SAN LUCAS 23:40 - Otomi

⁴⁰ Nu ca hnaa bi huɛnti cár hñohui, bi hñi̱mbi: ―Nuquiguɛ, ngu̱ jin guí tzu̱ ca Ocja̱, cja̱ ya xquír ma grí ntjɛhui. Nugöjʉ, hnadi na̱r castigo dár tzöjʉ hua, ya xtrá ma gu tu̱jʉ.

SAN LUCAS 23:40 ပူးပေါင်းရင်းမြစ်များ

SAN MATEO 20:9

Diguebbʉ ya, bú e̱h cʉ mɛfi. Bbɛto bú e̱h cʉ xquí ñʉti ngu̱ cʉtta nde, cja̱ bi ttunijʉ hna‑hnár domi gá denario.

SAN MATEO 8:26

Bi da̱j ya bbʉ car Jesús, i̱na̱: ―¿Casʉ guí ntzu̱jʉ ya? Nuquɛjʉ, jin tza guí e̱me̱jʉ ca Ocja̱.― Diguebbʉ, bi bböh car Jesús, bi huɛhti car nda̱ji̱ co car deje. Cja̱ bi hna tzöya‑cʉ́, bi jui̱gui rá zö.

SAN LUCAS 12:5

Pe i nesta gui tzu̱jʉ ca Ocja̱, como nuca̱ i pɛhtzi ʉ́r ttzɛdi da möjtiquijʉ cja̱ diguebbʉ ya da gu̱hquijʉ pʉ jabʉ jin gui tzö, pʉ jar infierno. Guehca̱ rí ntzöhui gui tzu̱jʉ‑cá̱.

SAN LUCAS 23:39

Már ddøti pʉ já ponti hne̱je̱ yojo hñøjø cʉ xquí contrabi car ley. Guejti ca hnaa digue cʉ yojo‑cʉ, bi dyøhtibi ʉr burla car Jesús, hne̱je̱, bi xifi: ―Nuquiguɛ, bbʉ cierto gúr hñøjø xí hñi̱xqui ca Ocja̱, gui ca̱jquɛ ya, bbʉ, cja̱ gui tziguigöbbe hne̱je̱.― Bi ma̱ ncjapʉ car cja̱hni‑cá̱.

SAN LUCAS 23:41

Nugöhui, drá ntzögöhui na̱r castigo‑na̱, como xtú ndo øtihui ca rá nttzo. Pe nʉr hñøjø‑nʉ, jin te xcá dyøti ca rá nttzo.―

EFESIOS 5:11

Cja̱ jin gui ma gui mföxjʉ cʉ cja̱hni cʉ i øti ca rá nttzo, como nucʉ, i bbʉjtijʉ jar bbɛxu̱y. Mejor gui nzojmʉ, gui xijmʉ jin gui tzö ca i øtijʉ, xa̱jma̱ da ntzohmitsjɛjʉ, cja̱ da ne da guatijʉ jar jiahtzi.

APOCALIPSIS 15:4

Dí göhtjoje dí i̱zquije ʉm Tzi Jmu̱quigöje. Dí göhtjoje dí xöjtiquije quer tzi tju̱ju̱. Guí ddatsjɛguɛ, jin gui bbʉh hnáa ncja ngu̱quiguɛ, rá tzi zöqui, cja̱ rá nttzu̱jpiqui. Ya xqui fa̱di, nuquiguɛ, gúr jogui nzöya, xcú dyøhtibi jujticia yʉ cja̱hni. Eso, da jionqui yʉ cja̱hni yʉ rí hñe̱jmʉ göhtjo tema nación. Du e̱jmʉ, da nda̱nequijʉ.

APOCALIPSIS 16:11

Cjuá bi zanijʉ ca Ocja̱ ca bí mandado pʉ ji̱tzi, como guegue xcuí mɛmpi castigo rá ʉ́. Mí tzödijʉ cʉ tsja̱xi cʉ jí̱ mí ne di jogui. Pe jí̱ mí ne di repentijʉ cja̱ jin ga jiɛjmʉ cʉ rá nttzo cʉ mí øtijʉ.