SAN JUAN 9:28 - Otomi

²⁸ Nu cʉ fariseo, bbʉ mí tsjijmʉ ncjanʉ, bi ndo zanijʉ car hñøjø‑ca̱, bi xijmʉ: ―Nuquiguɛ, guí ne gui tɛn car Jesús, pe nugöje, ji̱na̱guigöje. Dí tɛndije ca ndor Moisés.

SAN JUAN 9:28 ပူးပေါင်းရင်းမြစ်များ

SAN MATEO 27:39

Cʉ cja̱hni cʉ má tjoh pʉ jabʉ már ddøtijʉ, mí tzanijʉ car Jesús, hasta mí jua̱ti quí ña̱jʉ.

SAN MATEO 5:11

Nuquiguɛjʉ, bbʉ da zanquijʉ yʉ cja̱hni, cja̱ bbʉ da dyøjtiquijʉ tu̱jni cja̱ da ña̱quijʉ göhtjo tema bbɛtjri por rá nguehca̱ guír tɛnguigöjʉ, gui ndo mpöjmʉ bbʉ.

SAN JUAN 7:19

Nuquiguɛjʉ, guí tjɛjʉ car ley ca bi zoguiguijʉ ca ndor Moisés, cja̱ guí cca̱htijʉ, pe guí göhtjojʉ, jin guí øtijʉ ncja ngu̱ ga ma̱n car ley‑ca̱. ¿Dyoca̱ guí jonijʉ já guír pöjtiguijʉ?―

SAN JUAN 9:34

Cʉ fariseo bi xijmʉ, bbʉ: ―Nuquiguɛ, desde bbʉ ngú hmʉy, guí ndu̱jpite. Jin guí pa̱di ja i ncja ca Ocja̱. Hñi̱x ya, ya xquí ne gui u̱jtiguije.― Nubbʉ, bi fonguijʉ car hñøjø‑ca̱, bi ccahtzijʉ pa ya jin di guati pʉ jár templo cʉ judio.

ROMANOS 2:17

Nuquiguɛ, guí cca̱hti na̱r carta‑na̱, bbʉ gúr judio, nubbʉ, guí tɛn car ley ca bi zoguiguijʉ car Moisés. Pe ntoja guí hñi̱xtsjɛ hne̱je̱, guí i̱na̱, nuquiguɛ da ttahqui car nzajqui ca jin da tjegue. Guí ma̱nguɛ, ʉ́r ba̱jtziqui ca Ocja̱.

1 CORINTIOS 4:12

Dí pɛjme co yʉm dyɛje hasta ya xí mbo ʉm cuɛje pa dár tötije te gu tzije. I tzanguije yʉ cja̱hni, cja̱ pé dí nzojme cor tti̱jqui. I cöbiguije, cja̱ göhtjo dí tzɛjtije.

1 CORINTIOS 6:10

ni digue cʉ be̱, ni digue cʉ i ndo ne da jña̱, ni digue cʉ i tzajte, ni digue cʉ cjatjo ga nti̱, ni digue cʉ i xohtzibi bbɛtjri quí cñohui, ni digue cʉ i øti ntjöti. Göhtjo‑cʉ, jin da ñʉti pʉ jabʉ bí mandado ca Ocja̱.

1 PEDRO 2:23

Bbʉ mí ttzani, jin te gá nda̱di, cja̱ bbʉ mí ttʉni, jin gá ngöhmi cʉ cja̱hni cʉ már øhtibi ca rá nttzo. Jøntjo bi nzoh cár Tzi Ta ji̱tzi, bi ndötsjɛ jár dyɛ, como mí pa̱di, guegue‑ca̱ i øti jujticia.