛhtzi pa gui cjajpi hner xta̱a̱ da ttaxqui, o bbʉ ya xná nttaxi, pa gui cjajpi pé da pojqui.

HECHOS 7:49

I ma̱n car Tzi Ta ji̱tzi: “Nʉr ji̱tzi i jñɛjmi ncja hnar tju̱jnitjo hua jabʉ dí ju̱tzi, Cja̱ nʉr mundo i sirvegui pa dár i̱j yʉm hua. Nuquɛjʉ, guí cja̱hnijʉ, ¿ja ncja grí jiøbiguijʉ hnar ngu̱ grá ntzögöbbe? ¿Cja guí pa̱dijʉ ja di ncja car ngu̱ pʉ jabʉ gua tzöyagö?

APOCALIPSIS 21:10

Cja̱ diguebbʉ ya, cár Espíritu ca Ocja̱ pé bi u̱jtigui pé dda cosa rá tzi zö. Dú cca̱hti ncjahmʉ ndí wi̱. Bi zixqui car ángele, dú mɛbbe hnar ttøø már ndo nte. Bi u̱jtigui car ddadyo ciudad Jerusalén, gue cár nttzöya ca Ocja̱. Mbá ca̱h pʉ ji̱tzi pʉ jabʉ bí bbʉ guegue.

APOCALIPSIS 21:2

Nugö, dúr Juan, dú janti car jñi̱ni, cár nttzöya ca Ocja̱, mbá ca̱h pʉ ji̱tzi pʉ jabʉ bí bbʉ guegue. Mí ni̱gui rá tzi zö, ncja ngu̱ hnar ba̱jtzi bbɛjña̱ bbʉ xí jñojqui pa da ma ʉ́r ntja̱jti. Car jñi̱ni‑ca̱, i tsjifi car ddadyo Jerusalén.