SAN MARCOS 12:16 - Otomi

¹⁶ Cja̱ bú tja̱ hnar domi, bbʉ. Diguebbʉ ya car Jesús bi hñöni: ―¿To ʉ́r retrato na̱ i cuati hua, cja̱ to ʉ́r tju̱ju̱‑na̱?― Gueguejʉ ya bi xijmʉ: ―Í mɛjti car rey César.―

SAN MARCOS 12:16 ပူးပေါင်းရင်းမြစ်များ

SAN MARCOS 12:15

¿Cja gu cju̱tije, o ya jin gu cju̱tije?― Nu car Jesús bi ba̱di, már øhtibitjojʉ hnar trampa, cja̱ bi da̱h, bbʉ: ―¿Dyoca̱ guí øjtiguijʉ ntjöti? Bú ja̱nquijʉ hnar domi hua, pa gu cca̱htijʉ.―

SAN MARCOS 12:17

Bi da̱j ya car Jesús, bi xijmʉ: ―Gui unijʉ car rey yí mɛjti guegue, cja̱ guejti ca Ocja̱, gui unijʉ quí mɛjti‑ca̱ hne̱je̱.― Nu cʉ hñøjø‑cʉ, bbʉ mí dyøde ja ncja gá nda̱h car Jesús, bi ndo hño í mʉyjʉ, bbʉ.

2 TIMOTEO 2:19

Nu cʉ cja̱hni quí ba̱jtzi ca Ocja̱, i ntju̱mʉy‑cʉ. Jin da jiɛjmʉ car palabra ca cierto. I jñɛjmʉ hnar ngu̱ ca xí ttøhtibi cár cimiento gá me̱do. Car ngu̱‑ca̱, ncjahmʉ xí ncuajti hnar letrero pa drí fa̱di to ʉ́r mɛjti. Yʉ yojo texto yʉ xí ncuajti pʉ, i xijquijʉ ja ncja da jmeya quí ba̱jtzi ca Ocja̱. I ma̱ ncjahua ca hnar texto: “Ca Ocja̱ i pa̱di to cʉ cja̱hni quí ba̱jtzi guegue.” Cja̱ ca pé hnar palabra i ma̱: “Ca to i nzojtibi cár tju̱ju̱ cam Tzi Jmu̱jʉ, da jiɛgui göhtjo ca rá nttzo.”

APOCALIPSIS 3:12

Cja̱ pé i ma̱ ncjahua cár Tzi Espíritu ca Ocja̱: Nuquɛjʉ dí nzohquijʉ ya: Ca to da zɛdi, cja̱ da dɛnguigö hasta ʉ́r ga̱tzi, nugö gu i̱ti pʉ jár ngu̱ cam Tzi Ta ji̱tzi. Guegue drá nzɛdi ncja ngu̱ hnar columna cja̱ da hmʉbi ca Ocja̱ göhtjo ʉ́r vida. Car cja̱hni‑ca̱, gu ju̱htzibi jár de̱ jñu̱ cʉ tju̱ju̱, pa da ni̱gui to ʉ́r mɛjti hne̱ jabʉ ʉr mi̱ngu. Gu ju̱htzibi cár tju̱ju̱ cam Tzi Ta ji̱tzi, co hne̱h cár tju̱ju̱ car ddadyo jñini Jerusalén. Nu cá̱ du ca̱h pʉ ji̱tzi, pʉ jabʉ bí bbʉh ca Ocja̱. Guejtjo gu ju̱htzibi cam ddadyo tju̱ju̱gö.