SAN MARCOS 4:21 - Otomi

²¹ Diguebbʉ ya car Jesús pé bi xih quí möxte: ―¿Te i cjajpi yʉ cja̱hni hnar lámpara? ¿Cja i tjɛ pa da göti pʉ mbo hnar cajón o gue pʉ jöy car gama? Ji̱na̱, i tti̱x pʉ ña̱ pʉ jabʉ da yoti göhtjo nʉr ngu̱. Ncjapʉ hne̱je̱ yʉm palabra yʉ dí xihquijʉ.

SAN MARCOS 4:21 ပူးပေါင်းရင်းမြစ်များ

SAN MATEO 5:15

Bbʉ to i tzøqui hnar tzibi, jin gui cohmi co hnar cajón. I i̱x pʉ ña̱, pʉ jabʉ da yoti göhtjo cʉ cja̱hni pʉ mbo car ngu̱.

SAN LUCAS 11:33

Bbʉ to i tzøqui hnar tzibi, jin gui a̱gui, cja̱ jin gui cohmi hnar caja. I tti̱x car tzibi pʉ jabʉ rá nte, pa drí ni̱gui göhtjo cʉ to da ñʉti pʉ.

SAN LUCAS 8:16

Bbʉ to i tzøqui hnar tzibi, jin da gohmi, cja̱ jin da jiøh pʉ jöy car gama. Nde̱jma̱ja̱ da hñi̱x pʉ jabʉ rá nte, pʉ jabʉ da ni̱gui, pa drí yoti cʉ to da ñʉti pʉ.

1 CORINTIOS 12:7

Car Tzi Espíritu Santo xí nguajquijʉ cada hnaaguigöjʉ. Xí ttun ca xí ttun cár cargo cada hnaa, cja̱ co cár ttzɛdi guegue pa gu mföxjʉ gu zɛdijʉ.