SAN MATEO 21:19 - Otomi

¹⁹ Bi cca̱hti hnar za gá higo, mí jø pʉ hnanguadi car hñu̱. Car Jesús bi guati, bi cca̱hti, ¿cja mí tu̱ higo car za? Pe u̱jtjo, jøntsjɛ quí xi. Cja̱ bi nzoh car za, bi xifi: ―Desde rá pa ya, göhtjo ʉr tiempo, jin te gui ungui higo.― Cja̱ nguetica̱ bi mʉdi bi dyoti car za gá higo.

SAN MATEO 21:19 ပူးပေါင်းရင်းမြစ်များ

SAN MATEO 21:20

Cja̱ bbʉ pé má tjojmʉ pʉ jabʉ mí jø car za‑cá̱, quí möxte car Jesús bi cca̱hti car za, ya xquí dyoti. Nubbʉ́, bi hño í mʉyjʉ cja̱ bi dyönijʉ car Jesús: ―¿Dyoca̱ hna hnijitjo xí dyoti nʉr za?―

SAN MARCOS 11:14

Diguebbʉ ya, car Jesús bi xih car za: ―Desde rá pa ya, pa göhtjo ʉr tiempo, jin tema ixi gui tu̱.― Cja̱ quí möxte car Jesús bi dyøjmʉ nʉr palabra nʉ bi ma̱ guegue.

SAN MARCOS 11:20

Car jiax ya‑cá̱, bbʉ mí nxu̱ditjojo, car Jesús pé má hñohui quí möxte, pé má pöjmʉ Jerusalén. Bi tjojmʉ pʉ jabʉ már jø car za gá higo, nxøgue ya xquí dyoti hasta guehpʉ jáy dyʉ.

SAN LUCAS 3:9

Xí ma̱n ca Ocja̱, ya xtu pɛnqui quer castigojʉ. Ya xqui guejti pʉ xta zʉhquijʉ. Car hacha ya xna bböjti pʉ hnanguadi car za pa da zɛjqui. Göhtjo cʉ za cʉ jin gui tu̱ ixi rá zö, xta ttzɛjqui, cja̱ xta ddʉti pʉ jar tzibi.― Mí ma̱ ncjapʉ car Juan.

SAN JUAN 15:2

Yʉ cja̱hni yʉ xí nguati jam dyɛ i jñɛjmʉ quí dyɛza car za gá uva. Cʉ dyɛza cʉ jin te i ungui ixi, da zɛjqui cam Tzi Ta. Nu cʉ dyɛza cʉ i tu̱ ixi, i jojqui‑cʉ, pa da ngu̱jqui car ixi i tu̱.

SAN JUAN 15:6

Car cja̱hni ca jin gui ne da dɛnguigö, da ttzo hnanguadi, ya jin te da hmʉ ʉ́r nzajqui. Nucá̱ da ncjá ncja ngu̱ cʉ dyoti dyɛza i cuajti yʉ cja̱hni pa da ttu̱di.

2 TIMOTEO 3:5

Cʉ cja̱hni‑cʉ, da ma̱jmʉ i e̱me̱jʉ ca Ocja̱, pe jøndi xøtze da ni̱gui ncjahmʉ i tɛnijʉ. Bbʉ to da cca̱hti quí vidajʉ, xta ba̱di, jin gui cierto ca di tɛnijʉ ca Ocja̱, como rá nttzo ca i øtijʉ. Nuquiguɛ, jin gui ntzixihui cʉ cja̱hni‑cʉ, cja̱ jin gui nzojmʉ ncjahmʉ di hermano.

TITO 1:16

Guegue‑cʉ i ma̱jmʉ, i e̱me̱jʉ ca Ocja̱. Pe bbʉ dí cca̱htigöjʉ ja i ncja quí vidajʉ, dí pa̱dijʉ, jin gui cierto ca i ma̱jmʉ, como rá nttzo ga hmʉpjʉ. Jin gui ne da dyøjtijʉ cár palabra ca Ocja̱. Rí zodi cʉ cosa rá nttzo hua jar mundo, eso, jin gui pa̱di da dyøtijʉ hnar cosa drá zö.

JUDAS 1:12

Cʉ mɛtjri maestro cʉ i dyo yʉ pa ya, i cuati pʉ jabʉ guí tzijʉ, bbʉ ra cja mbaxcjua. Jin gui pɛhtzi ʉ́r tzö gueguejʉ. Nuquɛjʉ, guí hermanojʉ, guí mpɛjnijʉ pa gui tzijʉ. Göhtjo mbo ir mʉyjʉ, guí ma̱jtsjɛjʉ cja̱ guí ntzixijʉ, como hnaadi quer Tzi Jmu̱jʉ. Guejti cʉ cja̱hni cʉ, i cuahquijʉ ncjahmʉ de vera hermano guegue‑cʉ. Masque i ni̱gui ncjahmʉ hermano, pe hnahño ga dyøtijʉ. I ndo ñu̱nijʉ, i tzi göhtjo ca i nejʉ. Jøntsjɛ gueguejʉ i ma̱jtsjɛ cja̱ i nu̱tsjɛjʉ. I jñɛjmʉ cʉ gu̱y cʉ jin te i yojmi dye, i tu̱xti car nda̱ji̱. Guejtjo i jñɛjmʉ za gá ixi cʉ jin te i tu̱, ya xí dyoti, cja̱ pé xí nccʉhtzijʉ jar jöy, göhtjo co quí dyʉ.

APOCALIPSIS 22:11

Ya jin da zʉh car tiempo pa da pöti quí vida yʉ cja̱hni ante que da ncja cʉ cosa cʉ i ju̱xcua. Ncja ngu̱ ga hmʉh hnar cja̱hni bbʉ xta dyøj ya palabra‑ya, da ncjadipʉ bbʉ xta ncja ya i ju̱xcua. Bbʉ jin gui e̱me̱ ca Ocja̱, ya jin da hñeme, da seguetjo drí dyøti ca rá nttzo. Nu car cja̱hni ca ya xí hñeme ca Ocja̱, xta jña̱ ʉr huɛnda, cja̱ más da jojqui cár vida pa más drá zö drí dɛn cam Tzi Jmu̱jʉ.―