SAN LUCAS 24:25 - Otomi

²⁵ Diguebbʉ ya bi ma̱n car Jesús, bi hñi̱mbi: ―Guí hmɛditjojʉ, rá ndo me̱ quir mʉyjʉ. ¿Cja jin guí ntiendejʉ te i ne da ma̱n car Escritura? ¿Ncjahmʉ gui hñemejʉ ca bi ma̱n quí jmandadero ca Ocja̱?

SAN LUCAS 24:25 ပူးပေါင်းရင်းမြစ်များ

SAN MATEO 26:24

Nuya, ya xní ma da bböjtigui, ncja ngu̱ ga ma̱m pʉ jar Escritura, pʉ jabʉ i ma̱ te di ncjajpi car cja̱hni ca di bbɛjni hua jar jöy. Nu car hñøjø ca da döguigö, da ndo ncastiga guegue‑cá̱. Más di joh bbʉ jí̱ xtrú hmʉy.―

SAN MARCOS 16:14

Gá nga̱x ya, car Jesús pé bi ni̱gui pʉ jabʉ már bbʉh cʉ once quí möxte, már ju̱jʉ jar mexa. Cja̱ car Jesús bi huɛnti, como jí̱ mí ne di hñe̱me̱jʉ ¿cja cierto xquí jña̱ ʉ́r jña̱ guegue? Bi xifi már ndo me̱ quí mʉyjʉ. ¿Dyoca̱ jí̱ xquí ne xquí hñe̱me̱jʉ cʉ ddaa cʉ xquí cca̱htijʉ guegue bbʉ ya xquí jná̱ ʉ́r jña̱?

SAN MARCOS 7:18

Bi da̱j ya car Jesús, bbʉ́: ―Xiquiguɛjʉ, ¿cja guí ncjajʉ ncja cʉ pé dda cja̱hni hne̱je̱? ¿Cja jin guí pa̱dijʉ te i ne da ma̱n car palabra‑ca̱? Göhtjo yʉ te i ttzi, jin gui tzö da contiguijʉ yʉm tzi mʉyjʉ,

SAN MARCOS 9:19

Diguebbʉ ya bi da̱h car Jesús, bi xih cʉ cja̱hni: ―Nuquiguɛjʉ, ¿dyoca̱ jin guí e̱me̱jʉ, rá nzɛh ca Ocja̱ pa da möxquijʉ? Ya xná ngu̱ tiempo xtú hmʉpjʉ. ¿Cja jim be guí e̱me̱jʉ? Ya jin gu tzɛjti ca guí cjaguijʉ. Bú tzijʉ hua car ba̱jtzi ya.―

SAN LUCAS 24:24

Nu cʉ dda ʉm hñohuije cʉ bi tsjifi ncjapʉ, xí möjmʉ jar cueva hne̱je̱, xpá cca̱htijʉ ncja ngu̱ xcá ma̱n cʉ bbɛjña̱, ya xi mí u̱jtjo cár cuerpo pʉ. Pe jí̱ xcá ntjɛjʉ car Jesús.― Guejnʉ bi ma̱n cʉ yo hñøjø‑cʉ.

SAN JUAN 5:39

Nuquɛjʉ, guí mpɛguijʉ guí nxödijʉ cʉ Escritura, como guí i̱na̱jʉ, bbʉ gui dyøtijʉ ncjapʉ, xquí tötijʉ car nzajqui ca jin da tjegue. Pe guejtsjɛ cʉ Escritura i ma̱ guejquigö gua e̱jcö pa gua un yʉ cja̱hni car nzajqui‑ca̱.

1 CORINTIOS 15:3

Dú xihquijʉ na̱r palabra na̱ xquí tsjijquigö, cja̱ i ndo ntjumʉy hne̱je̱: Car Jesucristo bi du̱ pa bi gʉzquigöjʉ cʉ rá nttzo cʉ ndí tu̱jʉ, ncja ngu̱ xquí tju̱x pʉ jár palabra ca Ocja̱. Ante que di hñe̱je̱, ya má ndo yabbʉ, bi tju̱x pʉ jar Escritura te di ncja bbʉ di hñe̱ guegue. Cja̱ bbʉ mbú e̱je̱, bi zʉdi.