SAN MATEO 11:6 - Otomi

⁶ Cja̱ pé gui xijmi car Juan, da ndo ttuni bendición yʉ cja̱hni yʉ da hñe̱me̱ göhtjo mbo ʉ́r tzi mʉyjʉ, guejquigö xpá mɛnqui car Tzi Ta ji̱tzi, cja̱ jin da jiɛh ca drí hñe̱me̱gui.― Ncjapʉ gá nda̱h car Jesús.

SAN MATEO 11:6 ပူးပေါင်းရင်းမြစ်များ

SAN MATEO 13:21

Como jin te i pøh quí dyʉ car semilla‑cá̱, jøndi bbʉ rá zö car tiempo, da te. Cʉ cja̱hni‑cʉ́, bbʉ to da ʉni o da göhmi por rá ngue cár palabra ca Ocja̱, nubbʉ, pé xní pöti cár mfe̱ni. Ya jin gui ne da dɛn cár palabra ca Ocja̱.

SAN MATEO 18:7

Da ndo sufri yʉ cja̱hni yʉ i bbʉjcua jar mundo, porque nde̱jma̱ i bbʉh cʉ to i jöti quí hñohui pa da dyøtijʉ ca rá nttzo. Nu ca Ocja̱ da ndo castiga cʉ cja̱hni cʉ i øti ncjapʉ.

SAN MATEO 24:10

Bbʉ xtu e̱h cʉ pa‑cʉ́, da wembigui rá ngu̱ cʉ cja̱hni cʉ mí tɛngui má̱hmɛto. Ya jin da hñe̱me̱gui. Mismo cʉ cja̱hni cʉ mí tɛnguijma̱ja̱, xta jiɛguigö, bbʉ́. Jønca̱ da contrahui cʉ pé ddáa cʉ i tɛnguitjo, da dödi quí hñohui cʉ mí yojma̱hui pa da ttʉni cja̱ da bböhti.

SAN MATEO 26:31

Diguebbʉ ya, car Jesús bi xih quí möxte: ―Göhtjoquiguɛjʉ gui ma gui jiɛjmʉ ca grí hñe̱me̱guijʉ, cja̱ gui wembiguijʉ rá nxu̱nya. Guehcá̱ xta ncja‑cá̱, como i ma̱n ca Ocja̱ pʉ jar Escritura: “Gu jɛh car mödi da bböhti, cja̱ da mfonti car tajo cʉ dɛjti.”

SAN MATEO 5:29

Eso, dí xihquijʉ, bbʉ i ne da jiöhqui que hner dö ca más i sirvequi, pa gui dyøti ca rá nttzo, nde̱jma̱ jin gui dyøte. Más di jogui güi jña̱hmi quer dö, güi dyɛy, ni ndra ngue bbʉ güi dyøti ca rá nttzo. Más bí jogui da bbɛh hner dö cja̱ gui cʉti pʉ jabʉ i bbʉh ca Ocja̱ ni ndra ngue bbʉ di zøti quer cuerpo cja̱ di ttɛntiqui pʉ jar tzibi ca jin gui jui̱ti.

SAN MARCOS 6:3

¿Cja jin gui gue nʉr yaxi‑nʉ́, nʉ́r ttʉ car María, nʉ́r cjua̱da̱ car Jacobo co car José co car Judas, co car Simón? ¿Cja jin gui bbʉjcua nʉm jñi̱nijʉ quí ncju̱ hne̱je̱? ¡Ngue! i bbʉjcua göhtjo‑cʉ.― Cʉ mi̱ngu̱ Nazaret mí ma̱jmʉ ncjapʉ, como jí̱ mí ne di hñe̱me̱jʉ, ¿cja güí hñe̱h ca Ocja̱ car Jesús?

SAN LUCAS 2:34

Car Simeón, bbʉ, pé bi nzoh ca Ocja̱, bi dyöjpi di bendeci car tzi ba̱jtzi cja̱ co cár ta hne̱h cár me. Diguebbʉ ya, bi nzoh car meba̱jtzi, car María, bi xifi, i̱na̱: ―Dyøjma̱ja̱, car Tzi Ta ji̱tzi xí hñi̱x na̱r ba̱jtzi‑na̱ pa da ba̱j yʉ cja̱hni israelita, guegue i cumpli ca i ma̱. Cja̱ bbʉ ya xtrú te na̱r ba̱jtzi, da ndo jmeya. Da guatijʉ cja̱hni drá ngu̱, cja̱ da hñe̱me̱ ca Ocja̱. Nu cʉ pé ddaa ya, da wembijʉ, jin da nejʉ. Da ncjapʉ drí fa̱di ja ncja ga mbe̱n yʉ cja̱hni mbo í mʉyjʉ. Da ndo sufri na̱r ba̱jtzi‑na̱, como drá ngu̱ cʉ cja̱hni cʉ da ʉhui cja̱ da zani. Hne̱hquiguɛ, como xta sufri nir ba̱jtzi, xquí ndo sufri hne̱je̱, ncjahmʉ da ntjojtiqui quer tzi mʉy co hnar cjuay.― Ncjapʉ gá ma̱n car Simeón.

SAN LUCAS 7:23

Cja̱ car Jesús pé bi xih quí jmandadero car Juan: ―Car Tzi Ta ji̱tzi da ndo bendeci car cja̱hni ca da hñemegui göhtjo mbo ʉ́r tzi mʉy, cja̱ jin da jiɛh ca drí hñemegui, guejcö dúr cja̱hni xpá bbɛnqui hua jar jöy.―

SAN JUAN 16:1

Cja̱ pé bi ma̱n car Jesús: ―Ya xtú xihquijʉ te da ncja, pa bbʉ xta ncja, jin da ga̱x ir mʉyjʉ, cja̱ jingui wembiguijʉ.

SAN JUAN 6:66

Bbʉ mí dyødejʉ yʉ palabra‑yʉ, rá ndo ngu̱ cʉ cja̱hni cʉ xquí dɛn car Jesús bi wenijʉ, ya jin gá ndɛnijʉ.

1 CORINTIOS 2:14

Car cja̱hni ca jin gui yojmi cár tzi Espíritu ca Ocja̱, jin gui ntiendebi quí mfe̱ni car Tzi Espíritu, cja̱ jin gui pa̱di ¿cja rí hñe̱h ca Ocja̱ cʉ mfe̱ni‑cʉ? I tjendi bbʉ i tsjijmʉ‑cʉ. Como jøña̱ cʉ cja̱hni cʉ i yojmi car Espíritu Santo i ntiende cʉ mfe̱ni cʉ rí hñe̱h ca Ocja̱.

GÁLATAS 5:11

Gui mbe̱nguɛjʉ tzʉ, cjua̱da̱, te tza i øjtigui tu̱jni cʉ judio. Nugö, bbʉ gua xij yʉ cja̱hni, i nesta da ncuajtibi yí cuerpojʉ ca hnar seña ca i ncuajtibi cʉ judio pa di ccʉhtzibijʉ ca rá nttzo ca i tu̱jʉ, nubbʉ, jin to di dyøjtigui tu̱jni bbʉ́. Pe nugö dí ma̱, jøntsjɛtjo ca gá ndu̱ car Jesucristo pʉ jar ponti, por rá nguehca̱, xí ngʉzquijʉ ca Ocja̱ ca ndí tu̱jpijʉ cja̱ ya xqui nú̱guijʉ rá zö. Nu cʉ judio i ndo ʉjʉ car palabra‑ca̱.

1 PEDRO 2:8

Guejtjo xí nzʉh ca pé hnar palabra ca i ma̱: I bbʉh cʉ dda cja̱hni cʉ da fehtzi car ndo me̱do‑ca̱ cja̱ da fʉntzi, Tzʉdi, cʉ ddaa cʉ jin da nejʉ cja̱ jin da hñe̱me̱jʉ ca hnam jmandadero ca gu pɛjnigö. Ncjapʉ ga ma̱n car Tzi Ta ji̱tzi. Guegue‑cʉ i tzanijʉ car Cristo, cja̱ jin gui ne da hñemejʉ ¿cja xcuá hñe̱ ji̱tzi‑cá̱? Pe ya má yabbʉ, ya xquí ma̱n car Tzi Ta ji̱tzi di hmʉh cʉ dda cja̱hni cʉ di ʉjʉ cár jmandadero guegue. Cja̱ nuya, ya xí nzʉdi ncja ngu̱ gá ma̱.