SAN MARCOS 10:23 - Otomi

²³ Diguebbʉ ya, car Jesús bi jianti göhtjo cʉ már bbʉh pʉ, cja̱ bi xih quí möxte: ―Drá ndo ntji̱ pa gue yʉ rico da guati pʉ jár dyɛ ca Ocja̱ cja̱ drí jñɛgui pa da mandadobi.―

SAN MARCOS 10:23 ပူးပေါင်းရင်းမြစ်များ

SAN MATEO 18:3

cja̱ bi xijmʉ: ―Dyøjma̱jʉ nʉ dí xihquijʉ, i nesta gui pöti quir mfe̱nijʉ cja̱ gui ncjajʉ ncja ngu̱ hnar tzi ba̱jtzi. Bbʉ ji̱na̱, jin da jogui gui cuatijʉ pʉ jár dyɛ ca Ocja̱ pa da mandadoquijʉ.

SAN MARCOS 10:15

Cierto, dí xihquijʉ, ca to jin da guati jár dyɛ ca Ocja̱ pa da jñɛgui da mandadobi, ncja ngu̱ hnar tzi ba̱jtzi ga jñɛgui da hmɛjpi jmandado, jin da ñʉti guegue pʉ jabʉ i mandado ca Ocja̱.―

SAN MARCOS 10:22

Nu car ba̱jtzi hñøjø, mí dyøj na̱r palabra‑na̱, bi jmi̱du̱. Bi wembi car Jesús, bi ma, mí du̱mʉytjo, como már ndo ngu̱tsjɛ cʉ mí pɛhtzi.

SAN MARCOS 3:5

Diguebbʉ ya, car Jesús bi cca̱hti, nde̱jma̱ jí̱ mí ne cʉ fariseo di jiɛ guegue di möx car hñøjø‑ca̱, como jin te mí pɛhtzijʉ tti̱jqui. Eso, bi zøti ʉ́r mʉy cja̱ bi ungui ʉr dumʉy. Diguebbʉ ya bi xih car hñøjø: ―Tʉngui quer dyɛ.― Cja̱ car hñøjø bi tʉngui cár dyɛ, cja̱ bi hna jogui.

SAN MARCOS 5:32

Nu car Jesús bi bböti, bi cca̱hti göhtjo cʉ cja̱hni cʉ már bbʉh pʉ cerca, pa di ba̱di toca̱ xquí dyøhtibi‑ca̱, cja̱ bi cca̱hti car bbɛjña̱.

SAN LUCAS 18:24

Bi nú̱ ya‑ca̱ car Jesús, bi ma̱: ―Rá ndo ntji̱ pa drí ñʉti jár dyɛ ca Ocja̱ hnar rico.

SAN JUAN 3:5

Bi da̱j ya car Jesús, bbʉ: ―Cierto na̱ dí xihqui, ca to i ne da guati pʉ jár dyɛ ca Ocja̱ pa da mandadobi, i nesta da tsjitzi cor deje pa da ni̱gui, ya xqui ne da jiɛh ca rá nttzo. Guejtjo i nesta da yojmi car Espíritu Santo pa da mɛhtzi hnar ddadyo hmʉy.

1 CORINTIOS 1:26

Jiantijma̱jʉ, cjua̱da̱, diguequɛjʉ xcú hñe̱me̱jʉ nʉr evangelio, tzi yotjo i bbʉh cʉ i pa̱dijʉ rá ngu̱ digue yʉ i cjahua jar mundo. Tzi yotjo cʉ cja̱hni cʉ i pɛhtzijʉ hnar cargo rá zö. Tzi yotjo cʉ cja̱hni cʉ i tti̱htzibi cja̱ i tsjifi ntjumʉy. Nu cʉ pe ddaaquiguɛjʉ, guí cja̱hnitjojʉ, jin tza te guí pa̱dijʉ.

SANTIAGO 2:5

ʉm tzi hñohuiquijʉ, dyøjma̱jʉ tzʉ na̱r palabra na̱ gu xihquijʉ: Cam Tzi Tajʉ ji̱tzi xí juajni cʉ tzi probe hua jar mundo pa da cjajpi í mɛjti, cja̱ bí janti‑cʉ ncja rico, como nucʉ́ i ndo tɛnijʉ ca Ocja̱. Guejtjo xí juajni cʉ tzi probe pa da ttuni hnar herencia rá tzi zö, bbʉ xta ñʉtijʉ pʉ jabʉ i mandado guegue, como guehca̱ xí prometebi cʉ cja̱hni cʉ i jonijʉ ca Ocja̱.

SANTIAGO 4:4

¡Guí jiöjtejʉ! Jin te ntjumʉy ca guír jionijʉ ca Ocja̱. ¿Cja jí̱ bbe guí pa̱dijʉ? car cja̱hni ca rí ma ʉ́r mʉy yʉ cosa yʉ i bbʉjcua jar mundo, jin gui tzö da dɛn ca Ocja̱. Nucá̱, xí cja ʉ́r contra ca Ocja̱. Como yʉ to i jon yí mɛjti nʉr mundo, ya jin gui jon ca Ocja̱, cja̱ jin gui johui.

2 PEDRO 1:11

Bbʉ gui hmʉpjʉ ncjapʉ, nubbʉ, jin da nesta gui yomfe̱nijʉ, ¿cja gui tzønijʉ nʉ ji̱tzi, huá ji̱na̱? Nubbʉ, xquí pa̱dijʉ, da xogui rá zö cʉ goxtji pa gui cʉtijʉ pʉ jabʉ bí bbʉh cam Tzi Jmu̱jʉ Jesucristo. Guegue i mandado pʉ göhtjo ʉr tiempo, cja̱ xí ddajquijʉ nʉr ddadyo hmʉy nʉ dí pɛhtzijʉ ya.