SAN MATEO 13:15 - Otomi

¹⁵ Porque ya xí ndo cja me̱mʉy yʉ cja̱hni; Bbʉ jí̱ xtrú cjajʉ me̱mʉy, pe ntoja di cca̱htijʉ cja̱ di ba̱dijʉ ja i ncja, Pé ntoja di dyødejʉ cja̱ guejtjo di ntiendejʉ, Nubbʉ́, di pöti quí mfe̱nijʉ cja̱ di jionijʉ ca Ocja̱, Cja̱ guegue di gʉhtzibi yʉ cja̱hni ca rá nttzo ca i tu̱jʉ. Ncjapʉ gá ma̱n car Isaías.

SAN MATEO 13:15 ပူးပေါင်းရင်းမြစ်များ

SAN MARCOS 4:12

Gueguejʉ, macja̱ i cca̱hti yʉ dí øte, pe jin gui ja̱jʉ ʉr huɛnda ja i ncja. I øj yʉ palabra yʉ dí ma̱, pe jin gui øjmʉ te i ne da ma̱. Cʉ cja̱hni‑cʉ́, dí nzofo gá bbede, pa jin da pöti quí mfe̱nijʉ. Bbʉ di pöti quí mfe̱nijʉ cja̱ di jiɛjmʉ ca rá nttzo, nubbʉ́ ca Ocja̱ di perdonabijʉ ca rá nttzo ca xí dyøtijʉ.―

SAN LUCAS 19:42

Bi ma̱n car Jesús: ―Nuquɛjʉ, guí mi̱ngu̱jʉ Jerusalén, xa̱jma̱ güi pa̱dijʉ yʉ pa ya, toguigö cja̱ jabʉ xtá e̱je̱. Xa̱jma̱ja̱ güi hñemejʉ ca ndí xihquijʉ. Nubbʉ́, güi nú̱jʉ car paz. Pe nuya, ya xtrá magö. Ya xta zʉhquijʉ hnar castigo rá nttzo.

HECHOS 28:27

Ncjahmʉ xcú ndo cjajʉ me̱mʉy, jin guí ne gui pa̱dijʉ ja dí ncjagö. Ncjahmʉ xcú cojti yir gu̱jʉ, ncjahmʉ xcú ttza̱nti yir döjʉ, Pa jin gui cca̱htijʉ te dí ne gu u̱jtiquijʉ Cja̱ jin gui dyødejʉ te dí ne gu xihquijʉ. Bbʉ güi cca̱htijʉ rá zö cja̱ bbʉ güi dyødejʉ rá zö, Bbʉ güi uni ir mʉyjʉ pa güi ntiendejʉ, Nubbʉ́, güi jiɛjmʉ ca rá nttzo, cja̱ pé güi jionguigöjʉ, Cja̱ nugö, gua joquiqui quir tzi mʉyjʉ, bbʉ́. Ncjapʉ ga ma̱n ca Ocja̱, ga nzoh quí cja̱hni.― I ju̱x yʉ palabra‑yʉ́ pʉ jar libro ca bi dyøti car profeta Isaías.

HECHOS 3:19

Nuquɛjʉ, gui jiɛjmʉ ca rá nttzo ya, cja̱ gui jionijʉ ca Ocja̱, gui dyöjpijʉ da perdonaquijʉ ca xcú dyøtijʉ cja̱ da gʉzquijʉ ca guí tu̱jʉ. Guejtjo gui hñe̱me̱jʉ car Jesús, guegue ʉr Cristo ca bú bbɛjni hua jar jöy. Nubbʉ́, da zøh cʉ pa bbʉ xtu ndo pɛjnquijʉ bendición car Tzi Ta ji̱tzi.

HECHOS 7:57

Nubbʉ́, cʉ möcja̱ cja̱ co cʉ tita cʉ már øjmʉ, bi ndo majmʉ, xní gojti quí gu̱jʉ. Bi gʉjʉ ʉr ddiji, bi ma bú tzʉdijʉ car Esteban. Mí ndo tsjeyajʉ, como mí i̱na̱jʉ, ¿dyoca̱ rí jɛquihui ca Ocja̱ car Jesús?

2 TIMOTEO 4:4

Nu pʉ jabʉ i jma̱ndi nʉ́r palabra ca Ocja̱, ya jin da guati pʉ cʉ cja̱hni. Da jiɛjmʉ nʉ́r palabra ca Ocja̱ pa da guatijʉ pʉ jabʉ i ttu̱jti cuentotjo.

HEBREOS 5:11

I bbʉy rá ngu̱ ca dí ne gu xihquijʉ digue car Melquisedec. Pe rá ntji̱ pa gu xihquijʉ, porque nuquɛjʉ, ncjahmʉ jin guí ne gui ntiendejʉ.

APOCALIPSIS 22:2

Car da̱tje mí dyo pʉ jar madé car jñi̱ni, pʉ jar da̱hñu̱. Göhtjo yonguadi car da̱tje mí jø za, gue cʉ za cʉ i ungui nzajqui cʉ to da zajpi quí ixi, cja̱ i tu̱ doce clase quí ixi. Cada za̱na̱ i ta̱ hna clase ʉr ixi. Cja̱ quí xi cʉ za, i sirve ncja ʉr hñi̱tji pa da hmʉy rá zö cʉ cja̱hni göhtjo cʉ nación. Ya jin da zöjʉ tema jñi̱ni.