SAN MARCOS 7:34 - Otomi

³⁴ Bi nøhtzi ji̱tzi, bi gá̱htzi, cja̱ bi nzofo digue car jña̱ ca mí ña̱jʉ. Bi hñi̱mbi: ―¡Efata!― Na̱r palabra‑na̱ i ne da ma̱: ¡Da xoj yir gu̱!

SAN MARCOS 7:34 ပူးပေါင်းရင်းမြစ်များ

SAN MARCOS 1:41

Car Jesús bi jui̱jqui, bbʉ, bi tʉngui ʉ́r dyɛ́, bi dön car hñøjø, cja̱ bi xifi: ―Dyo ya ca̱. Gu joquiqui. Nuya, gui zö.―

SAN MARCOS 15:34

Cja̱ bbʉ mí zʉ jñu̱ nde, car Jesús bi mafi nzajqui, bi ma̱: ―Eloi, Eloi, ¿lama sabactani?― Na̱r palabra‑ná̱ i ne da ma̱: “Nuquiguɛ, ʉm Cjá̱a̱‑qui, dí nzohqui ya, ¿dyo ya‑ca̱ xcú jiɛguigui?”

SAN MARCOS 5:41

Diguebbʉ ya car Jesús bi zɛtibi cár dyɛ cja̱ bi nzofo gá hebreo, como guehca̱ mí ña̱ gueguejʉ‑cá̱. Bi xih car ba̱jtzi bbɛjña̱: ―Talita cumi.― Na̱r palabra‑na̱ i ne da ma̱: Nantzi ya chju̱.

SAN MARCOS 6:41

Diguebbʉ ya car Jesús bi pɛnti cʉ cʉtta tju̱jme̱ co cʉ yojo möy. Bi nøhtzi ji̱tzi, bi dyöjpi ca Ocja̱ di bendeci. Nubbʉ́, bi xɛjqui cʉ tju̱jme̱ cja̱ bi uni quí möxte pa di jejquibi cʉ cja̱hni, di zi‑cʉ́. Cja̱ bi ncjadipʉ cʉ yojo tzi möy, bi jejquibi göhtjo cʉ cja̱hni.

SAN MARCOS 7:35

Cja̱ nguetica̱ bi xoh quí gu̱ car cja̱hni, cja̱ bi joh cár cja̱jni hne̱je̱, bi ña̱ rá zö.

SAN MARCOS 8:12

Nu car Jesús bi ntzøte, bi ungui ʉr du̱mʉy, como mí pa̱di, jí̱ mí ne di hñeme cʉ fariseo. Cja̱ bi xijmʉ: ―Nuquɛjʉ, guí cja̱hnijʉ guí bbʉpjʉ yʉ pa ya, ¿dyoca̱ dé guí öjquijʉ gu øti milagro pa gui pa̱dijʉ, jabʉ xtá e̱jcö? Dí xihquijʉ ntju̱mʉy, jin tema milagro gu u̱jtiquijʉ pa gui pa̱dijʉ jabʉ xtá e̱je̱.―

SAN LUCAS 18:42

Car Jesús bi xifi: ―Janiguɛ ya bbʉ. Xcú hñe̱me̱gui, eso, xcú jogui.―

SAN LUCAS 19:41

Bbʉ ya xti zøti pʉ Jerusalén, car Jesús bi cca̱hti car ciudad cja̱ bi nzoni, como rá ngu̱ vez xquí nzoh cʉ cja̱hni pʉ. Pe nucʉ́, jí̱ mí ne di hñemejʉ.

SAN LUCAS 7:14

Cja̱ bi guati, bi göx cár dyɛ pʉ jar tabla pʉ jabʉ már ox car ba̱jtzi hñøjøtjo, cja̱ nu cʉ to mbá tu̱ ya, bi tzi døhmijʉ. Cja̱ guegue bi nzoh car ánima, bi xifi: ―Nuquɛ, ttʉ, dí xihqui, nantziguɛ ya.―

SAN JUAN 11:33

Nu car Jesús, bbʉ mí cca̱hti már zon car María cja̱ co cʉ judio cʉ xquí dɛnijʉ, nubbʉ bi ndo ungui du̱mʉy, bi ntzøte.

SAN JUAN 11:35

Nubbʉ, bi nzon car Jesús hne̱je̱.

SAN JUAN 11:38

Diguebbʉ ya, pé bi ndo ntzøti car Jesús, bi ma gá nguati car lugar pʉ jabʉ xquí ttöh car ánima. Múr cueva‑cá̱, xquí cjoti cár goxtji co hnar ndo me̱do.

SAN JUAN 11:41

Diguebbʉ ya bi gʉhtzijʉ car doo. Ma ya car Jesús bi nøhtzi jar ji̱tzi, bi nzoh ca Ocja̱, bi ma̱: ―ʉm Tzi Taqui, cjama̱di quer tzi jma̱jte, xcú dyøh ca xtú öhqui.

SAN JUAN 11:43

Mí guaj ya mí ma̱n yʉ palabra‑yʉ, cja̱ bi nzoh car Lázaro, bi mahti nzajqui, i̱na̱: ―Nuquɛ, Lázaro, bú pøj ya.―

SAN JUAN 17:1

Bbʉ mí guadi mí xih quí möxte yʉ palabra‑yʉ, car Jesús bi nøhtze jar ji̱tzi, cja̱ bi nzo Ocja̱, bi xifi: ―Nuquiguɛ, ʉm Tzi Taqui, ya xí nzøh car hora, ya xtrá ma gu tu̱. Gui föxqui tzʉ, pa da tti̱zquigö cja̱ da fa̱di ir Ttʉguigö. Guejtiquɛ, da tti̱zquiguɛ hne̱je̱ bbʉ xtá tu̱.

HECHOS 9:34

Nu car Pedro bi nzofo, bi xifi: ―Nuquiguɛ, Eneas, nuya xta joquiqui car Jesucristo ya. Bböj ya, gui tzoj ya quer mfi̱di,― bi hñi̱mbi. Cja̱ nguetica̱ bi bböy, ya xquí zö.

HECHOS 9:40

Car Pedro ya bi gu̱y gá ma tji göhtjo cʉ már bbʉh pʉ mbo, cja̱ guegue ya bi nda̱ndiña̱jmu̱, bi nzoh ca Ocja̱. Bbʉ mí guaj ya mí ora, bi bböti gá cca̱hti car ánima, bi nzofo, bi hñi̱mbi: ―Nuquɛ, Tabita, nantziguɛ ya.― Cja̱ guegue bi zøqui quí dö, bi cca̱hti car Pedro, cja̱ bi mi̱.

HEBREOS 4:15

Car tzi Jesús i bbö madé pa da möxquijʉ, cja̱ i jui̱guigöjʉ, porque i pa̱di jin gui nzɛjcöjʉ. Como guejtsjɛ guegue bú e̱je̱, hne̱ bi sufri göhtjo tema prueba, ncja ngu̱ cʉ dí tjoguijʉ, pe guegue jin te gá dyøti ca már nttzo.