SAN JUAN 21:16 - Otomi

¹⁶ Ma ya car Jesús bi yojpi bi dyön car Pedro: ―Nuquɛ, Simón, ʉ́r ttʉqui car Jonás, ¿cja ntjumʉy guí negui?― Cja̱ pé bi da̱h car Pedro bbʉ: ―Ja̱a̱, ʉm Tzi Jmu̱qui, guí pa̱di dí nequi.― Cja̱ pé bi xih car Jesús: ―Nuya, gui föh tzʉ cʉm tzi dɛti.―

SAN JUAN 21:16 ပူးပေါင်းရင်းမြစ်များ

SAN MATEO 2:6

Nʉr tzi jñinitjo Belén nʉ jar jöy Judea, Más i ndo mu̱hui ni ndra ngue yʉ jñini rá nojo, Porque guejnʉ du hmʉjnʉ́ ca to da mandadoguijʉ, Guegue da mandadobi yí cja̱hni ca Ocja̱, da nu̱guijʉ rá zö, dí cja̱hni israelitajʉ.―

SAN MATEO 25:32

Diguebbʉ, da jmuntzi göhtjo yʉ cja̱hni delante pʉ jabʉ xtá mi̱. Cja̱ gu juejqui cʉ cja̱hni ncja ngu̱ hnar mödi ga juejqui quí zu̱we̱, hnaani drí hmöh cʉ dɛjti, cja̱ pé hnaani cʉ chivo.

SAN MATEO 26:72

Nu car Pedro pé bi yojpi bi gøni, hasta bi hñi̱h ca Ocja̱, bi hñi̱na̱: ―Bí janti car Tzi Ta ji̱tzi, nim pa dí meyagö car hñøjø‑cá̱.―

SAN LUCAS 19:10

Nugö, dúr cja̱hni, xpá bbɛnqui hua jar jöy pa gu jon yʉ cja̱hni yʉ xí bbɛdi, cja̱ gu cjʉhtzibi ca rá nttzo ca xí dyøtijʉ.― Bi ma̱n yʉ palabra‑yʉ car Jesús.

SAN JUAN 18:17

Cja̱ car muza ca mí föh car goxtji bi dyön car Pedro: ―¿Nuquiguɛ, cja jin guí ntzixihui nʉr hñøjø nʉ xpá ttziji?― Bi da̱j ya car Pedro, bi hñi̱na̱: ―Jin gui guejquigö.―

SAN JUAN 18:25

Car Pedro ya, már bböjti pʉ jár patio cár ngu̱ car Anás, Már pahtitjo jar tzibi. Cja̱ hnaa cʉ cja̱hni cʉ már bböbi, bi dyöni: ―¿Nuquiguɛ, cja jin guí ntzixihui car hñøjø ca xpá ttzí hua?― Cja̱ guegue ya bi gøntjo, bi ma̱: ―Ji̱na̱‑gö.―

SAN JUAN 21:17

Nu car Jesús pé bi ma̱n ca rí cja jñu̱ vez: ―Nuquɛ, Simón, ʉ́r ttʉqui car Jonás, ¿cja ntjumʉy guí ma̱jqui?― Nubbʉ, car Pedro ngu̱ bi cja ndumʉy ca gá dyön car Jesús ca rá jñu̱ vez, ¿cja mí ma̱di? Cja̱ bi da̱h car Pedro ca rá jñu̱ vez: ―Nuquiguɛ, ʉm Tzi Jmu̱qui, göhtjo guí pa̱di. Guí pa̱di dí ma̱hqui.― Car Jesús pé bi xih bbʉ: ―Gui wi̱n cʉm dɛjti bbʉ.

HECHOS 20:28

Nuya, gui ndo mfödijʉ. Gui tɛnijʉ ca xtú u̱jtiquijʉ cja̱ gui födijʉ cʉ pé dda hermano cʉ xí tti̱ti jer dyɛjʉ pa gui nú̱jʉ. Gue car Espíritu Santo xí ddahquijʉ car cargo‑cá̱. Nuquɛjʉ, gui ncjajʉ ncja ngu̱ mödi. Gui wi̱nijʉ quí tzi dɛti cam Tzi Jmu̱jʉ Jesús. Nucá̱ bi dön‑cʉ́, bi gu̱ti co cár tzi cji.

HEBREOS 13:20

Nuya, da möxquiguɛjʉ cam Tzi Tajʉ pʉ ji̱tzi, como xí ngo ʉ́r mʉy cja̱ xí nzojquijʉ pa gu mpöjmʉ guegue. Bbʉ mí du̱ car tzi Jesús, car Tzi Ta ji̱tzi bi cjajpi bi jña̱ ʉ́r jña̱ pa gár padijʉ, ntju̱mʉy car ddadyo acuerdo ca bi tsjotzi bbʉ mí mfön cár cji car Jesús, cja̱ ya jin da mpun car acuerdo‑ca̱, göhtjo ʉr tiempo. Car Tzi Jesús ʉr Da̱mödi ca i föjquigöjʉ, cja̱ nugöjʉ í dɛjtiguijʉ‑ca̱.

1 PEDRO 2:25

Má̱hmɛto, ndí ncjajʉ ncja ngu̱ cʉ dɛjti cʉ xquí bbɛdi, como xtá wembijʉ car Tzi Ta ji̱tzi. Pe nuya, pé xtú cojmʉ pa gu tɛnijʉ car Tzi Jogui Mödi ca i neguijʉ cja̱ i föj yʉm tzi mʉyjʉ.

1 PEDRO 5:2

Dí xih cʉ hermano cʉ i mandado, gui födijʉ rá zö cʉ hermano cʉ xcú recibi jer dyɛjʉ, como nucʉ, í tzi dɛti ca Ocja̱‑cʉ. Jin gui föjmʉ jøntsjɛtjo porque xí tsjihquijʉ gui dyøtijʉ‑ca̱. Pe gui nú̱jʉ, göhtjo cor pöjö, pa da tzøh ca Ocja̱. Jin da má ir mʉyjʉ car domi ca da ttahquijʉ, pe gui ungui ir mʉyjʉ gui dyøtijʉ car bbɛfi ncja ngu̱ ga ne ca Ocja̱.

APOCALIPSIS 7:17

Porque nʉr Tzi Dɛti nʉ bí bbö delante nʉ jabʉ bí ju̱x nʉ́r Tzi Ta, da nu̱ quí cja̱hni ncja hnar mödi. Guegue da dyɛn quí dɛjti pʉ jabʉ i po car deje ca i un car nzajqui ca jin da tjegue. Nu cár Tzi Ta da du̱jquibi quí guidöjʉ quí cja̱hni, ya jin da nzonijʉ.―