SAN MATEO 27:9 - Otomi

^9-10 Bi ncjapʉ gá nzʉh car palabra ca xquí ma̱n car profeta Jeremías, ya má yabbʉ. Guegue bi ma̱ ncjahua: “Bi gʉxijʉ cʉ treinta domi gá plata, bi ma bú töjmʉ hnar jöy ca múr mɛjti car dyøti‑moji. Cʉ domi‑cʉ́ xquí ttuni ca hnar hñøjø. Cʉ ddáa cja̱hni israelita xquí ma̱jmʉ tengu̱ di nccu̱hti car hñøjø‑cá̱. Cja̱ cʉ domi‑cʉ́, bi ncjajpi ncja ngu̱ xquí ma̱n ca Ocja̱, como ya xquí xijquigö te di ncjajpi‑cʉ.” Gue yʉ palabra‑yʉ́ i ju̱x pʉ jar libro ca bi dyøti car profeta Jeremías.

SAN MATEO 27:9 ပူးပေါင်းရင်းမြစ်များ

SAN MATEO 1:22

Bbʉ mí hñʉ car María, jim be mí yojmi cár da̱me. Ncjapʉ gá nzʉh ca hnar palabra ca xquí ma̱n ca Ocja̱, ya má yabbʉ. I ju̱x pʉ jar libro ca bi dyøti car profeta, i̱na̱:

SAN MATEO 2:17

Cja̱ bbʉ mí bböhti göhtjo cʉ tzi ba̱jtzi‑cʉ́, bi zʉh car palabra ca xquí ma̱n car profeta Jeremías, ya má yabbʉ, bbʉ jí̱ bbe mí ncja. I ju̱x pʉ jar libro ca bi dyøti guegue, i̱na̱:

SAN MATEO 26:15

cja̱ bú öni: ―¿Tengu̱ gui ddajquijʉ pa gu döquijʉ car Jesús?― Cja̱ gueguejʉ bi gu̱tijʉ treinta domi gá plata.