SAN MARCOS 2:28 - Otomi28 Nugö dúr cja̱hni xpá bbɛnqui hua jar jöy, eso dí pɛhtzigö derecho gu mandado te da ttøti na̱r pa na̱ rá nttzu̱jpi.― အခန်းကိုကြည့်ပါ။ |
Diguebbʉ ya, guegue bi dyön cʉ fariseo cʉ már bbʉh pʉ: ―¿Ter bɛh ca̱ i tjɛguijʉ gu øtijʉ nʉr pa gá nttzöya? ¿Cja i tjɛguijʉ gu föxjʉ hnar cja̱hni? ¿Cja huá más bí jogui gu øhtibijʉ ca rá nttzo, jin gu föxijʉ? ¿Cja da jogui gu ta̱pijʉ cár vida, cja huá gu jɛguijʉ da du̱?― Nu cʉ fariseo, jin te gá nda̱dijʉ.
Car Tzi Ta ji̱tzi xí un cár cargo car Jesucristo pa da mandadobi göhtjo yʉ i cja hua jar jöy. Guejtjo ʉ́r Jmu̱ göhtjo yʉ cja̱hni yʉ i e̱me̱. Guegue i jñɛjmi nʉ́r ña̱ hnar cja̱hni, cja̱ nugöjʉ, ncjahmʉ dí cjajʉ cár cuerpo guegue. I nesta da yojmi nʉ́r ña̱ co nʉ́r cuerpo pa da hmʉh cár nzajqui hnar cja̱hni, cja̱ da hñá̱ni. Nugöjʉ, dí ncjagöjʉ pʉ hne̱je̱, dí mföxjʉ car Cristo, cja̱ dí yojmʉ‑cá̱, pa da ni̱gui hua jar mundo ja i ncja guegue. Guegue car Cristo i mandadobi göhtjo yʉ i cja hua jar mundo, cja̱ i ungui nzajqui. Guejtjo rí hñe̱h car Cristo car ddadyo nzajqui ca dí pɛhtzijʉ. Ca dár yojmʉ guegue, jin te i bbɛtiguijʉ.