HEBREOS 7:9 - Otomi

⁹ Yʉ pa ya, yí möcja̱ digue cár religión cʉ israelita i recibitjo yí diezmo yʉ pé dda cja̱hni, quí mi̱nga̱‑israelitajʉ. Gueguejʉ cʉ möcja̱, göhtjo guá hñe̱jmʉ jár cji car Leví, cja̱ nu car Leví, múr mboxibbɛjto car Abraham. Nu car Abraham, bbʉ mbú ntjɛhui car Melquisedec, exque bi döjti cár diezmo pa guejtsjɛ guegue. Guejtjo bi goji por rá ngue göhtjo quí ba̱jtzi cʉ di hmʉy, co quí bbɛjto cja̱ hne̱h quí mboxibbɛjto. Como göhtjo‑cʉ bi hmʉy cja̱ bi mɛhtzi nzajqui por digue car Abraham. Eso, bbʉ mí dö car diezmo car Abraham, ncjahmʉ bi dö cár diezmo car Leví hne̱je̱, macja̱ jí̱ bbe mí bbʉh‑ca̱.

HEBREOS 7:9 ပူးပေါင်းရင်းမြစ်များ

SAN MATEO 7:8

Car cja̱hni ca te i nesta, bbʉ da dyöjpi ca Ocja̱, da ttuni. Car cja̱hni ca te i joni, xta döti. Car cja̱hni ca i nzoh ca Ocja̱, da tsjojquibi car goxtji.

ROMANOS 5:12

Má ndo yabbʉ ca primero ʉr hñøjø bi dyøti ca rá nttzo. Guegue múr Adán. Como guá hñe̱ guegue göhtjo yʉ cja̱hni hua jar jöy, göhtjo bi dɛnijʉ cár hmʉy car Adán. Guegue‑cʉ bi dyøti ca rá nttzo hne̱je̱. Guehca̱ gá dyøti ca rá nttzo car Adán, bi tja̱jquibi ca mír yojmi ca Ocja̱, cja̱ guejtjo bi tjeh cár nzajqui, bi du̱. Pé bi ncjadipʉ göhtjo cʉ pé dda cja̱hni cʉ xí hmʉjcua jar jöy, como göhtjo xí dyøtijʉ ca rá nttzo.

HEBREOS 7:10

Eso, car Abraham, bbʉ mbú ntjɛhui car Melquisedec cja̱ bi gu̱ti car diezmo, bi goji por rá ngue göhtjo quí familia cʉ drí ga̱tzi di hmʉy. Nucʉ́, ncjahmʉ ya xi már bbʉh pʉ hne̱je̱, yojmi car Abraham, como guegue‑ca̱ di un cár nzajquijʉ.

HEBREOS 7:4

Nuya, gui mbe̱nijʉ tzʉ te tza már ji̱tzi cár cargo car Melquisedec. Como ca ndom titajʉ, car Abraham, bi döjti ca hnár parte digue göhtjo ca xcuí da̱pi cʉ gojo rey cʉ xcuí ntu̱jnihui. I tsjifi ʉr diezmo ca tengu̱ ca bi dö car Abraham.

HEBREOS 7:8

Nugöjʉ, yʉ pa ya, dí döjtitsjɛjʉ yʉm diezmojʉ yʉ cja̱hni yʉ i pɛhtzi cár cargojʉ pʉ jár ngu̱ ca Ocja̱. Como cja̱hnitjo‑yʉ, jin gui bbʉpjʉ göhtjo ʉr tiempo. I tu̱jʉ. Pe nu car Melquisedec, jin te i xijquijʉ jar Escritura, ¿cja bi du̱? Ncjahmʉ di bbʉjti‑ca̱.