SAN JUAN 6:28 - Otomi

²⁸ Diguebbʉ ya cʉ cja̱hni bi dyön car Jesús: ―¿Tema bbɛfi i ne ca Ocja̱ pa gu øtije?―

SAN JUAN 6:28 ပူးပေါင်းရင်းမြစ်များ

SAN MATEO 19:16

Diguebbʉ ya, bú e̱h hnar ba̱jtzi hñøjø, bi guati car Jesús, bi xifi: ―Nuquiguɛ, Maestro, gúr jogui cja̱hni, xijqui tzʉ tema cosa drá zö gu øte pa gu töti car nzajqui ca jin da tjegue.―

SAN LUCAS 10:25

Ca pé hnar pa ya, hnar cja̱hni ca xquí ndo nxöh cár ley car Moisés bi guati car Jesús. Mí ne di dyøhtibi ʉr prueba, eso bi dyöni: ―Maestro, ¿ter bɛh ca̱ gu øte pa gu töti cam nzajqui ca jin da tjegue?―

SAN JUAN 6:27

Guí pɛjmʉ pa gui ta̱jmʉ tju̱jme̱, gui tzijʉ. Nu ca más i nesta gui jionijʉ, gue car tju̱jme̱ ca jin da tjegue cja̱ da ddahquijʉ car nzajqui ca rí hñe̱ ji̱tzi. Nugö, xtá ddahquijʉ car tju̱jme̱‑ca̱, como guejquigö dúr cja̱hni, dú ca̱h pʉ ji̱tzi. Guejquigö, xpá mɛnquigö car Tzi Ta ji̱tzi cja̱ xí ddajqui cam ttzɛdi gu øti milagro, pa ncjapʉ dír fa̱di jabʉ xtá e̱jcö.―

SAN JUAN 6:29

Bi da̱j ya car Jesús, bi hñi̱na̱: ―I ne ca Ocja̱ gui hñemeguijʉ, guejquigö, xpá mɛnquigö.―

HECHOS 16:30

Ma ya, bi gʉjquihui pʉ tji cja̱ bi dyönihui: ―Nuquɛhui, tada, ¿ter bɛh ca̱ gu pɛj ya bbʉ, pa da perdonagui ca Ocja̱ cʉ rá nttzo cʉ xtú øte?― Bi ma̱ ncjapʉ car guardia.

HECHOS 2:37

Cja̱ bbʉ mí dyøj ya‑ca̱ cʉ judio cʉ már ødejʉ, bi ndo ntzøtijʉ, bbʉ, cja̱ bi dyön car Pedro co ni cʉ pé dda apóstole, bi hñi̱mbijʉ: ―Nuquɛjʉ, cjua̱da̱, ¿ter bɛh ca̱ gu pɛjme ya bbʉ, pa da perdonaguije ca Ocja̱?―

HECHOS 9:6

Bbʉ mí dyøj ya‑cá̱, bi ndo ntzu̱ car Saulo, hasta mí jua̱. Cja̱ bi da̱di: ―¿Ter bɛh ca̱ guí ne gu øti ya bbʉ́, Tzi Jmu̱ Jesús?― Cja̱ car Jesús bi xifi: ―Bböj ya, gui ma nʉ jar jñi̱ni Damasco, cja̱ xtu tsjihqui pʉ ter bɛh ca̱ gui dyøte.―