HECHOS 4:10 - Otomi

¹⁰ Göhtjoquiguɛjʉ, dí xihquijʉ, gue cár ttzɛdi car Jesucristo ca múr mi̱ngu̱ Nazaret xí jojqui nʉr döhtji. Cja̱ dí nebbe pa da ba̱di göhtjo cʉ pé dda mi̱ngu̱ Israel, gue cár ttzɛdi car Jesús xí dyøti nʉr milagro‑nʉ. Nuquɛjʉ, gú mandadojʉ bi bböhti car Jesús, bi ddøti jar ponti. Nu car Tzi Ta ji̱tzi bi cjajpi bi jña̱ ʉ́r jña̱ bbʉ ya xquí du̱.

HECHOS 4:10 ပူးပေါင်းရင်းမြစ်များ

SAN MATEO 2:23

Bi zøti pʉ jar tzi jñi̱ni, mí ju̱ cár tju̱ju̱ Nazaret, cja̱ bú hmʉh pʉ. Ncjapʉ gá nzʉh car palabra ca xquí ma̱n quí jmandadero ca Ocja̱, ya má yabbʉ. Nucʉ́, bi ma̱ ncjahua digue ca hnar hñøjø ca di mɛjni ca Ocja̱, i̱na̱jʉ: “Car hñøjø‑ca̱, da tsjifi ʉr nazareno.”

SAN LUCAS 18:37

Bi tsjifi: ―Ya xpa e̱h car Jesús, car mi̱ngu̱ Nazaret.―

HECHOS 2:32

Car palabra ca bi ma̱n car David, cierto ya xí ncja. Göhtjoguigöje, dí testigoje, dí pa̱dije, cierto bi jña̱ ʉ́r jña̱ car Jesús.

HECHOS 2:36

Cja̱ guejtjo bi ma̱n car Pedro: ―Nuya, guí göhtjojʉ, guí israelitajʉ, dyøjma̱jʉ pa gui pa̱dijʉ to car Jesús ca gú tøtijʉ pʉ jar ponti. Guegue mero múr hñøjø ca bi hñi̱x car Tzi Ta ji̱tzi pa di mandadoguijʉ, cja̱ nuya xí cja ʉm Tzi Jmu̱göjʉ.― Ncjapʉ gá ma̱n car Pedro.

HECHOS 28:28

Cja̱ pé bi ma̱n car Pablo, bi xih cʉ judio: ―Dyøjma̱jʉ ya, desde rá pa ya, gue cʉ cja̱hni cʉ jin gui judio da tsjij nʉr ddadyo jña̱, pa da dɛnijʉ ca Ocja̱ cja̱ da dötijʉ car nzajqui ca jin da tjegue. Nucʉ́, da hñeme‑cʉ́.―

HECHOS 3:6

Nu car Pedro bi xifi: ―Jin te dí ja̱bbe domi pa gu ddahquibbe. Pe más rá zö ca gu ddahquibbe, como dí ja̱bbe hnam cargobbe xí ddajquibbe car Jesucristo ca múr mi̱ngu̱ Nazaret. Por rá ngue guegue‑cá, dí xihquibbe, gui bböj ya, gui hño.―

ROMANOS 1:4

Múr cja̱hni car Jesucristo, pe guejtjo múr Ttʉ ca Ocja̱. Dí pa̱dijʉ, ʉ́r Ttʉ ca Ocja̱ guegue, porque bbʉ ya xquí du̱, car Tzi Ta ji̱tzi bi cjajpi bi jña̱ ʉ́r já̱. Bbʉ mí nantzi car Jesús, nubbʉ́, bi ni̱gui te tza rá nzɛh car Tzi Ta ji̱tzi.