SAN MARCOS 3:23 - Otomi

²³ Nu car Jesús bi dyøj nʉr palabra nʉ mí ma̱n cʉ maestro‑cʉ. Bi nzojmʉ cja̱ bi xijmʉ, jí̱ mí tzö ca mí mbe̱nijʉ. Bi nzofo gá bbede, bi xijmʉ ncjahua: ―¿Cja guí i̱na̱jʉ, car Satanás da ne da fongui cʉ pé dda nda̱ji̱ cʉ i mandadobi? Jin da ne.

SAN MARCOS 3:23 ပူးပေါင်းရင်းမြစ်များ

SAN MATEO 13:3

Diguebbʉ ya, car Jesús bi u̱jti cʉ cja̱hni, mí peh cʉ bbede gá ejemplo. Bi ma̱: ―Dyøjma̱jʉ nʉr bbede nʉ dí xihquijʉ. Xí mbøni hnar hñøjø du ponttɛy.

SAN MATEO 13:34

Car Jesús bi xih cʉ cja̱hni göhtjo yʉ palabra‑yʉ́ digue ja ncja ga mandado ca Ocja̱. Göhtjo bbʉ nguá u̱jti cʉ cja̱hni, mí xijmʉ tema bbede gá ejemplo. Jí̱ mí nzojtjo.

SAN MATEO 4:10

Nu car Jesús bi da̱di: ―Wembigui nttzɛdi, Satanás, porque i ma̱n ca Ocja̱ pʉ jar Escritura: “Ir Tzi Jmu̱ ca Ocja̱. Ddatsjɛ guegue gui nda̱ne cja̱ gui dyøjte.”―

SAN MARCOS 12:1

Diguebbʉ ya car Jesús pé bi mʉdi bi u̱jti cʉ cja̱hni, bi nzofo gá bbede. Bi ma̱: ―Mí bbʉh hnar hñøjø, bi jojqui hnár huerta gá uva, cja̱ bi hñi̱ti hnar cerca göhtjo jáy nttza̱ni. Bi dyøti hnar tanque pʉ jabʉ di ddi̱n cʉ uva, cja̱ bi jiøh hnar ntorre pa di tjanti car huerta. Diguebbʉ bi döjti car huerta cʉ dda mɛfi, cja̱ guegue bi ma yapʉ, pe hnar jöy.

SAN MARCOS 3:24

Bbʉ i bbʉh hnár gobierno hnar jñi̱ni, cja̱ göhtjo cʉ cja̱hni pʉ da ntu̱jnihui car gobierno, jin da dé car gobierno‑ca̱. Da mfongui.

SAN MARCOS 4:11

Cja̱ bi da̱h car Jesús: ―Nuquɛjʉ, xí ttahquijʉ ʉr tsjɛjqui gui pa̱dijʉ ja ncja ga mandado ca Ocja̱, como guehquɛjʉ xí juanquijʉ ca Ocja̱ pa da ttu̱jtiquijʉ ja i ncja. Nu cʉ pe dda cja̱hni, jin gui ttungui ʉr tsjɛjqui da ntiendejʉ ja ncja ga mandado guegue.

SAN MARCOS 4:2

Diguebbʉ ya, car Jesús bi mʉdi bi u̱jti cʉ cja̱hni cár palabra ca Ocja̱. Bi xijmʉ ejemplo rá ngu̱. Ncjapʉ gá nzofo. Bi xih cʉ cja̱hni: