SAN MARCOS 12:1 - Otomi

¹ Diguebbʉ ya car Jesús pé bi mʉdi bi u̱jti cʉ cja̱hni, bi nzofo gá bbede. Bi ma̱: ―Mí bbʉh hnar hñøjø, bi jojqui hnár huerta gá uva, cja̱ bi hñi̱ti hnar cerca göhtjo jáy nttza̱ni. Bi dyøti hnar tanque pʉ jabʉ di ddi̱n cʉ uva, cja̱ bi jiøh hnar ntorre pa di tjanti car huerta. Diguebbʉ bi döjti car huerta cʉ dda mɛfi, cja̱ guegue bi ma yapʉ, pe hnar jöy.

SAN MARCOS 12:1 ပူးပေါင်းရင်းမြစ်များ

SAN MATEO 13:3

Diguebbʉ ya, car Jesús bi u̱jti cʉ cja̱hni, mí peh cʉ bbede gá ejemplo. Bi ma̱: ―Dyøjma̱jʉ nʉr bbede nʉ dí xihquijʉ. Xí mbøni hnar hñøjø du ponttɛy.

SAN MATEO 21:28

Cja̱ pé bi ma̱n car Jesús, bi xih cʉ cja̱hni‑cʉ́: ―Gui dyøjma̱jʉ nʉr bbede nʉ gu xihquijʉ, cja̱ gui ntzohmijʉ te i ne da ma̱. Mí bbʉh hnar hñøjø, mí hñi̱ yojo quí ttʉ. Bbɛto bi má bú ña̱hui ca hnáa, bi xifi: “Nuquɛ, ttʉ, gui ma bú pɛh pʉ jam huerta rá pa ya.”

SAN MATEO 21:33

Cja̱ pé bi ma̱n car Jesús: ―Gui dyødejʉ nʉ pé hnar bbede gá ejemplo, hne̱je̱: Mí bbʉh hnar hñøjø, mí tjɛ jöy. Bi jojqui hnar huerta, bi hñi̱ti uva, bi goti co hnar cerca jáy nttza̱ni. Bi xi̱hmi hnar tanque pa di tjøti pʉ cʉ uva, di ddɛhmi. Guejtjo bi jiøh hnar ntorre pa di hmʉh pʉ car mɛfi ca di möh car huerta. Diguebbʉ ya, bi ma bú reglahui cʉ dda mɛfi pa di pɛjpi quí uva, cja̱ bbʉ ya xti dá̱‑cʉ, di döjʉ hna parte cʉ uva. Diguebbʉ ya car hñøjø ca múr mɛjti car huerta gá uva bi bøni, gá ma pé hnar jöy.

SAN MATEO 21:34

Cja̱ bbʉ mí zøh car tiempo pa di ddʉjqui cʉ uva, car hñøjø bú pɛjni cʉ dda muzo pʉ jabʉ már pɛh cʉ mɛfi. Bú pɛjni cʉ muzo di ma di dyöh cʉ uva cʉ mí tocabi guegue cja̱ pé drí du̱htzibi.

SAN MATEO 25:14

Diguebbʉ ya, car Jesús pé bi ma̱, i̱na̱: ―Gui dyødejʉ nʉ pé hnar bbede pa gui pa̱dijʉ ja ncja ga mandado ca Ocja̱. Mí bbʉh hnar hñøjø, múr rico. Mí ne di bøni di ma hnar jöy yapʉ. Bi nzoh quí muzo cja̱ bi döjti cár domi guegue pa di dyombi ʉ́r viaje.

SAN MARCOS 11:33

Eso, cʉ cja̱hni‑cʉ́ bi xih car Jesús: ―Jin dí pa̱dije jabʉ xcuí hñe̱h car cargo ca mí ja̱ car Juan.― Diguebbʉ ya, pé bi da̱jti car Jesús, bi xijmʉ: ―Hne̱quigö, jin gu xihquijʉ jabʉ xcuá hñe̱h cam cargo dí ja̱gö pa gu øti yʉ dí øte.―

SAN MARCOS 13:34

Nugö, xcuá hna e̱tjo, ncja hnar hñøjø ca ya xí mbøm pʉ́r ngu̱, xí ma yapʉ. Ante que di ma, bi döjti cár cargo cʉ muzo, cada hnaa cár bbɛfi. Guejtjo xí bbɛjpi car portero da mföh pʉ jar goxtji, xí xifi jin da a̱ja̱.

SAN MARCOS 3:23

Nu car Jesús bi dyøj nʉr palabra nʉ mí ma̱n cʉ maestro‑cʉ. Bi nzojmʉ cja̱ bi xijmʉ, jí̱ mí tzö ca mí mbe̱nijʉ. Bi nzofo gá bbede, bi xijmʉ ncjahua: ―¿Cja guí i̱na̱jʉ, car Satanás da ne da fongui cʉ pé dda nda̱ji̱ cʉ i mandadobi? Jin da ne.

SAN MARCOS 4:2

Diguebbʉ ya, car Jesús bi mʉdi bi u̱jti cʉ cja̱hni cár palabra ca Ocja̱. Bi xijmʉ ejemplo rá ngu̱. Ncjapʉ gá nzofo. Bi xih cʉ cja̱hni:

SAN LUCAS 15:13

Bbʉ ya xquí tjogui tengu̱ mpa, car ba̱jtzi hñøjø bi jmu̱ntzi quí mɛjti cja̱ bi bøni, gá ma hnar jöy yapʉ. Nupʉ́, bú ttzon cár domi pʉ, mí ndo øti mbaxcjua, jí̱ mí tzö cár vida.

SAN LUCAS 19:12

Como mí pa̱h car Jesús ja nguá mbe̱n‑cʉ, bi xih cʉ cja̱hni na̱r bbede‑ná̱, pa di ntiendejʉ, jí̱ bbe di mʉdi di mandado. Bi xijmʉ, i̱na̱: ―øde, mí bbʉh hnar hñøjø, mí ndo tti̱htzibi, cja̱ mí pɛhtzi cár cargo. Bi ttzofo pa di ma pé hnar jöy yapʉ, cja̱ di ttuni pé hnar cargo más drá ngu̱ ni ndra ngue ca mí pɛhtzi, cja̱ diguebbʉ ya, pé di goh pʉ, pé di mandadotjo.

SAN LUCAS 22:9

Gueguehui bi dyönihui: ―¿Jabʉ guehpʉ guí ne gu jojquigöbbe‑ca̱?―

SAN LUCAS 8:10

Cja̱ guegue bi da̱di: ―Nuquɛjʉ, rí ntzöhui gui pa̱dijʉ ja ncja ga mandado ca Ocja̱. Eso, xtá xihquijʉ te i ne da ma̱n yʉ bbede gá comparación. Nu cʉ pé dda cja̱hni, jin gu xijmʉ te i ne da ma̱n yʉ bbede gá comparación. Guegue‑cʉ, bbʉ xta dyøh cʉ dí ma̱, da cjajʉ ncja ngu̱ ga ma̱m pʉ jar Escritura. Masque da cca̱htijʉ cʉ dí øte, pe jin da ba̱dijʉ ja i ncja. Masque da dyødejʉ cʉ dí ma̱ngö, pe jin da ba̱dijʉ te i ne da ma̱.

HECHOS 7:38

Guegue car Moisés mí mandadobi göhtjo cʉ cja̱hni israelita bbʉ mí dyojʉ pʉ jabʉ jin te mí po deje. Guejtjo bi bøx pʉ jar ttøø Sinaí, cja̱ bbʉ mbí bbʉh pʉ, bú ca̱h hnar anxe, bi ña̱hui, bi un car ley ca xcuí hñe̱h ca Ocja̱. Cja̱ car Moisés pé bi xih cʉ ndom titajʉ ja mí ncja car ley‑cá̱. I ma̱m pʉ jar ley, ja ncja di hmʉj yʉ cja̱hni pa drí dɛn ca Ocja̱ cja̱ pa drí hmʉpjʉ rá zö.