SAN LUCAS 19:42 - Otomi

⁴² Bi ma̱n car Jesús: ―Nuquɛjʉ, guí mi̱ngu̱jʉ Jerusalén, xa̱jma̱ güi pa̱dijʉ yʉ pa ya, toguigö cja̱ jabʉ xtá e̱je̱. Xa̱jma̱ja̱ güi hñemejʉ ca ndí xihquijʉ. Nubbʉ́, güi nú̱jʉ car paz. Pe nuya, ya xtrá magö. Ya xta zʉhquijʉ hnar castigo rá nttzo.

SAN LUCAS 19:42 ပူးပေါင်းရင်းမြစ်များ

SAN LUCAS 19:41

Bbʉ ya xti zøti pʉ Jerusalén, car Jesús bi cca̱hti car ciudad cja̱ bi nzoni, como rá ngu̱ vez xquí nzoh cʉ cja̱hni pʉ. Pe nucʉ́, jí̱ mí ne di hñemejʉ.

SAN LUCAS 19:43

Ya xta zøh car pa bbʉ xtu e̱h quir contrajʉ, xta hñi̱hquijʉ madé, xta goti nir jñinijʉ, göhtjo jáy nttza̱ni. Göhtjo ʉr pa da möh quer jñi̱nijʉ, nim pa jabʉ grí pønijʉ.

SAN LUCAS 19:44

Da möjtiquijʉ, göhtjo co ni quir ba̱jtzijʉ. Da yøhti quir ngu̱jʉ, tje da fonti cʉ me̱do, ni di yojo da mfi̱tzi. Da ttøjtiquijʉ ncjapʉ, porque bbʉ mí nzohquijʉ ca Ocja̱, jin gú hñemeguijʉ, ¿cja guejcö, xpá mɛnquigö guegue?― Guejnʉ bi ma̱n car Jesús.

HECHOS 10:36

Ca Ocja̱ xpá mɛnquije car jña̱, nugöje dí mi̱ngu̱je Israel. Xí xijquije, ya xí ngo ʉ́r mʉy, por rá nguehca̱ xcá hmöh madé car Jesucristo. Nucá̱, ʉ́r Jmu̱ göhtjo yʉ to i e̱me̱, masque di judio o di hnahño cja̱hni‑yʉ́.

HECHOS 13:46

Diguebbʉ ya, car Pablo co car Bernabé bi xijmʉ mero ca mí mbe̱nihui, jin gá ntzu̱hui. Bi ma̱jmi: ―Nuquɛjʉ, ʉm mi̱nga̱‑judioquijʉ, mír ntzöhui gua xihquijʉ nʉr ddadyo palabra digue cár Ttʉ ca Ocja̱, ante que gua nzobbe cʉ hnahño cja̱hni. Pe nuquɛjʉ, jí̱ xquí nejʉ, xcú tzandijʉ car palabra ca di ddahquijʉ car nzajqui ca jin da tjegue, eso, jí̱ rí ntzöhui da ttahquijʉ‑cá̱. Eso, gu mɛbbe ya, grí nzobbe cʉ cja̱hni cʉ jin gui judio, gu xibbe‑cʉ́.

HEBREOS 3:13

Gui nzojtsjɛjʉ cada mpa, menta guí ødejʉ ga nzohquijʉ ca Ocja̱. Jin to da mbeni mbo ʉ́r mʉy, da hñi̱na̱, má̱s jin te da cja bbʉ da jiɛh ca rí hñe̱me̱ car Jesucristo.

HEBREOS 3:15

I ma̱m pʉ jar Escritura, i xijquijʉ ncjahua: Nuquɛjʉ, bbʉ guí ødejʉ rá pa ya, ya xqui nzohquijʉ ca Ocja̱, Gui jñu̱hmpijʉ ndu̱mʉy, cja̱ gui dyøjtijʉ, Jin gui cjajʉ me̱mʉy ncja ngu̱ qui ndor titajʉ. Nucʉ́, jin gá ne gá dyøjtijʉ.

HEBREOS 3:7

Eso, gu ødejʉ ca i ma̱n car Tzi Espíritu Santo pʉ jar Escritura, como guejtjo i nzojquijʉ hne̱je̱: Nuquɛjʉ, bbʉ guí ødejʉ rá pa ya, ya xqui nzohquijʉ ca Ocja̱, Gui jñu̱hmpijʉ ndu̱mʉy, cja̱ gui dyøjtijʉ,