SAN LUCAS 12:40 - Otomi

⁴⁰ Guehquitjoguɛjʉ, dí xihquijʉ, gui tzödijʉ, gui tøbiguijʉ, gui hmʉpjʉ listo, porque car hora ca guí ma̱jmʉ jin te da ncja, xcuá hna cojcö car hora‑ca̱. Nugö dúr cja̱hni xpá bbɛnquigö hua jar jöy.― Ncjapʉ gá xih quí möxte car Jesús.

SAN LUCAS 12:40 ပူးပေါင်းရင်းမြစ်များ

SAN MATEO 24:42

Nuquiguɛjʉ, gui hmʉpjʉ listo, cja̱ gui tøbiguijʉ, nugö, ir Jmu̱guijʉ, ncjahmʉ pé xcuá e̱cö, como jin guí pa̱dijʉ tema pa da ncja‑cá̱.

SAN MATEO 24:44

Eso, dí xihquijʉ, gui tøbiguijʉ hne̱je̱, porque car hora ca guí ma̱jmʉ jin gu e̱je̱, xcuá hna e̱tigö, bbʉ. Nugö dúr cja̱hni xpá bbɛnqui hua jar jöy.

SAN MATEO 25:13

Diguebbʉ ya, car Jesús bi xih cʉ cja̱hni cʉ már ødejʉ: ―Nuquiguɛjʉ, dí xihquijʉ gui mprevenijʉ, porque jin guí pa̱dijʉ tema pa o tema hora pé xcuá e̱cö. Nugö dúr cja̱hni xpá bbɛnqui hua jar jöy.―

ROMANOS 13:11

Gui mbe̱nijʉ göhtjo yʉ palabra yʉ xtú xihquijʉ, Guejtjo gui mbe̱nijʉ ja ncja na̱r tiempo na̱ dí bbʉpjʉ. Ya xí nzʉh car hora pa gui tzöjʉ cja̱ gui ntzohmijʉ ja ncja grí hmʉpjʉ. Ya jin gui hmʉpjʉ ncja ngu̱ nguír hmʉpjʉ bbʉ cja nguí fʉdi nguí e̱me̱jʉ. Gu mbe̱nijʉ, ya xta ni̱gui car pa bbʉ xtu e̱h cam Tzi Jmu̱jʉ. Nubbʉ́, cja xtá nu̱göjʉ ca dí tøhmijʉ.

ROMANOS 13:14

Eso, dí nzohquijʉ ya, pa gui jiɛjmʉ göhtjo cʉ cosa rá nttzo cʉ nguí øtijʉ má̱hmɛto. Bbʉ ba e̱h quir mfe̱nijʉ rá nttzo, ncjá cʉ mí ɛquijʉ má̱hmɛto, jin gui cjajpijʉ ncaso. Gui nxödijʉ gui hmʉpjʉ car ddadyo hmʉy ca xí ddajquijʉ car Jesucristo.

1 TESALONICENSES 5:6

Como ya xtú pønijʉ jar bbɛxu̱y, ya jin gu ncjajʉ ncja ngu̱ cʉ cja̱hni cʉ i cojti pʉ. Como ya xtí pa̱dijʉ, pé du e̱h car Cristo, gu mbe̱nijʉ‑ca̱ cja̱ gu ja̱jʉ ʉr huɛnda pa jin da jiöjquijʉ cʉ costumbre rá nttzo cʉ ndí tɛnijʉ má̱hmɛto.

APOCALIPSIS 19:7

Gu mpöjmʉ ya, gu xöjtibijʉ ca Ocja̱, cja̱ gu øtijʉ mbaxcjua, Como ya xí nzøh car pá da ntja̱jti ca hnaa ca i ncja ngu̱ hnar Tzi Dɛti, Ya xta cuajti cʉ cja̱hni cʉ xí hñemejʉ cja̱ xí jñojquijʉ pa da ntjɛhui guegue. Nucʉ́ i ncjajʉ ncja ngu̱ hnar ba̱jtzi bbɛjña̱tjo ca ya xta ntja̱jti.