SAN JUAN 15:9 - Otomi

⁹ I neguigö cam Tzi Ta ji̱tzi. Guejtjo dí ncjadigö pʉ, dí nequijʉ. Nuquiguɛjʉ, gui tɛnguijʉ, bbʉ, cja̱ gui mbe̱nijʉ te tza ngu̱ dí nequijʉ.

SAN JUAN 15:9 ပူးပေါင်းရင်းမြစ်များ

SAN JUAN 15:11

Ya xtú xihquijʉ ja gui ncjajʉ pa gui mpöjmʉ ncja ngu̱ dar mpöjcö. Bbʉ gui dyøtijʉ ncjapʉ, xquí mpöjmʉ göhtjo mbo ir tzi mʉyjʉ.

SAN JUAN 15:13

Car cja̱hni ca más i ne quí hñohui, guegue da dö cár vida por rá nguehcʉ. Nugö gu øtigö ncjapʉ.

SAN JUAN 17:26

Nuyʉ, ya xtú xijmʉ ja guí ncjaguɛ, cja̱ gu segue gu u̱jti‑yʉ, pa más da ba̱dijʉ. Gu segue gu yojme yʉm cja̱hnihui yʉ xí hñemegui, pa da netsjɛjʉ, ncja ngu̱ gri negui, ʉm Tzi Taqui. Ncjapʉ da hmʉpjʉ rá zö, ncjahmʉ guejquitsjɛgö gri bbʉ mbo ʉ́r mʉyjʉ.―

SAN JUAN 3:35

Car Tzi Ta ji̱tzi i ne cár Tzi Ttʉ, cja̱ xí döjti cár cargo pa da mandadobi göhtjo cʉ i bbʉ jar jöy.

EFESIOS 3:18

Dí öjpi cam Tzi Tajʉ da möxquijʉ, nuquɛjʉ co hne̱je̱ göhtjo cʉ pe ddaa cʉ xí hñeme car Jesucristo, pa gui ntiendejʉ te tza ngu̱ i neguijʉ guegue‑ca̱. Jin to i pa̱di te tza ngu̱ ga neguijʉ car Jesucristo. Rá ndo ngu̱tsjɛ car jma̱jte. I jñɛjmi nʉr ji̱tzi, nʉ jin gui fa̱di ja i ncja ca rá nxi̱di, cja̱ co ja i ncja ca rá ma, cja̱ co ja i ncja ca rá nte. Jin gui fa̱di jabʉ sta rá tzøte cja̱ co jabʉ sta rá ttzɛ. Ncjapʉ hne̱je̱ ga neguijʉ car Cristo, jin gui fa̱di jabʉ sta rá ttzɛ cár jma̱jte.

1 JUAN 2:28

Ncjáya, hermano, dí nzohquijʉ, pa gui segue gui yojmʉ car Jesucristo. Ncjapʉ, jin gu ntzu̱jʉ cja̱ jin gu pɛhtzi ʉm tzöjʉ bbʉ xtá ntjɛjʉ‑cá̱.

JUDAS 1:20

Pe nuquɛjʉ, ʉm tzi hñohuiquijʉ, gui zɛdijʉ, gui hñemejʉ car palabra ca ya xquí pa̱dijʉ, como rí hñe̱h ca Ocja̱ cja̱ rá nttzuni. Gui segue gui nzojmʉ ca Ocja̱, cja̱ da möxquijʉ car Espíritu Santo, como guí yojmʉ‑cá̱.

APOCALIPSIS 1:5

Guejti car tzi Jesucristo du pɛnquijʉ bendición. Guegue ʉr testigo i ma̱n ca ncjua̱ni. Digue cʉ cja̱hni cʉ xí ndu̱, jøntsjɛ guegue bi nantzi, cja̱ ya pé xqui bbʉy pa göhtjo ʉr tiempo. Por rá ngue guegue, da nantzi cʉ pé ddaa cʉ ya xí ndu̱. Guehca̱ gá nantzi car Jesucristo, bi ttun cár cargo más rá ji̱tzi, cja̱ nuya i mandadobi göhtjo cʉ i mandado hua jar jöy. Guegue i ma̱jquijʉ, cja̱ bbʉ mí du̱, bi jojqui yʉm tzi mʉyjʉ co ni cár tzi cji. Bi gʉzquigöjʉ ca rá nttzo ca xtú øtijʉ.