SAN LUCAS 7:13 - Otomi

¹³ Car Jesús ya, bbʉ mí ntjɛhui cár me car ánima, bi jui̱jqui, cja̱ bi xifi: ―Dyo guí zoni.―

SAN LUCAS 7:13 ပူးပေါင်းရင်းမြစ်များ

SAN MARCOS 8:2

―Dí jui̱jquigö yʉ cja̱hni rá ngu̱ yʉ xí ndɛngui. Ya xí nzʉ jñu̱jpa xí ndøhmi ya, cja̱ jin te i pɛhtzi pa da zijʉ.

SAN LUCAS 10:1

Car Tzi Ta Jesús pé bi nzo setenta hñøjø cʉ mí yojmi, cja̱ bi hñi̱tzi pa di mötzi. Bi juejque gá yojo, bi gu̱h‑cʉ́ drí möjmʉ cʉ tzi jñi̱ni, di xijmʉ cʉ cja̱hni car tzi ddadyo jña̱. Di hmɛto‑cʉ́, cja̱ guegue ya di hmɛfa.

SAN LUCAS 11:1

Hna vez, car Jesús már bbʉh hnar lugar, már nzoh cár Tzi Ta gá oración. Bbʉ mí guaj ya, bi ma̱ngui hnaa quí möxte, bi xifi, i̱mbi: ―Nuquiguɛ, Tzi Jmu̱, gui u̱jtiguije tzʉ ja dá nzojme car Tzi Ta ji̱tzi, ncja ngu̱ car Juan bi u̱jti cʉ cja̱hni cʉ i tɛni guegue ja drí nzoh car Tzi Ta.―

SAN LUCAS 11:39

Nu cam Tzi Jmu̱jʉ ya, bi xifi: ―Nuquiguɛjʉ, guí fariseojʉ, guí ndo xʉtijʉ rá zö yʉ xaro co yʉ moji pa jin da contiqui quir tzi mʉyjʉ ca rá nttzo ca di tu̱‑yʉ́. Pe nuquɛjʉ, pʉ mbo ir mʉyjʉ, rá nttzoquiguɛjʉ, como guí ttzodyojʉ, guí já̱mbijʉ quí domi quir mi̱nga̱‑cja̱hnijʉ.

SAN LUCAS 12:42

Car Tzi Ta Jesús bi ma̱n ya bbʉ: ―Dí nzofo göhtjo yʉ i ntju̱mʉy da dɛngui. Guegue‑yʉ da jñɛjmʉ car mayordomo ca bi ttzogui pa di jianti cʉ pé dda mɛfi cʉ mí pɛjpi cár jmu̱, cja̱ pa di un car jñu̱ni ca mí tocabijʉ. Car mɛfi‑ca̱, i ndo pa̱di rá zö cár bbɛfi, cja̱ i øte göhtjo ca i ma̱n cár jmu̱.

SAN LUCAS 13:15

Nu car Tzi Ta Jesús bi da̱di, bi hñi̱mbi: ―Nuquiguɛjʉ, rá ndo ntjötiquiguɛjʉ. Guí göhtjojʉ, ¿cja jin guí tzijtijʉ deje quir nda̱nijʉ cja̱ co quir burrojʉ nʉr pa nsábado? Guí jui̱jquitjojʉ quir zu̱we̱jʉ rá pa ya. Xigö ya, ¿cja jin gui tzö ca dár jui̱jqui yʉ döhtji rá pa ya hne̱je̱?

SAN LUCAS 17:5

Bi guaj ya car Jesús, bi ma̱n yʉ palabra‑yʉ. Diguebbʉ ya cʉ doce quí möxte cʉ xquí tti̱tzi gá apóstole bi xijmʉ: ―Gui föxquije tzʉ, pa gu zɛdije ca dár e̱me̱je car Tzi Ta ji̱tzi.―

SAN LUCAS 17:6

Car Jesús bi da̱h, bbʉ: ―Hnár tzi ndö ʉr murtaza, nttzɛditjo chi tchʉ‑ca̱. Pe bbʉ xta bøtze, nde̱jma̱ da te cár planta, da zɛdi. Hne̱hquiguɛjʉ, ya xquí tzi e̱me̱jʉ ca Ocja̱, hne̱je̱, masque cja guí nxödijʉ gui hñe̱me̱jʉ. Pe bbʉ güi dyøtijʉ ʉr prueba co ca tengu̱tjo ca ya xcú hñe̱me̱jʉ, di jogui güi bbɛjpijʉ nʉr ndo za nʉ rá jø‑nʉ, di ccʉhtzi di ma drí tti̱ti nʉ jar mar, cja̱ di ncjapʉ.―

SAN LUCAS 18:6

Nu car Jesús bi xih quí möxte: ―Gui mbe̱nijʉ ter bɛh ca̱ bi dyøti car nzöya már nttzo. Nde̱jma̱ bi dyøhtibi jujticia car ddanxu̱.

SAN LUCAS 19:8

Nu car Zaqueo, bbʉ ya xquí ña̱hui car Jesús, bi bböy, bi xifi: ―Nuquɛ Tzi Jmu̱, nu̱jma̱ja̱, car madé göhtjo cʉ dí pɛhtzi gu jejquibi cʉ tzi probe, cja̱ bbʉ to xcrú cobrabi rá ngu̱ cár domi, xcrú øhtibi ntjöti, gu cohtzibi hnar go vez ca xcrú ja̱mbi.―

SAN LUCAS 22:61

Nu car Tzi Jesús, bi bböti pʉ jabʉ már bböy, bi jianti car Pedro. Nubbʉ́, bi mbe̱n car Pedro te xquí ma̱n car Jesús bbʉ mí xifi: “Ante que da mah car ndøxca, xquí cønguigö jñu̱ vez.”

SAN LUCAS 24:3

Bi ñʉtijʉ jar cueva ya, pe jin gá ndötijʉ cár cuerpo car Tzi Jesús.

SAN LUCAS 24:34

Nu cʉ once apóstole, bbʉ mí dyødejʉ, bi ma̱jmʉ: ―Cierto, xí jña̱ ʉ́r jña̱ cam Tzi Jmu̱jʉ como guejti nʉr Simón xpá ntjɛhui cja̱ xí xijquije.―

SAN LUCAS 7:12

Cja̱ bbʉ ya xi mír ma di ñʉti jar jñi̱ni, bi jianti hnar ánima, ya xi mbá hnu̱ du ttögui. Car hñøjø ca xquí du̱, mí ddatsjɛ múr ttʉ cár me, cja̱ nuca̱ múr ddanxu̱. Cja̱ mbá hñojʉ cár me car añima pé dda cja̱hni rá ngu̱.

SAN LUCAS 7:14

Cja̱ bi guati, bi göx cár dyɛ pʉ jar tabla pʉ jabʉ már ox car ba̱jtzi hñøjøtjo, cja̱ nu cʉ to mbá tu̱ ya, bi tzi døhmijʉ. Cja̱ guegue bi nzoh car ánima, bi xifi: ―Nuquɛ, ttʉ, dí xihqui, nantziguɛ ya.―

SAN LUCAS 7:19

Bi gu̱jmi drí ma pʉ jabʉ már bbʉh car Jesús pa di dyönihui, ¿cja mí gue car Cristo ca di hñe̱cua jar jöy, cja huá mí nesta di døhmijʉ hnahño ʉr cja̱hni?

SAN LUCAS 8:52

Cʉ cja̱hni cʉ xquí jmu̱ntzi pʉ, már ndo zonijʉ, como mí ndo jui̱jquijʉ car ba̱jtzi ca ya xquí du̱. Pe guegue car Jesús bi ma̱: ―Dyo guí zonijʉ. Jin gui tu̱ nʉr ba̱jtzi. Xí a̱tjo.― Bi ma̱ ncjapʉ car Jesús, como guegue ya xti cjajpi di jña̱ ʉ́r jña̱.

SAN JUAN 11:2

Car María, cár ncju̱ car Lázaro, guegue xquí xihtzibi perfume jáy hua car Tzi Tada Jesús, cja̱ xquí du̱jquibi co ni quí xta̱.

SAN JUAN 11:3

Bbʉ mí jñin car Lázaro, cʉ yojo quí ncju̱ bú pɛjnihui ʉr jña̱ pʉ jabʉ már bbʉh car Jesús, bi xijmi: ―Nuquɛ, ʉm Tzi Jmu̱quije, i jñin quer amigo, car Lázaro.―

SAN JUAN 20:13

Guegue cʉ anxe bi xijmi car María: ―Nuquɛ, na̱na̱, ¿dyoca̱ guí zoni?― Cja̱ bi da̱h car María: ―Porque xí hnu̱htzibi cár cuerpo ca ndom Tzi Jmu̱je, cja̱ jin dí pa̱di jabʉ xí cjöti.―

SAN JUAN 20:15

Ma ya, car Jesús pé bi dyön car María: ―Nuquiguɛ, na̱na̱, ¿dyoca̱ guí zoni? ¿Toca̱ guí joni?― Nu car María bi mbe̱ni má̱s mí gue car hñøjø ca mí föh car huerta, cja̱ bi da̱di: ―Nuquɛ, tada, bbʉ guehquiguɛ xcú tu̱x cam tzi ánimaje, gui xijqui tzʉ jabʉ xcú cöti, cja̱ nugö gu ma tu̱.―

SAN JUAN 4:1

Diguebbʉ ya, cʉ fariseo bi dyødejʉ car jña̱, ya xi mbá ndo hñɛdi cʉ cja̱hni, mbá cuatijʉ car Jesús, cja̱ nuca̱, mí xitzi. Guegue car Jesús, cja̱ co car Juan már bbʉh pʉ jar estado Judea, hnanguadi car da̱tje Jordán. Más már ngu̱ cʉ cja̱hni cʉ mí tɛn car Jesús ni ndra ngue cʉ mí tɛn car Juan.

SAN JUAN 6:23

Nu car xudi‑ca̱, pé bi zøjø pé dda tzi barco pʉ jabʉ már bbʉh cʉ cja̱hni. Cʉ tzi barco‑cʉ́, xcuí hñe̱j nʉ jar jñini Tiberias, bi zøh pʉ cerca pʉ jabʉ xquí hmʉh car Jesús ca hnajpa ca xquí tjogui, guehpʉ jabʉ xquí dyöjpi mpöjcje car Tzi Ta ji̱tzi por rá ngue cʉ tju̱jme̱, cja̱ xquí ún car ndo jmundo cʉ cja̱hni.

1 CORINTIOS 7:30

O bbʉ xí ndu̱ hner ánimajʉ, dyo guí ndo mbe̱nijʉ. Guejtjo bbʉ guí ndo bbʉy rá zö, cjuá guí mpöjö, gui mbe̱ni, xta tjojtjo göhtjo yʉ i cja. Cja̱ bbʉ te xcú töy, dyo guí ndo ne ca̱.

1 TESALONICENSES 4:13

Guejtjo hne̱je̱, ʉm cjua̱da̱quijʉ, dí neje pa gui pa̱dijʉ ja xcá ncja cʉ hermano cʉ xí ndu̱, pa jin gui du̱mʉyjʉ ncja cʉ ddaa cʉ jin gui e̱me̱jʉ car Jesucristo, como nucʉ, jin gui tøhmi pé drí ntjɛhui quí ánimajʉ bbʉ pé xtu e̱h cam Tzi Jmu̱jʉ.

HEBREOS 2:17

Eso, mí nesta cár Ttʉ ca Ocja̱ di cja ncjaguigöjʉ, pa dʉm hñogöjʉ guegue. Bi cja ʉr cja̱hni, bbʉ, cja̱ ncjapʉ bi jogui pa gá möxcöjʉ, como nuya i cuati ca Ocja̱ por rá nguejcöjʉ. Como guejti guegue car Jesucristo ʉr cja̱hni, i pa̱di göhtjo ja dí ncjajʉ, cja̱ i jui̱guigöjʉ. Guegue bi jñɛgui bi bböhti ncja hnar tzi dɛti, cja̱ cár cji bi jña̱htibi ca Ocja̱. Bi ncjapʉ gá ngu̱ti cʉ rá nttzo cʉ xtá øtijʉ cja̱ nuya i coji por rá nguejcöjʉ.

HEBREOS 4:15

Car tzi Jesús i bbö madé pa da möxquijʉ, cja̱ i jui̱guigöjʉ, porque i pa̱di jin gui nzɛjcöjʉ. Como guejtsjɛ guegue bú e̱je̱, hne̱ bi sufri göhtjo tema prueba, ncja ngu̱ cʉ dí tjoguijʉ, pe guegue jin te gá dyøti ca már nttzo.