SAN LUCAS 8:24 - Otomi

²⁴ Bbʉ mí nu̱jʉ quí amigo car Jesús te mí ncja, bi nzojmʉ car Jesús, bi hñi̱mbijʉ: ―Nuquɛ maestro, ya xqui ne da ñʉj nʉr barco. Ya xtá cjá̱tije deje.― Nubbʉ́, bi zö car Jesús, cja̱ bi huɛnti car nda̱ji co car deje, cja̱ bi tzöya ca mír mföhtzi car deje.

SAN LUCAS 8:24 ပူးပေါင်းရင်းမြစ်များ

SAN MATEO 14:30

Bbʉ mí zö car Pedro már nzɛh car nda̱ji̱, bi ndo zu̱ bbʉ́, xní ñʉ jar deje. Bi mafi, bi mahti car Jesús, i̱na̱: ―Nuquɛ, Tzi Jmu̱, cjʉxqui tzʉ ya, porque xtá cʉy.―

SAN MATEO 8:25

Cja̱ quí amigo car Jesús bi dyö, bi xijmʉ, i̱mbijʉ: ―Nuquiguɛ, Tzi Jmu̱, gui na̱ntza̱ nttzɛdi, gui cjʉxquije, porque ya xtá cjá̱tije deje, exque ya xtá tu̱je hua.―

SAN MARCOS 4:39

Mí dyøj ya‑cá̱, car Jesús bi nantzi, bi huɛhti car nda̱ji̱ cja̱ bi xih car deje: ―¡Jui̱gui̱, dyo guí hñá̱ni!― Cja̱ bi hna tzöya car nda̱ji̱, bbʉ́. Bi jui̱ nttzɛdi car nda̱ji̱ co car deje.

SAN LUCAS 4:35

Nu car Jesús bi huɛnti car ttzonda̱ji̱, bi xifi: ―Nuya, gui jui̱j ya, cja̱ gui wembi nʉr cja̱hni‑nʉ.― Nubbʉ, cár nda̱ji̱ ca Jin Gui Jo bi dɛjni car hñøjø pʉ jár madé cʉ cja̱hni már bbʉh pʉ, cja̱ bi wembi. Pe car hñøjø, jin te gá cjajpi, bi jogui rá zö‑cá̱.

SAN LUCAS 4:39

Nu car Jesús, bbʉ, bi guati pʉ jabʉ már bbɛn car bbɛjña̱, cja̱ bi mandado pa di wen car jñi̱ni ca már tzöhui. Bi wen car jñi̱ni, bbʉ, cja̱ exque bi joh car bbɛjña̱. Bi nantzi, bi wi̱n car Jesús cja̱ co quí amigo cʉ mí yojmi.

SAN LUCAS 5:5

Bi da̱h car Simón, bi xifi: ―Nuquɛ, Maestro, ya xtú pɛjme, xtú jaxje hua má̱nxu̱y, cja̱ jin te xtá tzʉdije cʉ möy. Pe nuya gu pøti nʉr hmamöy, porque guehquɛ guí ma̱.―

SAN LUCAS 8:25

Cja̱ guegue bi dyön‑cʉ́: ―¿Dyoca̱ jí̱ xcú hñe̱me̱jʉ ca Ocja̱?― Nu gueguejʉ bi ndo ntzu̱jʉ cja̱ bi ndo hño í mʉyjʉ. Bi hñöntsjɛjʉ: ―¿To nʉr hñøjø‑nʉ́? Hasta nʉr nda̱ji̱ cja̱ co nʉr deje, xí nzoj‑nʉ cja̱ nuyʉ́ xí dyøjti‑yʉ́.―