SAN JUAN 3:19 - Otomi

¹⁹ Bú e̱cua jar jöy ca hnaa ca mí jñɛjmi hnar jiahtzi. Nu cʉ cja̱hni hua jar mundo jin tza mí nejʉ car jiahtzi‑ca̱. Mí nejʉ di hmʉjtijʉ pʉ jar bbɛxu̱y pa jin di ni̱gui, ¿cja már nttzo ca mí øtijʉ? Car Tzi Ta ji̱tzi ya xí dyɛmbi cár castigo cʉ cja̱hni cʉ jin gá ne gá nguati car jiahtzi.

SAN JUAN 3:19 ပူးပေါင်းရင်းမြစ်များ

SAN LUCAS 12:47

Da ndo ncastiga car mɛfi‑ca̱, porque mí pa̱di te mí ne cár jmu̱ pe jin gá dyøte, bi jiɛjtjo.

SAN LUCAS 16:14

Nu cʉ fariseo, bbʉ mí dyøj ya nʉr palabra‑nʉ, bi dembitjojʉ car Jesús, como gueguejʉ mí ndo nejʉ car domi.

SAN JUAN 1:4

Mí bbʉ ʉ́r nzajqui guegue, cja̱ bi ungui ʉ́r nzajqui göhtjo yʉ i bbʉy. Car nzajqui ca xí ddajquijʉ, jin gui gue cár nzajqui yʉm cuerpojʉ, como da tjeh‑cá̱. Nu cár nzajqui guegue, i jñɛjmi hnar jiahtzi ca jin da hmɛxu̱y, segue i yoti mbo ʉm tzi mʉyjʉ.

SAN JUAN 1:5

Ca hnaa ca i tsjifi ʉr Jña̱ mí jñɛjmi hnar jiahtzi ca mí yoti jar bbɛxu̱y. Cʉ cja̱hni cʉ jí̱ mí e̱me̱jʉ guegue, bi jionijʉ ja drí ccahtzijʉ, pa jin di ni̱gui cár tjay. Pe jin gá jiöti di gohmijʉ. Hasta yʉ pa ya, i ni̱guitjo cár tjay.

SAN JUAN 12:31

Nuya, ya xí nzøh car hora gu tu̱, cja̱ por rá nguehca̱, car Tzi Ta ji̱tzi da juejqui yʉ cja̱hni yʉ i bbʉjcua jar jöy. Car hora ca xtá tu̱gö, xta tja̱jquibi cár cargo ca Jin Gui Jo. Xta tja̱jquibi ca rí mandado hua jar mundo.

SAN JUAN 12:43

Cʉ jefe cʉ bi hñemejʉ, jin gá ncjua̱nijʉ, como mí ndo nejʉ pa di tti̱htzibijʉ, cja̱ jin tza mí nejʉ di hmʉpjʉ pa di tzøh ca Ocja̱.

SAN JUAN 12:46

Nugö, xtá e̱jcua jar mundo ncja ngu̱ hnar jiahtzi, pa jin da go jar bbɛxu̱y car cja̱hni ca da hñemegui.

SAN JUAN 5:44

Pe jin guí ne gui hñemejʉ nʉr palabra dá ja̱. Nuquɛjʉ, guí ndo ne pa da tzøhquijʉ cja̱ da hñi̱zquijʉ quir mi̱nga̱‑cja̱hnijʉ. Jin guí jonijʉ ja grí hmʉpjʉ pa da tzøhquijʉ ca Ocja̱. Guegue i bbʉjtsjɛ, ddatsjɛ ca Ocja̱ rí ntzöhui gu i̱htzibijʉ.

SAN JUAN 7:17

Car cja̱hni ca i e̱me̱ cam Tzi Ta ji̱tzi cja̱ i ne da hmʉy ncja ngu̱ ga ne guegue‑ca̱, da ba̱di jabʉ rí hñe̱j yʉ palabra yʉ dí ma̱. Da ba̱di, jin gʉm mfe̱nitsjɛ yʉ dí ma̱.

SAN JUAN 7:7

como jin gui ʉquijʉ yʉ cja̱hni yʉ i tɛn nʉr mundo, pe nugö, i ʉgui, como dí xijmʉ ca ncjua̱ni. Dí xijmʉ, rá nttzo ca i øtijʉ.

SAN JUAN 8:12

Pe hnar vez, car Jesús bi nzoh cʉ cja̱hni, bi hñi̱na̱: ―Nugö, dí jñɛbbe hnar jiahtzi, xtú e̱cua jar jöy pa gu yoti yʉ cja̱hni. Ca to da dɛnguigö, jin da hño jar bbɛxu̱y. Nuca̱, ncjahmʉ da yoti hnar jiahtzi mbo ʉ́r tzi mʉy, da ncja ʉ́r nzajqui.―

SAN JUAN 9:5

Menta dí bbʉjtigö hua jar jöy, dí jñɛbbe car jiahtzi ca i yoti yʉ cja̱hni hua jar jöy.―

ROMANOS 1:32

Cʉ cja̱hni cʉ i ncjajʉ pʉ, ya xqui pa̱dijʉ, i ndu̱jpitejʉ. Guejtjo i pa̱dijʉ, xí ma̱n ca Ocja̱, cʉ to i øte ncjapʉ, rí ntzöhui da ma pʉ jabʉ jin gui tzö, da bbɛdijʉ pʉ. Pe masque ya xqui pa̱dijʉ‑ca̱, i segue i øtijʉ ca rá nttzo, hasta i ndo mpöjmʉ bbʉ i cca̱htijʉ cʉ pé dda cja̱hni cʉ i øti ca rá nttzo hne̱je̱.

ROMANOS 2:8

Nu cʉ pe dda cja̱hni cʉ mí ntøxtihui ca Ocja̱ cja̱ jí̱ mí ne di dyøj na̱r palabra na̱ ncjua̱ni, ca Ocja̱ da unijʉ hnar castigo drá nttzo, tiene que da bbɛdijʉ. Ncjapʉ drí ncastiga cʉ cja̱hni cʉ mí tɛn ca rá nttzo bbʉ mír hmʉjcua jar mundo.

2 TESALONICENSES 2:12

Ncjapʉ da bbɛdijʉ, como jí̱ mí ne di hñemejʉ car palabra ca ncjua̱ni. Nucʉ́, mí nejʉ di segue di dyøtijʉ ca rá nttzo. Eso, ya jin gui pa̱dijʉ, ¿cja ʉr ntjöti ca i tɛnijʉ?

1 PEDRO 2:8

Guejtjo xí nzʉh ca pé hnar palabra ca i ma̱: I bbʉh cʉ dda cja̱hni cʉ da fehtzi car ndo me̱do‑ca̱ cja̱ da fʉntzi, Tzʉdi, cʉ ddaa cʉ jin da nejʉ cja̱ jin da hñe̱me̱jʉ ca hnam jmandadero ca gu pɛjnigö. Ncjapʉ ga ma̱n car Tzi Ta ji̱tzi. Guegue‑cʉ i tzanijʉ car Cristo, cja̱ jin gui ne da hñemejʉ ¿cja xcuá hñe̱ ji̱tzi‑cá̱? Pe ya má yabbʉ, ya xquí ma̱n car Tzi Ta ji̱tzi di hmʉh cʉ dda cja̱hni cʉ di ʉjʉ cár jmandadero guegue. Cja̱ nuya, ya xí nzʉdi ncja ngu̱ gá ma̱.

2 PEDRO 3:3

Bbɛto, dí ne gu mbe̱mbiquijʉ te da ncja bbʉ xta guaj nʉr mundo. Bbʉ ya xta ncja‑ca̱, du e̱h cʉ dda hñøjø cʉ da dembitjo cʉ hermano, da ma̱jmʉ jin gui cierto nʉr palabra nʉ dí tɛnijʉ. Nucʉ, jin da hñemejʉ, ¿cja pé du e̱h car Jesucristo? Guejtjo da dyøtijʉ göhtjo ca da netsjɛjʉ, cja̱ drá nttzo quí vidajʉ.