SAN MATEO 2:6 - Otomi

⁶ Nʉr tzi jñinitjo Belén nʉ jar jöy Judea, Más i ndo mu̱hui ni ndra ngue yʉ jñini rá nojo, Porque guejnʉ du hmʉjnʉ́ ca to da mandadoguijʉ, Guegue da mandadobi yí cja̱hni ca Ocja̱, da nu̱guijʉ rá zö, dí cja̱hni israelitajʉ.―

SAN MATEO 2:6 ပူးပေါင်းရင်းမြစ်များ

SAN MATEO 2:1

Bbʉ mí hmʉh car tzi Jesús pʉ jar jñi̱ni Belén pʉ jar jöy Judea, car rey Herodes már mandado pʉ. Bú e̱h cʉ dda mago, güí hñe̱j nʉ jabʉ rí bøx car jiadi, bi zøh pʉ jar jñi̱ni Jerusalén, pʉ jar jöy Judea.

SAN MATEO 28:18

Diguebbʉ ya, car Jesús bi guati quí möxte, bi nzojmʉ, i̱na̱: ―Car Tzi Ta ji̱tzi xí ddajqui cam nttzɛdi pa gu mandado göhtjo ʉr tiempo. Gu mandado pʉ jar ji̱tzi cja̱ hne̱cua jar jöy.

SAN JUAN 21:16

Ma ya car Jesús bi yojpi bi dyön car Pedro: ―Nuquɛ, Simón, ʉ́r ttʉqui car Jonás, ¿cja ntjumʉy guí negui?― Cja̱ pé bi da̱h car Pedro bbʉ: ―Ja̱a̱, ʉm Tzi Jmu̱qui, guí pa̱di dí nequi.― Cja̱ pé bi xih car Jesús: ―Nuya, gui föh tzʉ cʉm tzi dɛti.―

SAN JUAN 7:42

Como i ma̱m pʉ jar Escritura, bbʉ xtu e̱h car Cristo ca xtúr hñi̱x ca Ocja̱ pa da mandadobi yí cja̱hni, da hmʉy digue cár cji ca ndor David. Guegue dur mi̱ngu̱ car tzi jñini Belén hua jar estado Judea, pʉ jabʉ mí bbʉh ca ndor David.―

EFESIOS 1:22

Car Tzi Ta ji̱tzi xí un cár cargo car Jesucristo pa da mandadobi göhtjo yʉ i cja hua jar jöy. Guejtjo ʉ́r Jmu̱ göhtjo yʉ cja̱hni yʉ i e̱me̱. Guegue i jñɛjmi nʉ́r ña̱ hnar cja̱hni, cja̱ nugöjʉ, ncjahmʉ dí cjajʉ cár cuerpo guegue. I nesta da yojmi nʉ́r ña̱ co nʉ́r cuerpo pa da hmʉh cár nzajqui hnar cja̱hni, cja̱ da hñá̱ni. Nugöjʉ, dí ncjagöjʉ pʉ hne̱je̱, dí mföxjʉ car Cristo, cja̱ dí yojmʉ‑cá̱, pa da ni̱gui hua jar mundo ja i ncja guegue. Guegue car Cristo i mandadobi göhtjo yʉ i cja hua jar mundo, cja̱ i ungui nzajqui. Guejtjo rí hñe̱h car Cristo car ddadyo nzajqui ca dí pɛhtzijʉ. Ca dár yojmʉ guegue, jin te i bbɛtiguijʉ.

COLOSENSES 1:18

Guegue i jñɛjmi nʉ́r ña̱ hnar cja̱hni. I pøngui mfe̱ni pa da mandadobi cár cuerpo. Cja̱ nugöjʉ, dí göhtjojʉ ncja ngu̱ xtá e̱me̱jʉ car Jesucristo, dí cjajʉ cár cuerpo guegue. Í mɛjtiguijʉ, cja̱ rí hñe̱ guegue nʉr ddadyo nzajqui nʉ dí pɛhtzijʉ. Por rá nguejcöjʉ bi du̱, cja̱ guejtsjɛ guegue bi hmɛto bi jña̱ ʉ́r jña̱ pa hne̱quigöjʉ gu nantzijʉ bbʉ pé xtu e̱je̱. Car Cristo xí ttun cár cargo pa da mandadobi göhtjo cʉ ángele cja̱ co cʉ pé dda nda̱ji̱. Hne̱cöjʉ, dí cja̱hnijʉ, como ngu̱ xtá e̱me̱jʉ car Jesucristo, ngu̱ yʉ i bbʉjtjo, ngu̱ cʉ xí ndu̱, göhtjoguigöjʉ i mandadoguijʉ hne̱je̱.

HEBREOS 7:14

Ya xqui fa̱di to cár familia mí pertene cam Tzi Jmu̱jʉ Jesús, gue cár familia car Judá. Nu car Judá co quí ttʉ cʉ di hmʉy, jin gá ttungui ʉr tsjɛjqui pa di cjajʉ möcja̱. Por eso, car cargo ca mí ja̱ car Jesús pa bi cja ʉr möcja̱, jin guá hñe̱je̱ digue car ley ca bi ma̱n car Moisés.

APOCALIPSIS 11:15

Diguebbʉ ya, bi jʉxti cár tjʉxi car ángele ca rí cja yojto, cja̱ bi ni̱gui pʉ ji̱tzi cʉ dda jña̱, ncjahmʉ to mbí ña̱jʉ nzajqui pʉ jar ji̱tzi. Mí ma̱jmʉ: Nuya, car Tzi Ta ji̱tzi ya xta jña̱jquibi quí cargo göhtjo cʉ to i mandado, Cja̱ guegue, yojmi car Cristo, xta mandado hua jar jöy. Da mandadohui göhtjo cʉ cjeya, jin da tjeh cár cargohui.

APOCALIPSIS 7:17

Porque nʉr Tzi Dɛti nʉ bí bbö delante nʉ jabʉ bí ju̱x nʉ́r Tzi Ta, da nu̱ quí cja̱hni ncja hnar mödi. Guegue da dyɛn quí dɛjti pʉ jabʉ i po car deje ca i un car nzajqui ca jin da tjegue. Nu cár Tzi Ta da du̱jquibi quí guidöjʉ quí cja̱hni, ya jin da nzonijʉ.―