HECHOS 22:10 - Otomi

¹⁰ Nugö, pé dú xih ca hnáa ca ndár ña̱göbbe: “Nuquɛ, ʉm Tzi Jmu̱qui, ¿ja gu ncja ya bbʉ́?” Cja̱ guegue bi xijqui: “Bböj ya, cja̱ gui ma nʉ Damasco. Bbʉ xtí tzøni nʉ́, xtu tsjihqui göhtjo ca i nesta gui dyøte, como ya xí mbe̱n car Tzi Ta ji̱tzi ja ncja gui pɛjpi.” Ncjapʉ gá xijqui car jña̱.

HECHOS 22:10 ပူးပေါင်းရင်းမြစ်များ

HECHOS 10:33

Eso, exque xtú cu̱j yʉ hñøjø‑yʉ, xí ma xpá nziquijʉ. Cja̱ nuquiguɛ, dí gradecequi car favor xcú cjagui ca xquí hñe̱jcua. Ya xtú jmu̱ntzije hua, dí göhtjoje, pa gu ødeje göhtjo ca xí bbɛjpiqui ca Ocja̱ gui xijquije.― Bi ma̱ ncjapʉ car Cornelio.

HECHOS 16:30

Ma ya, bi gʉjquihui pʉ tji cja̱ bi dyönihui: ―Nuquɛhui, tada, ¿ter bɛh ca̱ gu pɛj ya bbʉ, pa da perdonagui ca Ocja̱ cʉ rá nttzo cʉ xtú øte?― Bi ma̱ ncjapʉ car guardia.

HECHOS 2:37

Cja̱ bbʉ mí dyøj ya‑ca̱ cʉ judio cʉ már ødejʉ, bi ndo ntzøtijʉ, bbʉ, cja̱ bi dyön car Pedro co ni cʉ pé dda apóstole, bi hñi̱mbijʉ: ―Nuquɛjʉ, cjua̱da̱, ¿ter bɛh ca̱ gu pɛjme ya bbʉ, pa da perdonaguije ca Ocja̱?―

HECHOS 22:11

Nugö, ya xtá ngodö, mí gue car tjay xquí ndo ti̱ti yʉm dö, ya jí̱ ndí janti. Eso, bi pɛntiguitjo nʉm dyɛ cʉ hñøjø ndá hñobbe, bi zixquijʉ dá ma Damasco.

HECHOS 9:6

Bbʉ mí dyøj ya‑cá̱, bi ndo ntzu̱ car Saulo, hasta mí jua̱. Cja̱ bi da̱di: ―¿Ter bɛh ca̱ guí ne gu øti ya bbʉ́, Tzi Jmu̱ Jesús?― Cja̱ car Jesús bi xifi: ―Bböj ya, gui ma nʉ jar jñi̱ni Damasco, cja̱ xtu tsjihqui pʉ ter bɛh ca̱ gui dyøte.―