SAN MATEO 10:27 - Otomi

²⁷ Guejti yʉm palabra yʉ dí xihquijʉ, hua jabʉ jin gui øh cʉ pé dda cja̱hni, bbʉ xta zʉh car tiempo, nuquɛjʉ, xquí ma̱jmʉ pʉ jabʉ göhtjo da dyøde. Cja̱ nʉr palabra nʉ dí xihquijʉ, jønquitsjɛjʉ dí xihquijʉ, xtu e̱h car pa bbʉ xtí majmʉ nzajqui nupʉ jabʉ da dyøde göhtjo cʉ cja̱hni.

SAN MATEO 10:27 ပူးပေါင်းရင်းမြစ်များ

SAN MATEO 24:17

Guejti car cja̱hni ca di bbʉh pʉ jár sotea cár ngu̱, da ga̱ nttzɛdi, pe jin da ñʉti pʉ́r ngu̱ pa da gʉjqui cʉ cosa cʉ ra bbʉh pʉ. Da wenga nttzɛdi.

SAN LUCAS 12:3

Hne̱hquiguɛjʉ, cʉ palabra cʉ xcú ma̱jmʉ pʉ jabʉ nguí i̱na̱jʉ, jin to már bbʉh pʉ, da dyøde göhtjo cʉ cja̱hni. Ca te xcú ma̱jmʉ pʉ jabʉ jin to di dyøde, da ndo fa̱di.

SAN LUCAS 8:10

Cja̱ guegue bi da̱di: ―Nuquɛjʉ, rí ntzöhui gui pa̱dijʉ ja ncja ga mandado ca Ocja̱. Eso, xtá xihquijʉ te i ne da ma̱n yʉ bbede gá comparación. Nu cʉ pé dda cja̱hni, jin gu xijmʉ te i ne da ma̱n yʉ bbede gá comparación. Guegue‑cʉ, bbʉ xta dyøh cʉ dí ma̱, da cjajʉ ncja ngu̱ ga ma̱m pʉ jar Escritura. Masque da cca̱htijʉ cʉ dí øte, pe jin da ba̱dijʉ ja i ncja. Masque da dyødejʉ cʉ dí ma̱ngö, pe jin da ba̱dijʉ te i ne da ma̱.

SAN JUAN 16:1

Cja̱ pé bi ma̱n car Jesús: ―Ya xtú xihquijʉ te da ncja, pa bbʉ xta ncja, jin da ga̱x ir mʉyjʉ, cja̱ jingui wembiguijʉ.

SAN JUAN 16:13

Bbʉ xtu e̱h car Espíritu Santo, guegue da u̱jtiquijʉ pé dda mfe̱ni cʉ ncjua̱ni, da xihquijʉ göhtjo ca jí̱ xtá xihquijʉ. Como guegue jin da xihquijʉ quí mfe̱nitsjɛjɛ. Da xihquijʉ göhtjo ca xpá xih cam Tzi Ta ji̱tzi. Guejtjo da xihquijʉ pé dda cosa cʉ i nesta da ncja.

SAN JUAN 16:25

Yʉ pa ya, xtú nzohquijʉ gá ejemplo. Cada bbʉ dí xihquijʉ ja i ncja ca Ocja̱, dí jɛquihui guegue tema cosa. Pe ya xpa e̱h car pa bbʉ ya jin gu ña̱ gá ejemplo bbʉ xtá nzohquijʉ. Nubbʉ, xtá xihquijʉ clarotjo, göhtjo ja i ncja cam Tzi Ta ji̱tzi.

SAN JUAN 16:29

Diguebbʉ quí möxte car Jesús bi ma̱jmʉ: ―Nuya, cja guí xijquije claro ter bɛh ca̱ gui ma gui dyøte. Ya jin te guí jɛqui gá ejemplo.

HECHOS 17:17

Guejtjo mí pa pʉ jár templo cʉ judio, mí nzoh quí mi̱nga̱‑judiojʉ cʉ mbá e̱jmʉ jar templo, cja̱ co cʉ gentile cʉ mí tzu̱jʉ ca Ocja̱ hne̱je̱. Guejtjo mí pa jar töy göhtjo ʉr pá, mí dyo pʉ, mí nzoh cʉ to má ntjɛhui pʉ, mí xijmʉ cár palabra ca Ocja̱.

HECHOS 5:20

―Mɛhui ya, cja̱ bbʉ xquí tzøtihui pʉ jar ndo templo, gui segue gui xijmi cʉ cja̱hni ja drí dötijʉ car nzajqui ca jin da tjegue.―

HECHOS 5:28

―Nugöje, sa xtú xihquijʉ ya jim pé güi u̱jtijʉ yʉ cja̱hni digue car Jesús. ¡Ndíguɛ ya! Ya xqui ndo fa̱jcua Jerusalén car religión ca guí u̱jtijʉ. Cja̱ jønca̱, pé guí ne gui jiøxquije guejcöje xtú pöhtije ca hnar hñøjø ca guí tɛnijʉ.― Bi huɛntihui ncjapʉ car da̱möcja̱.

2 CORINTIOS 3:12

Nugö dí xij yʉ cja̱hni ja i ncja nʉr ddadyo acuerdo nʉ bi ddajquijʉ car Jesucristo. Mí tzi tzö ca bbɛto ʉr acuerdo ca mí ma̱n car Moisés. Nu nʉr mensaje nʉ dá ja̱, más rá ndo zö‑nʉ, eso, dí xij yʉ cja̱hni göhtjo ja i ncja. Jin dí pɛhtzi ʉm tzö ca dár nzojmʉ, cja̱ jin te di cohmpijʉ.