SAN MATEO 5:25 - Otomi

²⁵ Bbʉ to xí dyøjtiqui tu̱jni, cja̱ bí ttzojnqui jar jujticia, gui reglahui nttzɛdi, menta gá pɛhui jar hñu̱, ante que gui tzønihui pʉ jar jujticia. Bbʉ ji̱na̱, da döqui jar nzöya, cja̱ car nzöya ya, da döqui jar nzʉttabi pa da gohqui pʉ jar födi.

SAN MATEO 5:25 ပူးပေါင်းရင်းမြစ်များ

SAN MATEO 26:58

Nu car Pedro bi dɛn car Jesús, tzi yanʉ, hasta bbʉ gá nzøti pʉ jár patio cár ngu̱ car Caifás. Nupʉ, bi gojti pʉ, bi mi̱bi cʉ nzʉttabi pa di cca̱hti te di ncjajpi car Jesús.

SAN LUCAS 18:3

Már bbʉh pʉ hne̱je̱ ca hnar ddanxu̱. Guegue‑ca bi ma bú cöx car nzöya, bi xifi di gohtibi hnár contra.

2 CORINTIOS 6:2

Gui mbe̱nijʉ na̱r palabra na̱ i ma̱m pʉ jar Escritura. I ma̱n car Tzi Ta ji̱tzi: Rá zö na̱r tiempo na̱ xcú nzojquijʉ, eso, xtú tja̱di, Gue yʉ pa‑ya xtú mbe̱ni gu föx yʉ cja̱hni co cam tzi pöjö, pa da döti car nzajqui ca jin da tjegue. Eso, xtú föxquijʉ. Nuquiguɛjʉ, i nzohquijʉ ca Ocja̱ rá pa ya. I xihquijʉ, gue na̱r tiempo ya, rí ntzöhui gui cuatijʉ pa gui tötijʉ car nzajqui ca jin da tjegue.

HEBREOS 12:17

Nuquiguɛjʉ, ya xquí pa̱dijʉ te pé bi ncja. Car Esaú, bbʉ mí dyöjpi cár ta di un car bendición más rá zö ca mí tocabi, ya jin gá ttuni. Bi nccaxtjo, masque bi ndo nzoni rá ngu̱. Ya jin gá ndöti te pé di dyøte pa di ttun cʉ bendición cʉ xquí zantjo cja̱ xquí mö. Eso, dí xihquijʉ, jin gui jiɛjmʉ ca grí hñemejʉ ca Ocja̱, pa jin da bbɛh cʉ bendición cʉ i ne da ddahquijʉ.

HEBREOS 3:13

Gui nzojtsjɛjʉ cada mpa, menta guí ødejʉ ga nzohquijʉ ca Ocja̱. Jin to da mbeni mbo ʉ́r mʉy, da hñi̱na̱, má̱s jin te da cja bbʉ da jiɛh ca rí hñe̱me̱ car Jesucristo.

HEBREOS 3:7

Eso, gu ødejʉ ca i ma̱n car Tzi Espíritu Santo pʉ jar Escritura, como guejtjo i nzojquijʉ hne̱je̱: Nuquɛjʉ, bbʉ guí ødejʉ rá pa ya, ya xqui nzohquijʉ ca Ocja̱, Gui jñu̱hmpijʉ ndu̱mʉy, cja̱ gui dyøjtijʉ,