HECHOS 7:8 - Otomi

⁸ Diguebbʉ ya, ca Ocja̱ bi dyøtihui car Abraham hnar acuerdo, bi xifi mí nesta di ncuajtibi hnar seña cár cuerpo, co guejti quí cuerpo quí ba̱jtzi co quí bbɛjto, göhtjo co ni cʉ pé ddaa cʉ drí ga̱tzi di hmʉy, göhtjo cʉ di hñøjø. Cja̱ bbʉ mí hmʉh car Isaac, cár ttʉ car Abraham, bbʉ mí zʉ jña̱jto mpa, car Abraham bi dyøhtibi car seña ca xquí ma̱n ca Ocja̱. Guejtjo, bbʉ mí hmʉh car Jacob, cár ttʉ car Isaac, bi ncuajtibi car seña‑ca̱ jár cuerpo hne̱je̱. Cja̱ guejti car Jacob, bbʉ mí hmʉh cʉ doce quí ttʉ, tzʉdi, cʉ ndom titajʉ, bi ncjajpi‑cʉ car seña‑cá̱ hne̱je̱, pa di mbe̱nijʉ, mí cja̱hni ca Ocja̱ göhtjo‑cʉ.

HECHOS 7:8 ပူးပေါင်းရင်းမြစ်များ

SAN MATEO 1:2

Cja̱ digue quí pariente car Jesucristo ya, car Isaac múr ta car Abraham, cja̱ ya car Jacob múr ta car Isaac, cja̱ ya car Judá co cʉ once quí cjua̱da̱, múr tajʉ car Jacob.

SAN JUAN 7:22

Dí mbe̱mbiquijʉ ya digue ca hnar mandamiento ca bi zoguiguijʉ car Moisés, masque jí̱ mí guejtsjɛ car Moisés ca bi ddajquijʉ car mandamiento‑ca̱. Mí gue cʉ ndom titajʉ. Nucʉ́, bi xijquijʉ, bbʉ xta zʉ ñojto ca xcá hmʉh hnar tzi hñøjø, da ncuajtibi car seña gá circuncisión jár ngø. Masque xín da zʉh car ñojto car pa ca dí tzu̱jpijʉ, nde̱jma̱ da ncuajtibi car seña‑ca̱.

HECHOS 2:29

Nuquɛjʉ ya, cjua̱da̱, rá zö gu xihquijʉ ya, cam titajʉ, car David, bi du̱, cja̱ bi cjöti cár ndodyo pʉ jár ngu̱ gá ánima, bi mfɛjöy. Nuca̱ i bbʉjcua Jerusalén, hua jabʉ dí bbʉpjʉ, ncja ngu̱ gri pa̱dijʉ. Hasta rá pa ya, dí cca̱htijʉ cár ngu̱ gá ánima.

ROMANOS 4:10

¿Ncjahmʉ bi tsjih car Abraham, ya jin te mí tu̱? ¿Cja bi tsjifi ncjapʉ bbʉ ya xquí ttøhtibi jár cuerpo car seña ca i ttøhtibi cʉ judio? Ji̱na̱. Gue bbʉ jí̱ bbe mí ttøhtibi car seña bi tsjifi jin te mí tu̱.

GÁLATAS 3:15

Nuya, ʉm cjua̱da̱quijʉ, gu xihquijʉ hnar ejemplo pa gui ntiendejʉ, rá nzɛjti car acuerdo ca bi dyøtihui ca Ocja̱ car Abraham. Yʉ cja̱hni, bbʉ ga xoxjʉ hnar acuerdo, i reglajʉ pa göhtjo da hmʉpjʉ gá acuerdo, cja̱ diguebbʉ ya, i firmajʉ. Nubbʉ, ya xta tte̱me̱ car acuerdo, bbʉ. Ya jin da jogui da tju̱htzibi pe hnar palabra o da mpöti tema parte.

GÁLATAS 3:17

Dyøjma̱jʉ ca gu xihquijʉ ya: Bbɛto ca Ocja̱ bi un cár promesa car Abraham, bi goh‑ca̱ ncja ngu̱ hnar acuerdo, cja̱ bi xifi, ntju̱mʉy di cumpli ca xquí ma̱. Diguebbʉ ya, bi tjo cuatrociento treinta año, cja̱ nubbʉ, ca Ocja̱ bi un car ley cʉ cja̱hni israelita. Pe jin gá mpun car promesa ca xquí ttun car Abraham. Már nzɛjti‑ca̱.

HEBREOS 7:4

Nuya, gui mbe̱nijʉ tzʉ te tza már ji̱tzi cár cargo car Melquisedec. Como ca ndom titajʉ, car Abraham, bi döjti ca hnár parte digue göhtjo ca xcuí da̱pi cʉ gojo rey cʉ xcuí ntu̱jnihui. I tsjifi ʉr diezmo ca tengu̱ ca bi dö car Abraham.