SAN LUCAS 20:42 - Otomi

⁴² Guejtsjɛ car David bi jñu̱x pʉ jar libro cʉ Salmo, bi hñi̱na̱: Car Tzi Ta ji̱tzi bi xih cam Tzi Jmu̱gö, bi hñi̱mbi: “Gui mi̱jcua jam jogui dyɛ, gu mföxihui gu mandadohui

SAN LUCAS 20:42 ပူးပေါင်းရင်းမြစ်များ

SAN LUCAS 20:43

Hasta bbʉ xtá cjajpigö quir contra du e̱je̱, Da nda̱ndiña̱jmu̱ jer tzi huá, cja̱ nuquiguɛ, xquí mandadobi‑cʉ́.”

SAN LUCAS 24:44

Nubbʉ, bi nzoh quí möxte, bi xijmʉ: ―Bbʉ jí̱ bbe ndí tu̱, dú xihquijʉ ter bɛh ca̱ di ncja, cja̱ nuya xí nzʉdi ncja ngu̱ dá ma̱, xtú tu̱gö cja̱ pé xtú ja̱ ʉm jña̱. Guejyʉ mí nesta di ncja‑yʉ pa di zʉdi göhtjo ca bi ma̱n car Moisés co cʉ pé dda quí jmandadero ca Ocja̱, co ni cʉ palabra cʉ i ju̱x pʉ já salmo digue ca hnar cja̱hni ca di bbɛjni hua jar jöy.―

HECHOS 1:20

Nuya, cjua̱da̱, ya xí bbɛh car Judas, ncja ngu̱ ga ma̱m pʉ jar libro de los Salmos, i̱na̱: Da hmʉy triste cár ngu̱ car cja̱hni‑cá̱. Da tjɛgui da yøte, como ya jin to da ne da hmʉh pʉ. Nu car cargo ca mí pɛhtzi guegue, da ttuni pé hnar cja̱hni. Ncjapʉ ga ma̱m pʉ jar salmo.

1 CORINTIOS 15:25

Nu car Jesucristo xí ttun cár cargo cja̱ guegue da mandado hua jar jöy hasta gue bbʉ ya xtrú nda̱pi göhtjo quí contra.

HEBREOS 1:13

Cja̱ pé xí ma̱n ca Ocja̱ pʉ jar Escritura, xí xih cár Ttʉ: Bú e̱j ya, gui mi̱jcua jam jogui dyɛ, gu mandadohui, Cja̱ nugö, gu ta̱pi quir contra, xtá cjajpigö du e̱cua pa da nda̱ndiña̱jmu̱jʉ jer tzi hua, da nda̱nequijʉ. Jin tema ángele bi tsjifi di mföxihui cár jmandado ca Ocja̱. Jøndi cár Ttʉ ca Ocja̱ bi tsjifi ncjahua.

HEBREOS 3:7

Eso, gu ødejʉ ca i ma̱n car Tzi Espíritu Santo pʉ jar Escritura, como guejtjo i nzojquijʉ hne̱je̱: Nuquɛjʉ, bbʉ guí ødejʉ rá pa ya, ya xqui nzohquijʉ ca Ocja̱, Gui jñu̱hmpijʉ ndu̱mʉy, cja̱ gui dyøjtijʉ,