SAN MARCOS 8:32 - Otomi

³² Car Jesús, rá zö gá xih quí möxte nʉr palabra‑nʉ, pa di ntiendejʉ. Cja̱ bbʉ mí dyøh car Pedro, mír ma̱n car Jesús mí nesta di bböhti, guegue bi zitzi, gá mɛtsjɛhui hnanguadi, cja̱ bi xifi: “¿Dyoca̱ guí ma̱ i nesta gui tu̱?” Ncjahmʉ bi huɛnti car Pedro, ca gá ma̱ ncjapʉ.

SAN MARCOS 8:32 ပူးပေါင်းရင်းမြစ်များ

SAN MATEO 16:22

Nu car Pedro, bbʉ mí dyøj nʉr palabra‑nʉ́, bi wejqui car Jesús, gá ma hnanguadi, cja̱ bi mʉdi bi nzofo. Bi xifi: ―Nuquiguɛ, Tzi Jmu̱, dyo guí ma̱nguɛ gui tu̱. Jin da jiɛqui car Tzi Ta ji̱tzi pa da bböjtiqui.―

SAN MARCOS 4:38

Nu car Jesús má a̱h pʉ jár xicji car barco, xquí göx cár ña̱ hnar ntju̱xiña̱. Quí amigo bi dyöjʉ cja̱ bi xijmʉ: ―¡Tzö ya, maestro! ¿Cja jin guí cja ndumʉy gu cja̱tije deje?―

SAN LUCAS 10:40

Eso, bi ndo ungui ʉr cuɛ car Marta, como már ngu̱ cár bbɛfi. Nubbʉ, bi guati pʉ jabʉ már ju̱ car Jesús, cja̱ bi xifi: ―Nuquɛ, Tzi Jmu̱, ¿cja jin guí cja ndu̱mʉy, xí nzogui hua nʉm cju̱juɛ, dí ddatsjɛ nʉr bbɛfi. Xih tzʉ da möxqui.―

SAN JUAN 10:24

Cja̱ bi guati cʉ dda quí jefe cʉ judio, bi hñi̱tjʉ madé car Jesús, bi dyönijʉ: ―¿Hasta ncjahmʉ gui cjaguije gu yomfe̱nije? Bbʉ guehquiguɛ gúr Cristo, bbʉ xtrú hñi̱xqui ca Ocja̱ pa gui mandadoguije, ex xca xijquije rá zö ya, pa gu pa̱dije.―

SAN JUAN 11:14

Nubbʉ, car Jesús bi xijmʉ clarotjojo: ―Ya xí ndu̱ car Lázaro.

SAN JUAN 16:25

Yʉ pa ya, xtú nzohquijʉ gá ejemplo. Cada bbʉ dí xihquijʉ ja i ncja ca Ocja̱, dí jɛquihui guegue tema cosa. Pe ya xpa e̱h car pa bbʉ ya jin gu ña̱ gá ejemplo bbʉ xtá nzohquijʉ. Nubbʉ, xtá xihquijʉ clarotjo, göhtjo ja i ncja cam Tzi Ta ji̱tzi.

SAN JUAN 16:29

Diguebbʉ quí möxte car Jesús bi ma̱jmʉ: ―Nuya, cja guí xijquije claro ter bɛh ca̱ gui ma gui dyøte. Ya jin te guí jɛqui gá ejemplo.

SAN JUAN 18:20

Car Jesús ya bi da̱di, i̱na̱: ―Rá ngu̱ vez ndí ña̱ pʉ jabʉ mí jmuntzi cja̱hni rá ngu̱. Segue ndí u̱jti cʉ cja̱hni pʉ jam ni̱cja̱jʉ, co hua jam templojʉ. Rá ngu̱ cʉ möcja̱ cja̱ co cʉ maestro cʉ i nxöh cam leyjʉ xí dyøde ter bɛh ca̱ dí ma̱. Jí̱ xtá ña̱gö gá ntta̱guitjo.