SAN LUCAS 24:39 - Otomi

³⁹ Cca̱htijma̱jʉ yʉm dyɛ co yʉm hua. Tjönguijʉ pa gui pa̱dijʉ, ¿cja guejquigö? Bbʉ gur nda̱jitjogö, jin te di bbʉj yʉm ndodyo, ni ndra ngue nʉm ngø.―

SAN LUCAS 24:39 ပူးပေါင်းရင်းမြစ်များ

SAN LUCAS 23:46

Nubbʉ, car Jesús bi hna mafi nzajqui, bi ma̱: ―Nuquɛ, Tzi Ta, dí döhqui jer tzi dyɛ nʉm tzi mʉy, gui cuajti ya.― Xní ma̱ ncjapʉ, xní bøn cár tzi mʉy, xní du̱, bbʉ.

SAN LUCAS 24:38

Nu car Jesús pé bi ma̱m, bbʉ: ―¿Dyoca̱ guí ntzu̱jʉ? ¿Dyoca̱ cjuá guí yomfe̱nijʉ, toguigö?

SAN LUCAS 24:40

Nubbʉ́, bi u̱jti quí dyɛ, co quí hua, pʉ jabʉ xquí ntjohtibi bbʉ mí ddøti jar ponti.

SAN JUAN 20:20

Bbʉ xquí ma̱ ncjanʉ car Jesús, bi tʉngui quí dyɛ cja̱ bi xohtzi cár bbøtze, bi u̱jti‑cʉ. Cja̱ bi cca̱hti quí möxte, bi meyajʉ car Tzi Ta Jesús. Nubbʉ, bi ndo mpöjmʉ bbʉ.

SAN JUAN 20:25

Eso, cʉ pé dda möxte bi xijmʉ car Tomás bbʉ mí ntjɛjʉ: ―Xtú cca̱htije cam Tzi Jmu̱jʉ Jesús. Ya xí jña̱ ʉ́r jña̱.― Nu car Tomás ya bi da̱di: ―Nugö, i nesta gu cca̱htibi quí dyɛ cja̱ co cár bbøtze, pa gu fojti nʉm xö pʉ jabʉ bi ntjohtibi. Cja̱ bbʉ ji̱na̱, jin gu e̱me̱gö, ¿cja xtrú jña̱ ʉ́r jña̱ guegue?―

SAN JUAN 20:27

Ma ya bi nzoh car Tomás, bi xifi: ―Nuquiguɛ, Tomás, gui cca̱hti ya yʉm dyɛ, cja̱ gui fohtzi quer xö hua jabʉ bi ntjojtigui. Gui jiɛj ya ca guír yomfe̱ni, ¿cja cierto xtú jña̱ ʉm jña̱gö? Gui hñemegui ya.―

HECHOS 1:3

Cʉ once hñøjø‑cʉ́, ya xi mí pa̱dijʉ, cierto xquí nantzi car Jesús. Guegue‑ca̱ bi du̱ cja̱ pé bi jña̱ ʉ́r jña̱, cja̱ diguebbʉ ya bi ni̱gui rá ngu̱ vez pʉ jabʉ mí jmu̱ntzi quí möxte. Desde car pa bbʉ mí nantzi hasta car pá bbʉ mí ttzix pʉ jar ji̱tzi, mí zʉh car cuarenta día. Cʉ pa‑cʉ́, car Jesús ya jí̱ mí hñohui quí möxte göhtjo ʉr tiempo. Cjaatjo mír ni̱gui pʉ jabʉ már bbʉh‑cʉ́, mí nzojmʉ, mí xijmʉ, por rá ngue guegue, ya xquí mʉdi xquí mandado ca Ocja̱ hua jar jöy. Cja̱ mí xijmʉ göhtjo ja i ncja cár jmandado‑cá̱.

1 TESALONICENSES 5:23

Cam Tzi Tajʉ pʉ ji̱tzi da jñu̱jtiqui ir tzi mʉyjʉ cja̱ da möxquijʉ pa drá zö grí hmʉpjʉ. Dí öjpi guegue da möxquijʉ pa jin gui dyøtijʉ ca rá nttzo, cja̱ pa da mɛzquijʉ jár tzi dyɛ, tanto quir cuerpojʉ, tanto quir tzi mʉyjʉ. Nubbʉ́, da döhquijʉ limpio cam Tzi Jmu̱jʉ Jesucristo bbʉ xtu e̱je̱.

HEBREOS 12:9

Bbʉ ndí ba̱jtzigöjʉ, mí castigaguijʉ cʉm tajʉ hua jar jöy, cja̱ ndí øjtijʉ‑cʉ. Hni̱xjma̱ja̱ ca Ocja̱, cam Tzi Tajʉ pʉ ji̱tzi, ¿dyoca̱ jin gu ju̱hpijʉ ndumʉy car castigo ca i ddajcöjʉ pa ncjapʉ grá hmʉpjʉ rá zö, cja̱ grá mpöjmʉ guegue.

1 JUAN 1:1

Bbʉ jí̱ bbe mí ttøti nʉr mundo, ya xi mí bbʉ ca hnáa ca dí e̱me̱jʉ. Guegue i tsjifi ʉr Jña̱, cja̱ i ddajquijʉ car nzajqui ca rí hñe̱ ji̱tzi. Nuya, gu ju̱xcua ca dú ødeje cja̱ dú cca̱htije bbʉ mí bbʉjcua jar jöy guegue. Nugöje ndí cca̱htitsjɛje cja̱ ndí ødeje bbʉ mí ña̱. Guejtjo ndí tjömbije cár cuerpo co yʉm dyɛje, como ndí yojme guegue.