SAN MATEO 10:28 - Otomi

²⁸ Dyo guí tzu̱jʉ yʉ cja̱hni yʉ da möjtiquijʉ, como nucʉ́, jin gui tzö te da cjajpi quir tzi mʉyjʉ. Nu ca guí nesta gui tzu̱jʉ, gue ca hnáa ca i pɛhtzi ʉ́r ttzɛdi pa da dyɛntiquijʉ pʉ jar tzibi ca jin gui jui̱ti, pʉ jabʉ da bbɛh quer cuerpojʉ co hne̱h quir tzi mʉyjʉ.

SAN MATEO 10:28 ပူးပေါင်းရင်းမြစ်များ

SAN MATEO 10:26

Eso, dí xihquijʉ, jin gui tzu̱jʉ ca te da dyøjtiquijʉ yʉ cja̱hni, porque göhtjo ca i øtijʉ gá ntta̱gui tjojo, hnajpa da ni̱gui. Guejti cʉ cosa cʉ i øti yʉ cja̱hni pe jin gui fa̱j yʉ pa ya, hnajpa da ncca̱hti hne̱je̱.

SAN MATEO 25:46

Nugö, dí xihquijʉ, cʉ cja̱hni cʉ jí̱ xcá ne xcá möx cʉm hñohui, da cju̱h pʉ jabʉ jin gui tzö, cja da ttun cár castigojʉ, ni mpa jabʉ drí tzöya. Nu cʉ cja̱hni cʉ xí dyøtijʉ ncja ngu̱ ga ne ca Ocja̱, da ma pʉ jabʉ da ncja car nzajqui göhtjo ʉr tiempo.― Ncjapʉ gá ma̱n car Jesús.

SAN MATEO 5:22

Pe nugö dí xihquijʉ, car cja̱hni ca i tsjeyabitjo cár hñohui, guejti‑cá̱ da ttzix pʉ jar jujticia. Nu ca to da zán cár hñohui, da xifi ʉr dondo ca jin te i mu̱hui, guegue da ttɛm pʉ jabʉ i bbʉh cʉ autoridad pa da ttuni hnár castigo drá ngu̱. Cja̱ nu ca to da zán cár hñohui, da xifi nttzɛdi ʉr zu̱we̱, guejtsjɛ guegue rí ntzöhuí da cju̱h pʉ jar tzibi ca jin gui jui̱ti.

SAN JUAN 5:29

Göhtjo da nantzijʉ. Cʉ xí dyøti ca rá zö da ttun car nzajqui ca jin da tjegue. Nu cʉ xí dyøti ca rá nttzo da ttɛmbi cár castigojʉ, da cju̱h pʉ jabʉ da gu̱ti ca rá nttzo ca xí dyøtijʉ.

HECHOS 21:13

Nu car Pablo bi xijquije: ―¿Dyoca̱ guí zonijʉ? ¿Dyoca̱ guí ne gui cjaguijʉ gu du̱mʉy? Nugö, jin dí tzu̱ masque da hnu̱jtigui cja̱ da cjojqui pʉ Jerusalén. Jin dí tzu̱ masque xín gu tu̱gö por rá ngue cam Tzi Jmu̱jʉ Jesús.― Bi ma̱ ncjapʉ car Pablo.

HEBREOS 10:31

Rá nzɛdi ca Ocja̱, cja̱ rá nttzu̱jpi. Bbʉ to da ntøxtihui, rí ntzöhui da zu̱ car castigo ca da ttuni.

HEBREOS 11:35

Guejtjo mí bbʉh cʉ dda bbɛjña̱ cʉ bi hñeme ca Ocja̱ pa di xox quí ánimajʉ, macja̱ ya xquí du̱jʉ, cja̱ ca Ocja̱ bi xotzi. Cja̱ mí bbʉh cʉ pé dda cja̱hni rá ngu̱ cʉ mí ttʉni por rá nguehca̱ mír dɛnijʉ ca Ocja̱. Mí tsjijmʉ, bbʉ di jiɛjmʉ ca mír hñemejʉ ca Ocja̱, di tjɛgui di hmʉy, ya jin di ttʉnijʉ. Pe gueguejʉ jin gá ne gá jiɛjmʉ, hasta gá bböhtijʉ, como mí pa̱dijʉ, di recibijʉ hnar vida más rá zö bbʉ xta nantzi cʉ ánima.

SANTIAGO 4:12

Hnaatjo i bbʉy ca bi dyøti car ley cja̱ bi ddajquijʉ ca̱. Gue car Da̱nzöya ca i pɛhtzi cár ttzɛdi da ddajquijʉ cam nzajquijʉ o da jña̱guijʉ. Nuquiguɛ, jin gúr nzöyaguɛ pa gui cca̱htibi cár vida quer hñohui cja̱ gui xifi, ¿cja i zøjti ca i ma̱n car ley, cja huá ji̱na̱?

1 PEDRO 3:14

Xin di bbʉh hnar cja̱hni ca di dyøjtiquijʉ tu̱jni por rá nguehca̱ guír dyøtijʉ ca rá zö, nde̱jma̱ rí ntzöhui da jñu̱ ir mʉyjʉ, como da möxquijʉ ca Ocja̱. Dyo guí tzu̱jʉ cʉ cja̱hni‑cʉ, cja̱ dyo te guí mbe̱nijʉ.

APOCALIPSIS 2:10

Jin gui ma gui tzu̱jʉ car prueba ca da zʉhquijʉ. Dyøjma̱jʉ ya, ca Jin Gui Jo da dyɛnti pʉ jar födi cʉ ddaaquiguɛjʉ, cja̱ nucʉ́, da sufrijʉ pʉ, ddɛtta mpa. Da ncja‑ca̱, pa da ni̱gui, ntju̱mʉy xcú hñemeguijʉ. Gui segue gui hñemeguijʉ, masque xín dá bböjtiquijʉ, cja̱ xtá ddahqui quer tja̱ja̱jʉ, gue car nzajqui ca jin da tjegue.