SAN MARCOS 9:39 - Otomi

³⁹ Cja̱ bi ma̱n ya car Jesús: ―Jí̱ mír ntzöhui güi ccahtzijʉ, porque ca to i nømbigui cam tju̱ju̱ cja̱ por rá nguejquigö i øti milagro, jin gʉm contragö‑ca̱.

SAN MARCOS 9:39 ပူးပေါင်းရင်းမြစ်များ

SAN MARCOS 9:38

Diguebbʉ ya, bi ma̱n ca hnar möxte ca mí ju̱ cár tju̱ju̱ múr Juan, bi xih car Jesús: ―Nuquɛ, maestro, xtú ntjɛje hnar hñøjø, mí fongui ttzonda̱ji̱ cja̱ mí nømbiqui quer tzi tju̱ju̱. Nu car cja̱hni̱‑ca̱, jin gui tɛnguijʉ, eso dú ccahtzije, dú xijme di jiɛh ca mír dyøti‑cá̱.―

SAN MARCOS 9:40

Car cja̱hni ca jin gui contragui, i ne da möxquigö.

1 CORINTIOS 12:3

Nuya, gu xihquijʉ ja ncja grí meyajʉ hnar palabra ca rí hñe̱h car Espíritu Santo. Hnar cja̱hni ca di tzan car Jesucristo, jin gui yojmi car Tzi Espíritu Santo. Nu car cja̱hni ca di ma̱: “Dí ne gu tɛn car Jesucristo, como ʉ́r Ttʉ ca Ocja̱,” guegue i yojmi car Espíritu Santo, cja̱ rí hñe̱ guegue‑ca̱ nʉr palabra nʉ xí ma̱.

1 CORINTIOS 9:27

Jin dí jiøjqui nʉm cuerpo. Dí xöjpi da zɛjti rá ngu̱, pa da cjá ca dí bbɛjpi. Como ya xtú xij yʉ ddáa ja drí hmʉpjʉ pa da tzøh ca Ocja̱, jin di ne da ttzangui cam vida xtú hmʉy. Dí ne drá zö xcrú pɛjpi ca Ocja̱, pa da ttajqui cam tja̱ja̱.

FILIPENSES 1:18

Bbʉ i ma̱jqui cʉ cja̱hni cʉ i predica, o guejtjo bbʉ i ʉgui, nde̱jma̱ i xih cʉ pe ddáa digue car Cristo. Cja̱ nucá̱ i pöjpigui nʉm tzi mʉy. Cja̱ gu segue gu mpöjö,