SAN JUAN 19:29 - Otomi

²⁹ Már jø pʉ jar jöy hnar bbada, hnanguadi pʉ jabʉ mí bbʉh cʉ sundado, mí ñuxi vinagre. Diguebbʉ ya, hna cʉ sundado bi jña̱ hnar esponja, bi zihmi jar vinagre, cja̱ bi fohtzi hnar tzi za ca mí tsjifi ʉr hisopo. Bi pahtzi‑ca̱, bi cuajti pʉ jár ne car Jesús pa di zʉhtzi.

SAN JUAN 19:29 ပူးပေါင်းရင်းမြစ်များ

SAN MATEO 27:34

Cja̱ bi ttun car Jesús vinagre pa di zi. Car vinagre‑cá̱ xquí hua̱ni hnar hñi̱tji pa di meno drí zö ca rá ʉ́. Car Jesús bi zödi car hñi̱tji̱, bbʉ, pe jin gá ne gá nzi.

SAN MATEO 27:48

Ca hnar cja̱hni bi ne̱xa ddiji, bi ma bú ja̱ hnar esponja, bi ga̱ti jar vino, cja̱ bi tu̱jti hnar tzi za pa di ña̱htibi car Jesús. Diguebbʉ ya bi cuajtibi pʉ jár ne car Jesús, cja̱ guegue‑cá̱ bi zʉhtzi.

SAN MATEO 27:50

Nu car Jesús, pé bi mafi nzajqui, bi dö ʉ́r mʉy jáy dyɛ car Tzi Ta ji̱tzi, cja̱ bi du̱, bbʉ.

SAN MARCOS 15:36

Nubbʉ́, ca hnar cja̱hni ca már bbʉh pʉ, bi gʉ ʉr ddiji, bi moh hnar esponja cor vinagre, bi dujti hnar tzi za, cja̱ bi pahtzi pʉ jár ne car Jesús, pa di zʉhtzi. Cja̱ bi ma̱jmʉ: ―Tøhmijʉ tzʉ, gu cca̱htijʉ, ¿cja du e̱h car Elías da dɛjqui jar ponti?― Mí ma̱jmʉ ncjapʉ como mí í̱na̱jʉ, bbʉ mí mahti ca Ocja̱ car Jesús, mí ne di nømbi cár tju̱ju̱ car profeta Elías.

SAN LUCAS 23:36

Cʉ sundado mí øhtibijʉ ʉr burla, mí ña̱htibijʉ vinagre pa di zi, cja̱ mí xijmʉ: