HECHOS 12:22 - Otomi

²² hasta bi hño í mʉyjʉ cʉ már øjmʉ, cja̱ bi ndo majmʉ nzajqui: ―Rá ndo zö ca i ma̱n ya‑nʉ́. Ncjahmʉ jin gur cja̱hni ga ña̱. Ncjahmʉ Ocja̱.― Car Herodes bi dyøj ya‑cá̱, pe jin gá ccax cʉ cja̱hni cʉ már jɛquihui guegue ca Ocja̱.

HECHOS 12:22 ပူးပေါင်းရင်းမြစ်များ

HECHOS 12:21

Car Herodes ya, bi göh hnar pá pa di hñe̱jmʉ cʉ cja̱hni‑cʉ́, di ña̱hui guegue. Cja̱ bbʉ mí zøh car pa‑cá̱, car Herodes bi jie quí da̱jtu̱ gá rey, bi mi̱h pʉ mfrente pʉ jabʉ xquí jmu̱ntzi cʉ cja̱hni, cja̱ bi dö hnar discurso, bi xih cʉ cja̱hni rá ngu̱ palabra már tzi zö,

HECHOS 12:23

Mismo car hora‑cá̱, hnár ángele ca Ocja̱ bi cjajpi bi jñi̱n car Herodes, porque bi jñɛgui bi tti̱htzibi ncjahmʉ du Ocja̱. Eso, bi cja Ocja̱ bi ñʉti ta̱ni zu̱we̱ cár ngø, cja̱ nucʉ́ bi dequibi cár cuerpo. Bi ncjapʉ gá ndu̱ car Herodes.

JUDAS 1:16

I ndo tzajte cʉ cja̱hni‑cʉ́. Dé i ña̱jquibi quí mi̱nga̱‑cja̱hnijʉ. I tja̱jtijʉ bbʉ ga ttzofo. I tzanijʉ cʉ to i ja̱ ʉ́r cargo pʉ jar templo, cʉ hermano cʉ i pɛjpijʉ ca Ocja̱. I øtijʉ göhtjo cʉ nttzomfe̱ni cʉ i mbe̱ni mbo ʉ́r mʉyjʉ. I ndo hñi̱xtsjɛ ga ña̱jʉ. Guejtjo i johtitjo cʉ dda cja̱hni cʉ i e̱me̱ nʉ́r palabra ca Ocja̱, pa da da̱pi cár voluntad cja̱ da ttuni ca te i nejʉ.

APOCALIPSIS 13:4

Nubbʉ́, bi nda̱nejʉ car zu̱we̱ gá dragón, como guegue xquí döjti cár cargo ca pé hnar zu̱we̱. Mí ma̱n cʉ cja̱hni ncjahua: ―¿Jabʉ xcrú nu̱jʉ ca to di jñɛjmi nʉr zu̱we̱‑nʉ́? ¿Toca̱ di bbʉy drá nzɛdi pa di ntu̱jnihui guegue?―